2 SAMUEL 16:4 - PATHIAN LEKHABU THIANGTHO (BSI)

⁴ Ziaphatchun, lengpa chun, Ziba kiang in, “Mephibosheth thil nei zosia chu tu’hin nang â ahi tai,” a ti ta’n. Ziba chun, “Ka lalpa chun, a mit mu ah doisakna ei pia zing ta hen, ti’n kingainiam tak in ka ni la hi,” a ti tai.

2 SAMUEL 16:4 ပူးပေါင်းရင်းမြစ်များ

2 SAMUEL 14:22

Joab in lengpa ja’na leh malzawlna pia’n, a maichang ah leitual si’n chibai a bûk ah; chuleh, Joab in a kiang ah chun, “Tu’ni hin la suak dotna lengpa’n lei lawtinsak tak ziakin, lengpa, ka lalpa hin la suak hi ei doisak la hi ti ka he tai,” ti’n a dawnhu a.

2 SAMUEL 14:4

Tekoa numei chu lengpa kiang a hung tun phatin, a maichang ah leitual sihial ah jâna pia’n chibai a bûk ah; lengpa kiang ah chun, “Aw lengpa, ei panpi in!” a tia.

2 SAMUEL 14:8

Lengpa chun zia numei kiang ah chun, “La In lam in chia in, la chung thu ah hin thupiak hun bawl ding ka hi,” ti’n a gen a.

2 SAMUEL 16:3

Lengpa chun, “Aleh, la pu chapa kha khoi ah um a hem?” ti’n a dong ah. Ziba chun lengpa kiang in, “Tu’ni hin Israel mipite’n ka pu lenggam chu ei pia ding a hiu, a ti ziakin, Jerusalem ah a um den tai,” ti’n a dawnhu tai.

2 SAMUEL 16:5

Lengpa David chu Bahurim a tun phatin, Saul Inkuante lak ah mi pakhat, a min Shimei kiti, Gera chapa a um in. Ama chun a hun zawt kawm in hânsia a law khum malam pek a.

2 SAMUEL 19:27

Ama’n la suakpa hi lengpa kiang in ei la heksia Himaleh, lengpa, ka lalpa hivang Pathian vansawlchâk tawh bang ah pil la hi ngâl a; ziaziakchun, pha lasak dan dan in bawl mai in.

2 SAMUEL 9:6

Saul chapa Jonathan chapa Mephibosheth chu David kiang a hung tung ta’n; tichun, a mai ah leitual si’n chibai bûk in a bokkhup ta. David chun, “Mephibosheth!” ti’n a ko a. Ama chun, “La suak ka hi,” ti’n a dawnhu a.

2 SAMUEL 9:9

Ziaphatchun, lengpa chun Saul suakpa Ziba chu a ko ah, a kiang in, “Saul leh a Inkuan ua a nei gothil zosiau chu la pu tupa kiang ah hin ka pia tai.

PAWTDAWNA THU 23:8

Golgûkna him him la lâk lo ding ahi; golgûkna hin vaihawmte mit a hi’thûm ah, midikte dikna a lebawl sek ziakin.

THUPILTE 18:13

Thu hetchian masang ah dawnhu pai sek chu, ngolna leh mualphona a hisek hi.

THUPILTE 18:17

A dikna thu gen masate chu a dik in kilang masa sek maleu, a langpa’n a hun gen phat leh, a dik zaw a hung kilang sek hi.

THUPILTE 19:2

Hetna bei ah thil khat doina mai chu a pha pua hen; kalsuan kin-gang talua chule chotkhialna ahi.

DAN LEKHABU 19:15

Tualthat a hem, thil phalo bawl leh mi gitlona him him chu, thiamlo chansakna dingin hiatpitu pakhat mai thu chu a hun tawk puai. Hiatpitu pani a hem, pathum a hem hetna bep in thiamlo chansak tak tak hi bep ding ahi.