2 SAMUEL 14:19 - PATHIAN LEKHABU THIANGTHO (BSI)

¹⁹ Lengpa chun, “Zia thu ah hin Joab a pang kha em?” ti’n a dong a. Numeinu chun, “Lalpa, lengpa min sâl in ka gen hi: Ka lalpa, lengpa thugen ah kipat in kuama veilam a hem, changlam a hem in a pêtmang thei puau hi. La kiang ah zia thu zosia hi la suak in ka hung gen theina dingin, la suak Joab chun thu ei pia’n, ei sawl ka hi.

2 SAMUEL 14:19 ပူးပေါင်းရင်းမြစ်များ

2 SAMUEL 11:11

Uriah chun David kiang in, “Pathian thuthung thingkuang tawh Israelte leh Judah mite chu gâldo’na bûk in a giak un; chuleh, ka lalpa Joab leh ka lalpa suakte chule gamnuai in a giak un; keima ka In ah chia ah, ne leh dawn ah, ka ji kiang ah vagiak ziang thei ding ka hem? Nang leh la hinna sâl in ka kitiam ahi, zia gual ah chun um lo hial ing ka,” ti’n a dawnhu tai.

2 SAMUEL 14:18

Ziaphatchun, lengpa chun numei kiang ah chun, “La kiang ah ka hun dot taphot chu îm la nei lo ding ahi,” a tia. Numei chunle, “Ka lalpa, lengpa chun hun gen ta’n la,” ti’n a dawnhu a.

2 SAMUEL 14:3

Lengpa kiang ah vachia inla, a kiang in zia gual hin vagen in,” ti’n a hil a. Tichun, Joab in a thugen dingte chu a hil tai.

2 SAMUEL 18:13

A doidan kãl zawng tak ah chun a la bawl hita mawng lengle (lengpa het lo bangma a umlo ziakin,) nang in ei kilepsan ziang ding la hi’n, ti’n a dawnhu a.

2 SAMUEL 3:27

Hebron lam ah Abner a hungkile’kit phatin, Joab in kul kotkhak paw lam ah chun hoguk ding gaw dan in a pui chuam ah, zia tak ah chun a tumpi a sutthil piak tai. Tichun, Joab suapipa Asahel thisan a la sua ziak ah chun a thi ta ahi.

2 SAMUEL 3:29

Joab leh a pa Inkuante zosia luchung in thiammawna chu ta hen! Joabte Inkuan lak ah hin meima nâi nei chi, phâk, tiangkhut ah lamzawt, gâl ah thi leh nêk ding bei a lak un um zing tau hen,” ti’n a samsia tai.

2 SAMUEL 3:34

La khutte chu kân a hipua’n, la kengte chule kol busak ahi puai; mi nunsiate gual mai in la thi ta mai hi!” ti in. Tichun, mipi zosia chule a kap kit tau a.

2 LENGTE 2:2

Elijah chun Elisha kiang in, “Zia tak hin a la um in; Lalpa chun Bethel lam ah chia dingin ei sawl ahi,” a tia. Himaleh Elisha chun, “Lalpa a hin zing ziakin leh, nang ngei le la hin zing ziakin, hun nusia lo hial ding ka hi,” a tia. Tichun, Bethel ah a chia suk tau a.

PAWTDAWNA THU 4:15

Ama kiang ah thu gen in la tin, la kam leh ama kam chu umpi ing ka tin; chuleh, la bawl ding hun hil ding ka hi.

THUPILTE 25:2

Thil sêlgûk hi Pathian lopina ahi’n, thil hawldaw hi lengte lopina ahi.

THUPILTE 4:27

Changlam a hem, veilam a hem in pêt mang kin, thil phalo lam chu jamsan in.

KISIMNA LEKHABU 20:17

La gam sung ei hawthensak in, loulai leh grep huante haw pua’ng ka tiu in, la tuikul ua tui le dawn diak pua’ng kau; Lengpa Lamlian zui ing ka tiu in, la gamgi ka khêl masangsiau changlam a hem, veilam a hem inle kihei pua’ng kau,” a vatiu a.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

DAN LEKHABU 28:14

Lalpa chun a mei ding ah hilo in, a luchang dingin hun siam intin; a niam pen ah pang lo in a sângpen in pang in lau.

DAN LEKHABU 5:32

Lalpa la Pathian un thu a piak gual ah hi dingin chingthei un; changlam a hem, veilam a hem ah la pêtsan lo ding uh ahi.

JOSHUA 1:7

Ka suak Mosi’n dan thu a hun piak dung zui ah um dingin, hat tak leh hangsan tak in um phot mai in; la chiana taphot ah la lamzan zing theina dingin, la changlam a hem leh la veilam a hem in pêtmang him him kin.

1 SAMUEL 1:26

Chuleh, a nu chun, “Aw he pu! Ka Lalpa hinna sâl in ka ti ahi; kei hi Aw Lalpa, zia tak ah la kiang ah hung ding ah Lalpa kiang ah pauchap kha ka hi.

1 SAMUEL 17:55

Philistin mipa do ding ah David a kuandaw lai chu Saul in a la mu in, sepai zosia chung ah hotupa Abner kiang ah chun, “Abner, zia tangval hi kua chapa ahi em?” ti’n a dong a. Abner in, “Aw lengpa, la hinna sâl in ka gen ahi, ka he him him puai,” ti’n a dawnhu a.

1 SAMUEL 20:3

Himaleh, David in kitiam hial in, la pa hin lei ngainat hi a he chutiloleh, lungngai kha’n ah, a ti hiding ahi. Himaleh, a dik tak ah gen in, Lalpa leh nangma hinna sâl in ka hun hil ahi, thi’na tawh ka kikâl uh hi kãl khat bepcha ahi, ti’n a dawnhu a.

1 SAMUEL 25:26

Tu’hin, ka lalpa, Lalpa hinna leh nangma hinna sâl in ka gen ahi; thisan sua lo ding leh nangma ngei in phuba la lo dingin Lalpa‘n a hun tûktân ziakin; tu’hin vang, la mêlmate leh ka lalpa chung ah thil phalo bawl gaw tapo chu Nabal tawh bang in um mai tau hen.