2 SAMUEL 13:4 - PATHIAN LEKHABU THIANGTHO (BSI)

⁴ Ama chun a kiang in, “Bang ding ah nang lengpa chapa hi’ngal ah, a ni’ ni ah gawng huai huai ziang la hem? A ziak ei hil lo ding la hem?” ti’n a dong a. Amnon in a kiang in, “Ka suapipa Absalom suapinu Tamar ka dawicha ei ve!” ti’n a hil tai.

2 SAMUEL 13:4 ပူးပေါင်းရင်းမြစ်များ

2 SAMUEL 13:3

Ahi’n, Amnon in gualpha pakhat a nei ah, a min chu Jonadab, David suapipa Shimeah chapa ahi; ama chu mi dawhathûk tak ahi.

2 SAMUEL 13:5

Jonadab in a kiang in, “Kidamlosak inla, lupna’n lum den in la, la pa chu nang ve ah a hung tak leh a kiang in, ‘Ka suapinu Tamar hung hen la ka nêk ding ei hung pia hen; ka umna mun a hin ka nêk ding ei siam piak hen la, ka mu’na ngei ah a siam chu ama khut ah kipat in ne’ng ka,’ ti’n a la gen lechin,” ti’n a hil tai.

1 LENGTE 21:5

A ji Jezebel chu a kiang in a hung ah, “An ne lo ding khop ah bangziak ah chuti lungngai la hem?” ti’n a dong a.

1 LENGTE 21:7

A ji Jezebel in a kiang in, “Tu’hin Israelte chung ah hotu la hi pua a hem? Thodok in an ne’n la, kipak tak in um in; Jezreel mi Naboth grep huan chu hun pia ding ka hi,” a tia.

ISAI 3:9

A maisua mai unle a diklo dan uh a tâklang un; a gitlonau sêlmang malak sâng in, Sodom gual in a tâklang zawu hi. A chung uh a gik na e!

JEREMIAH 8:12

Zachat um tak ah um in, thil ki’dak um tak tak a bawl ui; maleh, zachatna’n a ngai puau a, zachatna châng le a hepuau hi. Ziaziakchun, thalup ah umte lak in pang intiu in, amau ka gawt phat leh, paithâk hita’n au, Lalpa‘n a tii.

THIAMPUTE LEKHABU 18:9

La pa chanu a hem, la nu chanu a hem, In mun ah piang hihenla, gam dang ah piang hiziang taleh, la suapi ahiziak in a zamaw la hawkdaw lo ding ahi.

THIAMPUTE LEKHABU 20:17

Mi khat in a suapinu a hem, a pa chanu a hem, a nu chanu a hem, ji ding ah a nei ah, a luppi chun thil jachâk um tak ahi. Zia gual mi chu a chipite mit mu in gawt ding ahi; a suapinu hi’mualpho ahi ziakin a gitlona chu gawt tâk mawng ahi ngâl a.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.