2 SAMUEL 15:25 - PATHIAN LEKHABU THIANGTHO (BSI)

²⁵ Ziaphatchun, lengpa chun Zadok kiang in, “Pathian thuthung thingkuang kha khawpi sung lam in jawn lut kit tau in. Lalpa mit tung ka hi chun, ka mit ngei ah hin zia thuthung thingkuang chu a umna mun ngei ah hin mu kit dingin ei pui kit na’n a.

2 SAMUEL 15:25 ပူးပေါင်းရင်းမြစ်များ

2 SAMUEL 6:17

David in a koina ding ah puanbûk a bawlna mun ah, a umna ding tak ah chun Lalpa thuthung thingkuang chu a koi tau ah; tichun, David in hâlmang thillat leh kichamna thillat dingte chu Lalpa âng ah chun a lân tai.

2 SAMUEL 7:2

lengpa chun jawlnei Nathan kiang in, “En tiam in, keima sidar thing ah kisa In ah ka chêng ta’n, Pathian thuthung thingkuang ahileh vang puanbûk in a um nalai hi,” a tia.

SAM 122:1

“Lalpa In ah chia hitiu,” a ti lai uh khan ka kipak a.

SAM 122:9

Lalpa ka Pathian uh In ziakin, la phatna ding hawl ing ka.

SAM 26:8

Aw Lalpa, la chênna In, la lopina umna chu ka ngaina na e!

SAM 84:10

La biak In huang sung ah ni khat mai um hile, mundang ah ni sang khat um sâng in a pha zawi. Nunsiatna puanbûkte ah chênden sâng in, ka Pathian biak In kotkhak ngâk ah, panle ka nuam zawi.

PAWTDAWNA THU 15:13

La tatdawsa la mite chu, la lainatna’n la puidok ah: La hatna’n amau chu la chênna, mun thiangtho tiang in la pui tung a.

PAWTDAWNA THU 33:12

Ziaphatchun, Mosi chun Lalpa kiang in, “Ngaitia, nang in ka kiang in: Zia mite hi vapui to in lei tingal ah; himaleh, ka kithuapi ding ah kua hun sawl ding la hem ti lei hetsak pua hen. Nang in la, ‘La min ka hun hechian hen, ka mittung ah um la hi ti le ka henai,’ la ti ngal in.

PAWTDAWNA THU 33:13

Tu’hin, la mittungna ka hi chun, nangma ka hun hetchian theina ding leh la mittung ah ka um zing theina dingin, tu’ ma ma hin la lampite hi lungsiat tak in ei hetsak ta’n la; chuleh, zia mipite hile nangma mi ngei a hiu ti ngaitua ta’n la,” a tia.

ISAI 38:22

Hezekiah inle, “Lalpa In ah chia to kit ngei ngei ding ka hi ti tepte’na ding chu bang a hem?” ti’n a la gen a.

JEREMIAH 25:30

Ziaziakchun, nang Jeremiah in amau dodâlna thu zia zosia hi a kiang un, zia gual hin la vagen ding ahi: Lalpa chu chung lam ah kipat in a hung kiko in, a umna thiangtho ah kipat in a aw a hun sua hi; lei chung ah chêngte zosia do dingin, kul sung ah mite do in ngai tak in hung kiko intin, grep sûk ah kikote gual in kiko in a.

JEREMIAH 7:4

“Zia hi Lalpa tempul ahi, Lalpa tempul ahi, Lalpa tempul ahi! Kuama’n bangma ei law pua’n au,” ti ah kithepna thute hi taksang kiu in.