2 SAMUEL 16:23 - PATHIAN LEKHABU THIANGTHO (BSI)

²³ Zia lai chun, min Ahithophel lemguatte chu Pathian kiang ah kipat thupawt a batsak un; ziaziakchun, Ahithophel lemguatna chu David leh Absalom chung ah tung chu min dik a sau in, a ngaisâng ma mau hi.

2 SAMUEL 16:23 ပူးပေါင်းရင်းမြစ်များ

2 SAMUEL 15:12

Absalom in a kithoi pet ah chun Giloh khua David thudot pen, Gilon mi Ahithophel chu a ko ah. A thusawmgûk uh chu a hat deu deu in, Absalom lam ah pang mite chu a pung deu deu tau hi.

2 SAMUEL 15:31

Ahithophel in Absalom a kithuapi hi ti David a hil un. Zia phat ah chun, David in, “Aw Lalpa, Ahithophel thuhilna chu bangmalo suaksak in,” ti’n a gen tai.

2 SAMUEL 17:1

Zia lo ah chun, Ahithophel in Absalom kiang in, “Mi sîng khat leh sang ni teldok ing ka, tu’jan ma ma’ hin David delzui dingin kipan ing kau.

2 SAMUEL 17:14

Absalom tawh Israelte zosia chun, “Arkha mi Hushai lemguat dan chu Ahithophel lemguatna sâng in a pha zawi,” a ti chiat tau a. Lalpa chun Absalom chung ah siatna a tunsak theina dingin, Ahithophel lemguatna pha tak chu bangmalo sua dingin Lalpa‘n a la lemguatsa ahi ta’ngal a.

2 SAMUEL 17:23

Ahithophel chun a lemguatna a zui puau hi ti a het phat in, a sabiltung chung ah chuang in, khawpi lam ah a In zuan in a chia tai. A Insung a suktup zaw phatin a kikhâi lum ta’n; a thi phatin a pa thânkhuk in a vui tau hi.

JOB LEKHABU 28:28

Ziaphatchun, mihingte kiang in: “Lalpa launa chu vang pilna ahi takzet in, thil phalo nutsia hi, hetthiamna bul chu ahi takzet hi,” a tii.

JOB LEKHABU 5:12

Mi kipilsakte guanggalna a hibuai ah, tichun, a khut nasepteu chu a lawting ngai puai.

SAM 19:7

Lalpa dan chu a pha bukim in, hinna a chok-hal sek in; Lalpa thu hiatsak chu a dik in, mimawl a hipil sek hi;

SAM 28:2

Ka khutte la mun thiangtho pen lam ah hun jak ah, la panpi’na ngai ah ka hung pauchap phat leh, ka dotna ei la ngaithâk piak ta’n.

THUGENTU 10:1

Thosi thi chun gimtui siampa thau gimtui chu, a ui gim a suaksak thei in; zia gual ma chun, ngolna neucha’n, pilna leh ja’umna a mansua thei hi.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 8:9

Lalpa thu gen a pom lo ziak un, mipil chu mualpho intin, buaisia’n, puimang in um ta’n au; amau ah bang pilna um ahi tam?

KISIMNA LEKHABU 27:21

Ama chu thiampu Eleazar ma-âng in ding intin, Lalpa ma-âng ah Urim ah thutanna chu dot piak sek intin; ama thu’ pawtdok in, ama thu ma ah lut intiu in, ama tawh a kiang ah Israel mipi um khawm zosia kiton in au,” a ti’n.

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

LUKA 16:8

A pu chun, sumkol ginumlo chun pil tak ah thil a bawl ziak ah chun a pakcha ta’n, vâk chate sâng in zia khawvel chate hi a tu’lai thuu in a pilzawu hi.

ROMTE 1:22

Pil ah kingai in, mingol ahi zaw tau hi.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

1 SAMUEL 30:8

David in Lalpa a dong ah, “Zia pawlte hi ka delzui diam? Ka delpha nalai diam?” ti in. Ama chun, “delzui in; delpha’n la tin, a khut ua kipat vahukdok kit sik sek ding la hi,” ti’n a hun dawnhu tai.