2 SAMUEL 17:8 - PATHIAN LEKHABU THIANGTHO (BSI)

⁸ Hushai in, “La pa tawh a mite chu gamlak ah savom no kiluak piak gual ah lungna a hiu ti la hia’i. Zia bep chule hilo in, la pa chu gâl bawldan thiam tak ahi ziakin, tu’jan ah hin a sepaite lak ah umlo ding ahi.

2 SAMUEL 17:8 ပူးပေါင်းရင်းမြစ်များ

2 SAMUEL 15:18

A milian leh lalte zosia’n a hun makhel tau ah; ama vengtu Khereth mite, Peleth mite leh Git mi za guk Gath khua kipat hun zui zosia chunle a hun makhel tau hi.

2 SAMUEL 17:9

Tu’ziang ah hinle, kawlhawm khat a hem, mun dang khat a hem ah kiselgu ta ding ahi. I sepaiteu lak ah khat to in a do phat ua leh, zia husa chu a la he tapo chun, ‘Absalom nungzui sepaite chu a thi gei gui ziang ui,’ hun ti’n au.

2 SAMUEL 23:16

Ziaphatchun, a sepai hat pathumte chun Philistinte giamun chu hawtheng in, Beth-lehem khua kul kotkhak bul ah tui kul tui chu va thal in, David a hung pia tau a. Himaleh, ama’n a dawn nuam pua’n; Lalpa â dingin a buntha tai;

2 SAMUEL 23:18

Zeruiah chapa Abishai, Joab suapipa chu Sawmthumte lak ah hotu lian ahi. Ama’n a cheicha bep mang in mi za thum a kidopi in, a that sik sek ah; tichun, Pathumte tilo ah chun min phatna a law tai.

2 LENGTE 2:24

A kihei vêl leh a mau chu a hun mu ta, Lalpa min in hânsia a lawkhum tai. Chun, gamlak ah kipat in savompi pani a hung pawtdok ua, pawsal naupangte lak ah sawmli leh ni chu a hung petlum tau hi.

THUPILTE 17:12

Mingol a gutut a pua’n lai tak sît khak sâng in, savompi a no kiluak piak zo pan kituakpi chu nop a um zawi.

THUPILTE 28:15

Migentheite chung ah vaihawmtu gilo chu, sakeibaknei hâm leh savom hâng mi del tawhbang ahi.

EZEKIEL 19:2

zia gual hin sa’n: La nu kha sakeibakneite lak ah sakeibakneipi hilo maw? Sakeino lak in a kual ah, a note a vâk hi.

DANIAL 7:5

Gam sahâng dang khat, a pani’na chu savom tawhbang a hi’n. A nung lam keng ah dingin, a hâ te kikâl in hapi pathum a um a; chuleh, a kiang in, “Tho inla, mi tam takte taksa vane zo in,” a tiu a.

HOSEA 13:8

Savom no kiluak gual in amau chu man ing ka tin, a lungchang tuamnau chu puai thêk piak ing ka; sakeibaknei in a nêk zaw gual in, amau chu val zo ing ka tin, gamsa’n a puaitel gual in hun puaitel ding ka hi.

VAIHAWMTE 18:25

Chun, Dan mite chun, “Ka kiang un bangma gen kin; achutiloleh, ka lak ua tangval lungchom deu khat in, la hinna leh la In sung mite hinna hun lak piak khawlaw kha’n ah,” a ti piak tau hi.

1 SAMUEL 16:18

Tangvalte lak ah pakhat in a hun dawnhu ah, “Beth-lehem khua mi khat thilgi tum thiam, mi hangsan leh gâlhat, thugen thiam leh ngaituana kitup tak nei khat ka mu’n; Lalpa umpi mi le ahi,” ti’n a dawnhu a.

1 SAMUEL 17:50

Tichun, David in vaisuangse ah suangchang pakhat bep mang in, Philistin mipa chu zo in, a that tai; David in chemjam a chawi puai.

1 SAMUEL 23:23

A kisêlna mun leh a panna mun zosia vahechian unla, la vahetchian zaw phat ua leh hung kit un. Ziaphat chuleh, kiton hi tiu in, zia bial ah chu um nalai a hinâk leh, Judah mi a sâng têlte lak ah kipat chun hawldok na’ng ka,” ti’n a gen tai.