2 SAMUEL 13:29 - PATHIAN LEKHABU THIANGTHO (BSI)

²⁹ Tichun, Absalom suakte chun, Absalom thupiak gual ah chun Amnon chung in a bawl tau a. Ziaphatchun, lengpa chate zosia chu a kipan ua, a sabiltung chung ua chuang in a tai mang zo tau hi.

2 SAMUEL 13:29 ပူးပေါင်းရင်းမြစ်များ

THILSIAM THU 36:24

Ziate hi Zibeon chate chu a hiu: Aiah tawh Anah: zia Anah hin, a pa Zibeon sabiltung a chin lai ah gamkeu ah Tuinâk a mudok hi.

2 SAMUEL 12:10

Ziaziakchun, tu’hin, keima lei musit ziak leh Hit mi Uriah ji la kichenpi ziak hin, la In sung ah chemjam in vaihawm zing ziang ta’n a.

2 SAMUEL 13:30

Chutia, In lam del ah a tai zing lai ua chun, David kiang in, “Absalom in lengpa chate khat le hawi lo in a that gam tai,” ti thu a la tung man a.

2 SAMUEL 14:6

La suaknu hin chapa pani a nei in, amau chu lou lam ah a kisual un; a phel ding kuama a um lo ziakin pakhat chun pakhat zawk chu a that ta mai a.

2 SAMUEL 18:9

Absalom leh David sepaite chu a hung kisitua phut ta mai ua. Absalom chu sabiltung ah chuang ahi’n; a sabiltung chu gangpi thingbuk lian tak nuai in a tai lut a. Gangpi thingbuk lak ah a sam a ki-awk phatin, ama chu chung sulo nuai sulo in a kikhâiden ta mai ah; a chuanna sabiltung chu a tai theng tai.

1 LENGTE 1:33

lengpa chun a kiang un, “Lengpa suakte pui unla, ka chapa Solomon chu ka sabiltung chung ah chutsak unla, Gihon ah pui suk un.

1 LENGTE 1:38

Tichun, thiampu Zadok, jawlnei Nathan, Jehoiada chapa Benaiah leh Kherith mite leh Peleth mite chu a chia suk ua, Lengpa David sabiltung chung in Solomon a chutsak ua, Gihon lam ah chun a pui tau a.

THUPILTE 29:12

Vaihawmtu’n zuau thu a ngaisak chun, a vaihawmpite zosia a hi’gilo hi.

THIAMPUTE LEKHABU 19:19

Ka thuguatte la vop ding uh ahi. La ganchate le gancha dang tawh chi suansak kin; la lou ah le thâichi kihelkhawm chîng kin la, pat chi chuam chuam ah puan kigat inle kivan kin.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.