2 SAMUEL 14:3 - PATHIAN LEKHABU THIANGTHO (BSI)

³ Lengpa kiang ah vachia inla, a kiang in zia gual hin vagen in,” ti’n a hil a. Tichun, Joab in a thugen dingte chu a hil tai.

2 SAMUEL 14:3 ပူးပေါင်းရင်းမြစ်များ

2 SAMUEL 14:19

Lengpa chun, “Zia thu ah hin Joab a pang kha em?” ti’n a dong a. Numeinu chun, “Lalpa, lengpa min sâl in ka gen hi: Ka lalpa, lengpa thugen ah kipat in kuama veilam a hem, changlam a hem in a pêtmang thei puau hi. La kiang ah zia thu zosia hi la suak in ka hung gen theina dingin, la suak Joab chun thu ei pia’n, ei sawl ka hi.

2 SAMUEL 14:4

Tekoa numei chu lengpa kiang a hung tun phatin, a maichang ah leitual sihial ah jâna pia’n chibai a bûk ah; lengpa kiang ah chun, “Aw lengpa, ei panpi in!” a tia.

EZRA 8:17

Kasiphia mun ah hotupa Iddo kiang in ka sawl in; Iddo kiang leh Kasiphia tempul ah nasêm ah pang a lawiteu kiang in, I Pathian In ah nasêm ding hun sawl in, ti’n ka hil a.

PAWTDAWNA THU 4:15

Ama kiang ah thu gen in la tin, la kam leh ama kam chu umpi ing ka tin; chuleh, la bawl ding hun hil ding ka hi.

ISAI 51:16

Ka thute chu la kam ah ka koi ta’n; chuleh, ka khut lîm ah chun ka hun sêlgu tai. Vante khi ka kaipal ah, khawvel kingaknate hi ka lem in, chuleh, Zion kiang in, “Ka mipite la hiu,” ka ti tai.

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

JEREMIAH 1:9

Ziaphatchun, Lalpa‘n a khut a hun thadok a, ka mûk a hun khoi a; chuleh, Lalpa‘n ka kiang in: “Ngai in, la mûk ah ka thu ka koi tai.

KISIMNA LEKHABU 23:5

Lalpa chun Balaam kiang in thu a hun gen ta’n: “Balak kiang ah chia kit inla, a kiang ah zia hi la gen ding ahi,” a hun ti’n.

DAN LEKHABU 18:18

Amau lak ah kipat ma ma in nangma gual hi jawlnei khat hun tungdok ing ka tin; zia jawlneipa kam ah chun ka thute koi ing ka tin, a kiang ah thu ka piak taphot chu a kiang un hil mai ta’n.