2 SAMUEL 14:25 - PATHIAN LEKHABU THIANGTHO (BSI)

²⁵ Zia lai ah chun, mêlphat lam ah gen phat dingin Israelte zosia lak in Absalom gual khop ah mêlpha a um puau ah; a kengpek ah kipat a lujang tiang ah demna ding neuchâle umlo ahi.

2 SAMUEL 14:25 ပူးပေါင်းရင်းမြစ်များ

1 LENGTE 1:6

Ama chu a pa’n bangtik lai inle, “Bang ziak ah zia gual ah chu zia chu bawl la hem?” ti’n a sulungawi lo ngai pua’n. Ama chu pawsal mêlpha tak le ahi’n, Absalom pian zaw ah piang ahi.

JOB LEKHABU 2:7

Tichun, Setan chu Lalpa kiang ah kipat chun a pawtdok ah, Job chu a kengpêk ah kipat a lujang tiang in meima huaisia tak in a tuam suak tai.

THUPILTE 31:30

Ngaikâina hi kithepna mai ahi’n, mêl hoina hile bangma ahi puai; himaleh, Lalpa ki’chate chu pâkchat ding ahi.

ISAI 1:6

Kengpêk ah kipat lujang tiang in, a natlona mawng mawng a um ta pua’n, thidup leh meimasia, thisan kang thei lo in a na’n, kuama’n mêkdok lo, tuam lo leh sathau nangawnle, a nu’ nuam puau hi.

EZEKIEL 23:15

a kawng uh kawnggâk ah kigâk, a luchang ua dialkop kâi zeng zung, a leng ua miliante lim ngen Babulonte lim ahi’n, Kaldaite gam ah mite chu a hiu.

DANIAL 1:4

Israel tangval mêlpha leh pian bukim, pilna lam zosia ah thiam, hetthiamna leh lungthim pil, lengpa Inpi ah nasêm thei ding bang jat a hem hun têldok ah, Kaldaite lekha leh pau zilsak dingin thu a pia.

MATTHAI 23:27

Lekhazikte leh Pharisai miphalêmte haw, la chung uh a gik hi! Thân a pawlam mêlpha tak ah kijut vam ah, a sunglam mithi gu leh thilbuak tincheng ah dim tawhbang la hiu.

EPHESA 5:27

a kochuam chu mêlhêmna bei leh thiangtho tak ah, ama â ding ah mêlpha leh gun tak ah a umtheina ding un a kipumpiak tangal a.

DAN LEKHABU 28:35

Sukdam thei lo natna Lalpa‘n la khûp ua te, la keng ua te leh la kengpêk ah kipat la luvûm tiang un hun veisak in a.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.

1 SAMUEL 9:2

Ama chun chapa pakhat a min Saul kiti, tangval mêlpha tak khat a nei a. Ama tuk ah tangval mêlpha chu Israelte lak in a um pua’n; a din leh mi dang zosia luchang leh liangko sâng ah sâng zaw ahi.