2 SAMUEL 15:19 - PATHIAN LEKHABU THIANGTHO (BSI)

¹⁹ Ziaphatchun, lengpa’n Git mi Ittai kiang in, “Bang ding ah nang inle ei zui gua la hem? Nang hi la In ua kipat jam mang, gam dang mi la hiziak in chia kit inla, lengpa kiang ah chun um den ziang ta’n.

2 SAMUEL 15:19 ပူးပေါင်းရင်းမြစ်များ

2 SAMUEL 15:20

Nang hi ja’ni’ kha hung tung bep la hi’n, bang ding ah tu’ni hin a suk a to ah, ka chiatheina lam lam ah chia mai ding hi ei zui gua la hem? Chia kit mai inla, la suapite hile pui kit in; Lalpa‘n la chung ah ja’ngaina leh ginumna’n hun umpi zing ta hen,” ti’n a gen a.

2 SAMUEL 18:2

Chuleh, David in a sepaite chu hon thum in a khen ah: hon khat chu Joab nuai in a koi ah, hon khat kit chu Zeruiah chapa, Joab suapipa Abishai nuai in a umsak ah. Hon thumna chu Git mi Ittai nuai in a koi hi. Lengpa’n a sepaite kiang ah chun, “Keima le la lak un pang zing tho ding ka hi,” ti’n a hil tai.

RUTH 1:15

Ziaphatchun, Naom chun Ruth kiang in, “En in, la suapinu a chipite leh a pathiante lam zuan in a chia kit tai; ama gual in nang le chia kit mai ta’n,” a tia.