2 SAMUEL 14:4 - PATHIAN LEKHABU THIANGTHO (BSI)

⁴ Tekoa numei chu lengpa kiang a hung tun phatin, a maichang ah leitual sihial ah jâna pia’n chibai a bûk ah; lengpa kiang ah chun, “Aw lengpa, ei panpi in!” a tia.

2 SAMUEL 14:4 ပူးပေါင်းရင်းမြစ်များ

2 SAMUEL 1:2

A nithum ni’ chun, Saul leh a lawite giabuk ah kipat pawsal pakhat, puanâk tel neng nung leh a luchang ah buanthuak bek net nut in a hung a. David kiang a hung tun phatin leitual ah bokkhup in jâna a hun pia.

2 SAMUEL 14:22

Joab in lengpa ja’na leh malzawlna pia’n, a maichang ah leitual si’n chibai a bûk ah; chuleh, Joab in a kiang ah chun, “Tu’ni hin la suak dotna lengpa’n lei lawtinsak tak ziakin, lengpa, ka lalpa hin la suak hi ei doisak la hi ti ka he tai,” ti’n a dawnhu a.

2 SAMUEL 14:5

Lengpa chun a kiang in, “Bang a hem la buaina chu?” ti’n a dong a. Amanu chun, “A khawk ngei! Ka pawsal a thi tâk ziakin meithâi ka hi tai!

2 SAMUEL 18:28

Ziaphatchun, Ahimaz in lengpa a hun ko ah, “Bangkim a pha to zel hi,” a tia. Lengpa âng ah chun a bokkhup ah, “Ka Lalpa, lengpa chung ah khut lâmte lak ah hun hukdokpa Lalpa la Pathian chu pâk in um ta hen,” a hun tia.

1 SAMUEL 20:41

Tanglakpa chia mang zaw zaw ah chun, David chu suang kisia khawm pang ah kipat chu hung pawtdok in, a mai ah leitual si’n a bok khup a. Thumvei hial a bok khup ah, a kichawptuau ah, a kikâ khum ta mai un; David chu a thasia zaw diak hi.

1 SAMUEL 25:23

Abigail in David a mu phât in, sabiltung chung ah kipat hung kum in, David ma-âng ah chun lei tual si’n a bokkhup ta mai a.