2 SAMUEL 16:10 - PATHIAN LEKHABU THIANGTHO (BSI)

¹⁰ Himaleh, lengpa chun, “Nanghaw Zeruiah chapate haw, bang a hem la kisakla piu? Lalpa‘n a kiang ah, ‘David hânsia valaw khum in,’ a ti hi kha leh, kua’n bangti awimaw thei ding a hem?” ti’n a dawnhu a.

2 SAMUEL 16:10 ပူးပေါင်းရင်းမြစ်များ

THILSIAM THU 50:20

Nang un ka chung ah lungthim phalo pu’n ei la bawlsia maleu chinle, Pathian in tu’ni gual ah hin mi tam tak hukhinna dingin, lungthim pha a la nei zaw ahi.

2 SAMUEL 19:22

Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

2 SAMUEL 19:23

Lengpa chun Shimei kiang in, “Thi lo ding la hi,” ti’n a gen a. Chun, lengpa chun that lo dingin thu a tiam tai.

2 SAMUEL 3:39

Tu’ni hin sathaunu’, a la hilengle thunei zo lo ka hi. Zia Zeruiah chapate hi kei â dingin a thok hak ma mau hi. Zia tawhbang thil bawlte hi Lalpa‘n a nunsiatnau tawh kituak in a chung un dit kit zaw mai ta hen!” ti’n a gen tai.

1 LENGTE 17:18

Ziaphatchun, amanu chun Elijah kiang in, “Ka chung ah bang a hem la lungdamlo’na, aw Pathian mi? Ka gitlona ei kigêl dawsak kit ding leh ka chapa thi’sak ding ah hung la hi maw!” a tia.

1 LENGTE 2:5

Zia ban ah chun, Zeruiah chapa Joab in ka chung ah a bawlte kha la hia’i. Israel hotu pani, Ner chapa Abner leh Jether chapa Amasa chung ah a bawlte; a thalup ah, gâl kicham lai tak ah thisan a sua ah, a kengtawdap leh a kawnggâk ah kidona thisan a be dante kha.

2 LENGTE 18:25

Zia mun hung susia ding ah hin Lalpa panglo ah hung kuan to dingah lei ngaitua a hem? Lalpa‘n ka kiang in thu a gen ah, zia gam do dingah hin hang kuan to inla, hung hise sik sek in ei ti ahi,” a tia.

JOB LEKHABU 9:12

Ama’n a kilâk in, kua a hem dâl thei? A kiang ah kua’n, “Bang a hem la bawl?” ti’thei ding a hem?

SAM 39:9

Nang in la bawl ahi ziakin ka pau pua’n, ka kam le ka kêk diak puai.

THUGENTU 8:4

Lal thu chu a hât in, thil hi’thei tak le ahi; kua’n a kiang ah, “Bang a hem la bawl chu?” ti ngam ding a hem.

KÂ LATE 3:37

Lalpa guatsa ahilo chun, kua’n thu pia’n, bawlthei ding a hem?

DANIAL 4:35

lei chung ah chêng zosia hi bangmalo mai a hiu in, van ah um zosia chung leh lei ah chêng zosiate chung hin, ama’n a nop dan dan ah a bawl mai ahi. Kuama’n a khut chu a tutâng thei pua’n, a kiang inle, Bang ding ah la chuti bawl a hem? tithei le a um puau hi, ti in.

MATTHAI 16:23

Jesu chu a kihei ah, Peter kiang in, Setan, ka nung ah chia in! Kei â dingin pûkna la hi; Pathian thilte ngaitua lo in mihing thilte la ngaitua ahi, a tia.

MATTHAI 8:29

Amau chun, “Pathian Chapa, kei uh bang ei law gua hung la hem? Huntiam tunma’ ei soisak gua la hem?” ti’n a kiko tau a.

JOHAN 18:11

Peter kiang in Jesu’n, “La chemjam kha a pâi ah thun kit ta’n. Ka Pa’n ka dawn ding ah ei piak no hi dawn lo ding ka hia hem?” a tia.

ROMTE 9:20

Himaleh, a dik tak in, aw mihing, Pathian nial chu kua la hia hem? Thilsiam in ama siampa kiang in, “Bang a tia zia gual ah hi lei siam a hem?” tiding a hia hem?

1 PETER 2:23

Mi hosiat ah a um lai in a hosia thuk pua’n, a thok lai in a vau thuk diak puai; dik tak ah vaihawmpa kiang ah chun a kipe zaw ahi.

1 SAMUEL 26:19

Tu’hin, ka lalpa, lengpa chun a suak thugen hi a la ngai in. Keima thalupna ding ah hun tîl chu Lalpa ahi chun, a kiang ah kithoina thilpiak chu pom ta hen; himaleh, a hun tîl chu mihing ahileh vang, Lalpa ah kipat ka gochan ding lai nusia in, ‘Chia inla, pathian dangte na sêm in,’ ei ti ziakin tu’ni tiang ah del châkvai ah ei umsak ziakin, Lalpa ma ah hânsia law in um tau hen.