2 SAMUEL 16:11 - PATHIAN LEKHABU THIANGTHO (BSI)

¹¹ David in Abishai tawh a sepaite zosia kiang ah chun, “Ka chapa ma ma’n thalup guan ei hawl ahileh, zia Benjamin mi vang chun bang bawldâ ding a hem! Limsak dâ mai un, a nop dan dan in ei hân khum mai hen, Lalpa‘n a sawl ahi ngal in.

2 SAMUEL 16:11 ပူးပေါင်းရင်းမြစ်များ

THILSIAM THU 15:4

Ahi’n, Lalpa’n a kiang in, “Zia pa chun la go hun lua pua’n tin, nangma laigil ah piang, la chapa ma ma chun la golua ding ahi,” a ti’n.

THILSIAM THU 45:5

Himaleh, zia tak ah chia ding ah lei zok mang ziak ua khan lungkham kiu inla, ki’awimaw diak kiu in: Hinna hukhing dingin Pathian in la ma lam ua ei la sawl masak ahi.

2 SAMUEL 20:1

Zia lai chun, Benjamin phung ah mi Bikhri chapa, mi dukdak lo Sheba kiti hi a um in. Ama chun pengkul a mut ah, zia gual hin tâng a sam ta’n: “David ah hin bangma chan I nei puau hi, Jesse chapa ah hin chanvo I nei puau hi! Aw Israelte haw, la puan In lam chiat un chia tau in!” ti’n tâng a sam tai.

2 SAMUEL 7:2

lengpa chun jawlnei Nathan kiang in, “En tiam in, keima sidar thing ah kisa In ah ka chêng ta’n, Pathian thuthung thingkuang ahileh vang puanbûk in a um nalai hi,” a tia.

2 LENGTE 19:37

Chuleh, a pathian Nisrokh biakna In ah a pathian ho ah a um lai in, a chapate Adramelekh tawh Sharezer chun chemjam in a vathat ua; zia phat ah chun, amau chu Ararat gam lam in a jam mang tau hi: tichun, a chapa Esarhadon chu ama thasâng ah vaihawm in a hung pang tai.

2 KHANGTHU 32:21

Lalpa‘n a vansawlchâk pakhat hun sawl in, Assuriate sepai hangsan leh a hotute leh a sâpliante zosia chu a hung bantan sik sek tai. Tichun, ama chu zakcha tak in a gam lam un a kile’kit tai. A pathian In ah a vachia phatin, ama chate ma ma chun chemjam in a that tau hi.

SAM 109:28

Amau in hânsia law maleu, nang in vang ei maljawl ta’n. Ei do-te chu mualpho tau hen la, la suak hi vang kipak ta hen.

EZEKIEL 14:9

Chuleh, jawlnei pakhat chu thep zaw a um ah, thu a gen chun, Keima, Lalpa hin zia jawlnei chu ka thep zaw hi’ntin, ama do in ka khut lâm ing ka tin, ka mipite lak ah kipat paitha ding ka hi.

EZEKIEL 20:25

Zia lo chun, dan phalo takte leh a hintheilo’na ding uh thuguatte ka pia zaw tai.

MATTHAI 10:21

Tha dingin unau leh unau kimattua sak intiu in, pa’n le a cha matsak intiu in; chate’nle a nu leh pateu do intiu in, thâsak in au.

1 SAMUEL 26:19

Tu’hin, ka lalpa, lengpa chun a suak thugen hi a la ngai in. Keima thalupna ding ah hun tîl chu Lalpa ahi chun, a kiang ah kithoina thilpiak chu pom ta hen; himaleh, a hun tîl chu mihing ahileh vang, Lalpa ah kipat ka gochan ding lai nusia in, ‘Chia inla, pathian dangte na sêm in,’ ei ti ziakin tu’ni tiang ah del châkvai ah ei umsak ziakin, Lalpa ma ah hânsia law in um tau hen.