2 SAMUEL 17:14 - PATHIAN LEKHABU THIANGTHO (BSI)

¹⁴ Absalom tawh Israelte zosia chun, “Arkha mi Hushai lemguat dan chu Ahithophel lemguatna sâng in a pha zawi,” a ti chiat tau a. Lalpa chun Absalom chung ah siatna a tunsak theina dingin, Ahithophel lemguatna pha tak chu bangmalo sua dingin Lalpa‘n a la lemguatsa ahi ta’ngal a.

2 SAMUEL 17:14 ပူးပေါင်းရင်းမြစ်များ

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

2 SAMUEL 15:31

Ahithophel in Absalom a kithuapi hi ti David a hil un. Zia phat ah chun, David in, “Aw Lalpa, Ahithophel thuhilna chu bangmalo suaksak in,” ti’n a gen tai.

2 SAMUEL 15:34

Himaleh, khawpi lam ah chia kit inla, Absalom kiang in, ‘Aw lengpa, la suak in pang ing ka; tu’ma lam ah la pa suak ah ka la pan gual khan tu’hin le nangma suak ah pang ing ka,’ vati lechin, Ahithophel thuhilna zosia chu lei zaw piak hi mai ding a hi.

2 SAMUEL 16:23

Zia lai chun, min Ahithophel lemguatte chu Pathian kiang ah kipat thupawt a batsak un; ziaziakchun, Ahithophel lemguatna chu David leh Absalom chung ah tung chu min dik a sau in, a ngaisâng ma mau hi.

2 KHANGTHU 10:15

Tichun, lengpa chun mipite thugen chu a ngaisak ta pua; Lalpa chun Shilon khua’ Ahijah kiangah, Nebat chapa Jeroboam kiangah a thutiam dungzui ah a guitun theina ding ah, Pathian in a chuti bawlsak chu a la hi’ngal a.

2 KHANGTHU 10:8

Himaleh, upate lemguat dan chu a pom lo ziakin, khangthak, ama khangualpi a nasêm, a kiang ah um sekte chu a dongah;

2 KHANGTHU 25:16

Himaleh, zia thu a gen zing lai ah chun lengpa’n zia gual hin a hun dawnhu a: “Nang phiangsan hi lengpa lemguat piak ding ah kuan a hun guat ua a hem? Thip hiat hiat mai in! Bang ding ah hun that mai ding ka hi em?” a ti’n. Ziaphatchun, jawlnei chule a thip ah; chomkhat zaw in, “Zia gual ah ka hun thuhilna la ngaisak lo ah, zia tawhbang la bawl ziak hin, Pathian in hun susia ding ahi ti ka hia’i,” ti’n a hun gen a.

2 KHANGTHU 25:20

Himaleh, Amaziah chun a la ngaisak nuam puai. Edom mite pathian a dot ziak ah amau chu a mêlmateu khut ua piakdaw ding chu, Pathian dawi dan ahi tâk ziakin.

NEHEMIAH 4:15

Ka mêlmateu in a thugêl uh ka he tau hi ti leh, Pathian in bangmalo a sua tai ti a hetchian phat un, mi tin in ka nasepna mun chiat uh zuan in, kulbâng chu ka bawl kit tau a.

JOB LEKHABU 12:17

Lemguattute lawsam in a puimang ah, vaihawmte a hi’ngol hi.

SAM 9:15

Namtin a kawkhûk siam un a ke’lut tau in; a gûkah a lên jak ua chun a keng un a awk tau hi.

SAM 9:16

Lalpa chu a kiang un a kihiatsak ta hen, vai a hawm tai; mi nunsiate chu amau khutsuak ah chun a awk tau ahi.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

THUPILTE 19:21

Mihing lunggil in guanggalna tam tak a um in; ahi’n la, Lalpa doilam bep chu guitung in a.

THUPILTE 21:30

Lalpa doi lo lam ah mihing pilna, hetthiamna leh lem guatna lawting a um ngai puai.

ISAI 8:10

Lung a gêl khawm un, maleh, bangmalo suak tho tho in a; ngaidan a gen khawm un, maleh, bangma’n pang diak pua’n a; Pathian chun ei umpi ngâl a,” ti in.

KÂ LATE 3:37

Lalpa guatsa ahilo chun, kua’n thu pia’n, bawlthei ding a hem?

AMOS 9:3

Karmel tâng ah kisêl maleu hawldok in, hun kaidok ing ka; ka mulo dingin tuisuagiat li tual ah kisêl maleu, zia tak ah chun gulpi thu pia’ng ka tin, amau a la chu’n a.

LUKA 16:8

A pu chun, sumkol ginumlo chun pil tak ah thil a bawl ziak ah chun a pakcha ta’n, vâk chate sâng in zia khawvel chate hi a tu’lai thuu in a pilzawu hi.

1 KORINTH 3:19

Zia khawvel pilna hi Pathian ngai in ngolhuai tak ahi ngal a: “Ama’n mipil chu a dawha thûknau in a man sek hi,” ti zik gual in.

DAN LEKHABU 2:30

Himaleh, Heshbon lengpa Sihon chun a gam sung ka hawthen ding uh a phal ta pua’n; Lalpa la Pathian un amau chu la khut ua a hun piak theina dingin a lungthim uh a hikhau piak ah, tu’ni tiang ah la mu gual ngei un, a lungthim uh a hi’lulul ta ahi.

JOSHUA 11:20

Mosi kiang ah Lalpa‘n thu a la piak gual ah a sukchimit sik sek ah, daidawp lo ah a sukmang dik dek theina dingin Lalpa‘n a lungthim uh sutâk in, Israelte chu a dosak sek ahi ngâl a.