2 SAMUEL 15:30 - PATHIAN LEKHABU THIANGTHO (BSI)

³⁰ Himaleh, David chu Oliv tâng lamto ah chun kengtaw but lo leh puan kilukhu ah kap kawm kawm in a kal to ah; a kiang ah um zosia chunle puan kilukhu chiat ah kap kawm kawm in a zui tau hi.

2 SAMUEL 15:30 ပူးပေါင်းရင်းမြစ်များ

2 SAMUEL 15:29

Tichun, Zadok tawh Abiathar chun Pathian thuthung thingkuang chu Jerusalem in a jawn lut kit tau a; chuleh, amau chule a um den tau hi.

2 SAMUEL 19:4

Lengpa chu puan a kilukhu ah, aw ngai tak in, “Aw ka chapa Absalom, aw Absalom, ka chapa, ka chapa!” ti’n a kap chuai chuai tai.

2 SAMUEL 19:5

Ziaphatchun, Joab chu lengpa In ah a hung ah, a kiang in, “Tu’ni hin la sepai hotute, tu’ni tiang ah nangma hinna leh la chanute leh la chapate, la jite leh la thâikemte hinna hun hukdokte sumualpho dingin puan la kilukhu in,

ESTHER 6:12

Ziazaw chun, Mordekai chu Lengpa kotkhak bul ah chun a hung kit ah, Haman ahileh chu lungngai tak leh puan kilukhu in a In lam ah kin tak in a chia kit tai.

SAM 42:3

Ka mitthi hi a sûn a jan ah ka an ahi’n, “La Pathian khoi ah um a hem?” ei ti, ei tiu a.

SAM 43:5

Aw ka hinna, bang ding ah lungkia, ka sung ah bî theilo la hem? Pathian ah kinem ta’n la, ama ei panpipa leh ka Pathian chu, pakcha kit ding ka hi’ngal a.

EZEKIEL 24:17

A gûkcha’n, thûm inla, mithi chu sûn kin. La dialkop inla, la kengtawdap but zing in; la mûk tuam kin la, lusûnna an le ne kin.

EZEKIEL 24:23

La dial uh kop in la tiu in, la kengtawu le but in; lusûn in, kap pua’n la tiu in; himaleh, la thil bawlkhialnau ah mangthai in kikâ khum tua ta’n lau.

ZEKARIAH 14:4

Ziaphat chuleh, Jerusalem sualam kai ah Oliv tâng chu a keng in hun chuan intin; chuleh, Oliv tâng chu sualam leh tumlam ah kikhen jak in, a kâl ah phâijawl lian tak hung um ta’n ah; chun, tâng kimkhatte gêl chu phel ni kisua in, khat in mallam zuan in, khat in simlam zuan in a.

MATTHAI 5:4

Lusûnte chu mi hampha a hiu; Pathian in thamuan ding ahi ngal a.

LUKA 19:29

Bethphage leh Bethani khua kiang, Oliv tâng kiti mun chu a hung tung un; zia kipat chun a nungzuite pani a sawl a:

LUKA 19:37

Tichun, Jerusalem khua a hun nai tau a, Oliv Tângpang ah chun a hung suk un, a nungzui mipi zosiate chun, a thil lopi tak tak bawlte ziak ah chun, Pathian chawihoi in aw ngai tak in a kiko tau a:

LUKA 19:41

Jerusalem a hun nai ma ma phat un, khawpi chu a vak en ah, a kâkhum ta’n:

LUKA 21:37

Nisi’n in tempul ah chun thu a hil sek a; jan tak leh a pawtdok a, Oliv tâng kiti, chunglam ah chun a hang um sek hi.

LUKA 22:39

A hung pawtdok ah, a bawl dan ngai gual in, Oliv tâng lam in a chia ah; a nungzuite’nle a zui pek un.

NASEPTE 1:12

Ziazaw chun, Oliv tâng ah kipat chun Jerusalem khua lam in a hung kit tau a; zia mun chu Jerusalem ah kipat sabbath ni chia phâkna chan bep ahi.

ROMTE 12:15

Kipakte chu kipak piu inla, kapte chu kâ piu in.

1 KORINTH 12:26

Chutichun, bâk pakhat in a thok chun a leng un a thokpiu in, bâk pakhat chawihoi ahi chun a leng un a kipakpiu hi.