2 SAMUEL 13:28 - PATHIAN LEKHABU THIANGTHO (BSI)

²⁸ Ziaphatchun, Absalom in a suakte chu thu a pia’n, “Amnon zukham ah lim tak ah a hung um hun chu a la entha zing unla; chuleh, keima’n la kiang ua, ‘Amnon chu sat un,’ ka hun ti phat leh ama chu la tha ziang diu ahi. Lau kiu in; keima thu hun piak hilo a hem? Hang tak leh kipawsalsak tak in um un,” a tia.

2 SAMUEL 13:28 ပူးပေါင်းရင်းမြစ်များ

THILSIAM THU 9:21

Grep tui chu a dawn ah, a hung kham ta’n; chuleh, a puan In sung ah chun nîk leh puan don lo in a ipmu tai.

2 SAMUEL 11:13

David in a kiang ah an ne leh dawn dingin a chial ah, a dawn kham sak ah; nitâk phatin a lalpa suakte tawh giak khawm dingin a pawtdok ta’n; himaleh a In lam in vang a chia nuam puai.

2 SAMUEL 11:15

Zia gual hin lekhathot chu a zik ah: “Uriah hi kidona mun huaisiatna pen ah gâlmatawng in pansak inla, a hun sukkhak ua a thi thei ngeina dingin kizuk dawsan un,” ti in.

2 SAMUEL 12:10

Ziaziakchun, tu’hin, keima lei musit ziak leh Hit mi Uriah ji la kichenpi ziak hin, la In sung ah chemjam in vaihawm zing ziang ta’n a.

2 SAMUEL 13:27

Himaleh, Absalom in Amnon leh lengpa chapate zosia’n a zui masangsiau chu a chial a. Tichun, lengte luaithena gual in Absalom in luaithe’na thupi tak a siam tai.

2 SAMUEL 14:6

La suaknu hin chapa pani a nei in, amau chu lou lam ah a kisual un; a phel ding kuama a um lo ziakin pakhat chun pakhat zawk chu a that ta mai a.

1 LENGTE 20:16

Sûnchang lai tak in a kuandok tau a; Ben-hadad in ama pankhawmpi leng sawmthum leh nite tawh uain a dawn kham lai tak uh ahi’n.

ESTHER 1:10

Ni sagi a ti’n ni’ lengpa lungthim chu uain in a suklimte’n phat in, Lengpa Ahasueras â ding ah siamâng ah pangte Mehuman, Biztha, Harbona, Bigtha leh Abagtha, Zethar leh Karkas, mi tilge sagite chu sawl in,

SAM 104:15

mihing thinlung kipaksak dingin uain la pia’n, a mai taina ding sathau tawh, a thinlung suk-hatna ding vaithum le la piai.

PAWTDAWNA THU 1:18

Tichun, Aigupta lengpa chun naudomte chu a ko khawm ah, a kiang un, “Bang ding ah zia gual ah hi bawl ah, pawsal nausente hawi sek la hiu em?” a tia.

THUGENTU 10:19

Limna dingin luaithena siam ahi’n, uain in hinna a hitai in; dangka chu thil zosia awnghukna’n a pang hi.

THUGENTU 9:7

Chia inla, kipak tak in la vaithum ne’n la; lim tak in la uain dawn in; la thilbawl zosia chu masanglai ah kipat khan Pathian in lem a saksa a la hita ngal a.

DANIAL 5:30

Zia jan ma ma chun, Lengpa Belshazzar chu tha in a um tai.

NAHUM 1:10

Linggui kiphanchak gual ah phanchak in a um tau in, zungolveite gual in a kham zo tau; bupawl keugawp mei in a kâttum gual in a um zo tau hi.

LUKA 21:34

La lungthimteu chu nêk papna leh zu duna leh, zia khawvel dam sung ngaituanate ah la kisukbuai lai tak ua leh, la kigin lo lai tak ua a hung tun phut ziang lona ding in, kiging zing in um un.

NASEPTE 5:29

Himaleh, Peter leh apostolte chun a dawnhuu a, “Mihing thuneina sâng ah Pathian thu ka mat zawk diu ahi.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

VAIHAWMTE 19:22

Chutia, lim leh kipak tak ah a um lai ua chun, khawpi sung ah michavai hon khat hung in, zia In chu hun ûm in, kotkhak chu a chûm tau a. Inneipa têksepu kiang ah chun, “La In ah hung tung pa kha ei hun pedok in, ka kipawlpi nuam ui,” a tiu a.

VAIHAWMTE 19:6

Tichun, a paniu ah kitung in, a ne un, a dawn kit tau ah; chuleh, a sungpa’n a kiang in, “Tu’jan giak kit unla, nuam tak in um tau in,” a ti kit a.

VAIHAWMTE 19:9

Mipa chu a thâikêmnu tawh, a suakpa tawh chia ding ah a kisak phat un, a sungpa chun, “En un, khua thim pai ziang ding ahi tai. Tu’jan giak kit mai un. En un, nisa tum ding ahi tai. Tu’jan chu nuam tak in giak kit phot unla, jing leh vaima tak in tho unla, la In lam uh zuan zaw mai tau in,” a tia.

RUTH 3:7

Boaz in a nêk leh a dawn zaw phatin, lungthim tai tak in, buvûm gei ah lum dingin a chia tai. Ruth a gûk ah chia in, Boaz keng lam ah puan hawk in, a kiang in a lum tai.

1 SAMUEL 18:22

Saul in a suakte kiang ah thu a pia, “David kiang in, ‘ngai in, lengpa la chung in a lungkim ma ma in, a suakte zosia’n le a hun lungsiat ui; ziaziakchun, tu’hin chu a mâkpa la pan ding ahi tai,’ ti a guk in vagen un,” ti’n a sawl a.

1 SAMUEL 28:10

Himaleh, Saul in Lalpa min in a kiang ah chun kitiamna a nei ta’n, “Lalpa min in, zia chungchâng ah hin gawtna tuak lo ding la hi,” a ti tai.

1 SAMUEL 28:13

Lengpa chun a manu kiang in, “Bangma lau kin; bang la mu em leh?” ti’n a dong ah. Ama chun Saul kiang in, “Lei ah kipat pathian tawh bang hung pawtdok ka mui,” ti’n a dawnhu a.