2 SAMUEL 17:10 - PATHIAN LEKHABU THIANGTHO (BSI)

¹⁰ Ziaphat chuleh, sakeibaknei gual ah hangsante nasan chu hung lungthuai ding a hiu; Israel mi zosia’n la pa gâlhat dan leh ama lam ah pang sepaite gâlhat dan a hiatsau ahi ngal in.

2 SAMUEL 17:10 ပူးပေါင်းရင်းမြစ်များ

THILSIAM THU 49:9

Judah hi sakeibaknei no ahi’n; ka chapa, la sa mat chu la nusia ta’n: sakeibakneichal gual ah bok in, a kije hen; sakeibakneinu gual ma’n, kua’n kaitho ngam ding a hem?

2 SAMUEL 1:23

Saul leh Jonathan chu a ngai um un a doi um nau e! Hin inle, thi inle a kikhen puau hi; mupi sâng in a chan-gang zawu ah, sakeibakneite sâng in a hatzawu hi.

2 SAMUEL 17:9

Tu’ziang ah hinle, kawlhawm khat a hem, mun dang khat a hem ah kiselgu ta ding ahi. I sepaiteu lak ah khat to in a do phat ua leh, zia husa chu a la he tapo chun, ‘Absalom nungzui sepaite chu a thi gei gui ziang ui,’ hun ti’n au.

2 SAMUEL 23:20

Kabzeel khua Jehoiada chapa Benaiah chu mi hangsan ahi’n, ama chun thil thupi tam tak a bawl hi; Moab ah Ariel chapate pani a that in. Chuleh, vûk kiak hun lai in, kuak sung khat in a valut ah, zia tak ah chun sakeibaknei khat a vathat hi.

SAM 89:19

Malai ah chun la mi ginum kiang in, kilâkna’n thu la gen a; “Mihat chung in ka lallukhuk ka koi in, mipite lak ah kipat têlchuam ah um chu ka chawihoi tai.

PAWTDAWNA THU 15:15

Ziaphat chun, Edom lengte chu a lungkham tau a: Moab mi hatte chu launa’n a pha ta’n; Kanaan gam ah chêngte zosia chu, a tawp gam tau hi.

THUPILTE 28:1

Migilo chu del lo in a tai in, midik vang sakeibaknei gual in a hangsan hi.

SOLOMON LÂ 3:7

En in, lâng ah um chu Solomon ahi! A kîmvêl ah chun Israel mihat leh têlchuam sawmguk a um un;

ISAI 13:7

Ziaziakchun, khut zosia zawitha ta’n tin, mi tin lungchang chautha ta’n tin,

ISAI 19:1

Aigupta siatna ding thu kigen chu: En un, Lalpa chu sûmpi hat tak ah leng chung ah chuang in, Aigupta lam in a hung hi; a ma-âng ah chun Aiguptate milim haw chu kithing intin, Aigupta mite lungchang chule a sung un timaw zo ta’n au.

EZEKIEL 21:15

ziaziakchun, lung a thuai zo ta’n, mi tam tak a pûk tau hi. A kotpi tin un chemjam hiam ka koi piak zo tai. Katei! Vai ding ah siam ahi’n, mi tha’na ding ah nawtval ahi.

DAN LEKHABU 1:28

Khoilam zuan I hitau em? I unauteu in, A gam ah chêngte chu ei haw sâng ah hatzaw leh sangzaw ngen a hiu ah; a khawpiteu chule a lian in van supha khop hial ah kulbâng sâng nei ngen a hiu; zia tak ah chun Anak suante chule ka hun mu malam ngei ngei ui!, a ti nalai ua,” la tiu a.

HEBRAITE 11:34

mei thilhitheina a sumit un, chemjam hiam takte a pumpel un, hatlona kipat in hatna a muu a, gâldona mihat leh mi gensim in a um un, namdang sepai honte a naw jak un.

1 SAMUEL 16:18

Tangvalte lak ah pakhat in a hun dawnhu ah, “Beth-lehem khua mi khat thilgi tum thiam, mi hangsan leh gâlhat, thugen thiam leh ngaituana kitup tak nei khat ka mu’n; Lalpa umpi mi le ahi,” ti’n a dawnhu a.

1 SAMUEL 18:17

Ziaphatchun, Saul in David kiang in, “Zia hin ka chanu upa zaw Merab a um hi; kei â ding ah hangsan tak ah la pan ah, Lalpa gâl la do ngachat phot leh, la ji dingin hun pia’ng ka, ti’n a gen a. Saul in a gêl dan chu, Keima’n that lo lengle Philistinte’n hun that tho tho na’n au,” a ti ziak ahi.