2 SAMUEL 15:24 - PATHIAN LEKHABU THIANGTHO (BSI)

²⁴ Abiathar, Zadok leh Levite chunle, Pathian thuthung thingkuang chu a hun jawn ua. Khawpi sung ah kipat mipite zosia a pawt daw suak masangsiau chu, Pathian thuthung thingkuang chu a nga tau hi.

2 SAMUEL 15:24 ပူးပေါင်းရင်းမြစ်များ

2 SAMUEL 15:27

Lengpa chun thiampu Zadok kiang ah chun, “En tiam in, nang tawh, Abiathar tawh, la chate ni tawh, la chapa Ahimaz tawh Abiathar chapa Jonathan hi tawh khawpi lam in chia kit tau in.

2 SAMUEL 15:35

Thiampu Zadok leh Abiathar tawh zia tak ah chun um khawm in la tiu in. Tichun, lengpa Inkuante ah kipat thu la het taphot chu, Zadok leh Abiathar thiampute kiang ah hilsawn sek in.

2 SAMUEL 20:25

Sheva chu lekhazik in a pang ah; Zadok leh Abiathar chu thiampu’n a pang un;

2 SAMUEL 6:13

Pathian thuthung thingkuang jawnte chun kãl guk a suan si’n ua leh bawngchal pakhat leh gancha kivakthau pakhat jel kithoina’n a that jel hi.

2 SAMUEL 8:17

Ahitub chapa Zadok tawh Abiathar chapa Ahimelekh chu thiampu’n a pang un; Seraiah chu lekha zik in a pang hi.

1 LENGTE 1:8

Himaleh, thiampu Zadok leh Jehoiada chapa Benaiah leh jawlnei Nathan, Shimei, Rei leh David mihatte chu Adonijah lam in a pang puau hi.

1 LENGTE 2:26

Lengpa chun thiampu Abiathar kiang in, “Anathoth ah la gam lam ah chia mang in; thi tâk la hi. Himaleh, Ka pa David âng ah Lalpa Pathian thuthung thingkuang la jawn sek ziak leh, ka pa a sukgentheinau ah la la gentheipi ziakin, tu’hun ah hin hun that ziang lo ding ka hi,” a tia.

1 LENGTE 2:35

Lengpa chun Jehoiada chapa Benaiah chu sepaite chung ah ama sik in a koi ta’n; thiampu Zadok chu Abiathar sik in a koi tai.

1 KHANGTHU 15:2

Lalpa‘n Levite Inkuan chu bangtik lai ah le ama nasem dingah a la guat chuam ahiziak in, Pathian thuthung thingkuang chule David in thu a pia tai.

EZEKIEL 48:11

Zia huap sung chu guat chuam ah um thiampu, ka nasem Zadok chate â ding hi hen; Israel mipite a vâk mang lai ua, Levite nasan in ei kilepsan lai unle ka thupiak vop in, ei kilepsan paw’ngal un.

KISIMNA LEKHABU 4:15

Giamun a kichawn ding phat ua leh, Aron tawh a chapate chun mun thiangtho leh a sung ah matchâk zosia a tuam zaw phat ua leh, Kohath chapate chu a jawn dingin hung intiu in; ahi’n la, thilzek thiangthote chu a sukkhak lo ding uh ahi; achutiloleh, thi ziang kha’n au. Ziate chu kikhopna biakbûk, Kohath chate puak sek dingte chu a hiu.

KISIMNA LEKHABU 7:9

Himaleh, Kohath chate chu bangma a pia puai; amau mawpuakna chu thilzek thiangthote a liangko ua puak ding bep ahi ziakin.

JOSHUA 3:3

mipite chun, “Levi dan ah thiampute’n Lalpa la Pathian uh thuthung thingkuang a jawn uh la mu phât ua leh, la giamun chiat ua la kipatdaw diu ahi. Ama chu zui ngâl un,

JOSHUA 3:6

Joshua’n thiampute kiang in, “Thuthung thingkuang chu jawn unla, mipite malam ah la chia diu ahi,” ti’n a hil a. Tichun, thuthung thingkuang chu a jawn ua, mipite malam ah chun a chia tau a.

JOSHUA 6:4

belamchal kî pengkul sagi chu thiampu sagite chun khat chiat ah chawi in, thuthung thingkuang jawnte ma-âng ah chun a chia ding uh ahi. A ni sagi tin ni leh zia khawpi chu sagivei vêl suak unla, thiampute chunle a pengkul uh mût chiat uh hen.

JOSHUA 6:6

Tichun, Nun chapa Joshua chun thiampute chu a ko khawm ah, a kiang un, “Thuthung thingkuang chu jawn unla, thiampu sagi in Lalpa thuthung thingkuang ma lam ah chun belamchal kî pengkul sagi chu chawi in chiau hen,” a tia.

1 SAMUEL 22:20

Himaleh, Ahitub chapa Ahimelekh chapate lak ah pakhat, a min Abiathar chu a suakcha’n, David a zui tai.

1 SAMUEL 4:11

Pathian thuthung thingkuang chule a lâkpiak tauah; Eli chate Hophni leh Phinehas le a thi tau hi.