2 SAMUEL 13:12 - PATHIAN LEKHABU THIANGTHO (BSI)

¹² Amanu chun, “Ka suapipa, hilo e, ei pawngbawl kin; zia tawhbang hi Israelte lak ah bawl ngai ahi puai; zia gual khop ah thil ngolhuai hi bawl him him kin!

2 SAMUEL 13:12 ပူးပေါင်းရင်းမြစ်များ

THILSIAM THU 34:2

Zia gam ah hausapa, Hiv mi Hamor chapa Shekhem chun a mu phât in a pum mat ah, luppi in a thânhuaipi tai.

THILSIAM THU 34:7

Jakob chapate chun a het phat un, lou ah kipat in a hung un; Jakob chanu luppi in Israelte lak ah thil phalo ngolhuai tak, bawl lo hial ding thil a la bawl tâk ziakin a lungna ma ma tau hi.

THUPILTE 7:7

mi gi’nalo tangval lak ah chun, ngaituana neilo tangval khat ka vak mu’n,

JEREMIAH 29:23

Israel gam ah gitlona huaisia tak a la bawl tau in: a Invêngteu jite tawh a jawntat un; chuleh, ka thupiak lo in ka min in zuau thute a gen un; keima a umchan uh hepa leh a hiatpipa ka hi, Lalpa‘n a tii.

THIAMPUTE LEKHABU 18:11

La pa ji chanu, la pa’n a hinpiak chu, la suapi ahiziak in a zamaw la hawkdaw lo ding ahi.

THIAMPUTE LEKHABU 18:9

La pa chanu a hem, la nu chanu a hem, In mun ah piang hihenla, gam dang ah piang hiziang taleh, la suapi ahiziak in a zamaw la hawkdaw lo ding ahi.

THIAMPUTE LEKHABU 20:17

Mi khat in a suapinu a hem, a pa chanu a hem, a nu chanu a hem, ji ding ah a nei ah, a luppi chun thil jachâk um tak ahi. Zia gual mi chu a chipite mit mu in gawt ding ahi; a suapinu hi’mualpho ahi ziakin a gitlona chu gawt tâk mawng ahi ngâl a.

DAN LEKHABU 22:21

zia nungak chu a pa In kotkhak ah kipat in kaidok intiu in, khawpi sung ah pawsalte chun suang in a se’lup ding uh ahi; Israelte lak ah a pa Insung himualpho ah nawchi a la zok ziakin. Zia gual ah chun la lak ua thil phalo chu la hithiang jel ding uh ahi.

DAN LEKHABU 22:29

a luppipa chun dangka shekel sawmnga liau intin, zia chu nungak pa chu pia’n tin, zia nungak chu a ji hita’n ah. A ma’n zia nungak chu a sukminsiat ziakin, a dam sung sia a nol phal a hita puai.

VAIHAWMTE 19:23

Ziaphatchun, a Inneipa, têksepu chu a va pawtdok ah, a kiang un, “Ahi puai, suapite haw, zia gual thil phalo chu bawl kiu in. Zia pa hi ka malzin ahiziak in, zia gual ah chun thanghuai tak in bawl kiu in.

VAIHAWMTE 20:6

Tichun, ka thâikêmnu luang chu ka pua, a bat bat ah âtnel in, zia chu Israelte chênna gam zosia’n ka thot tai; amau in Israelte lak ah thil tizat um leh ngolhuai tak a la bawl ta ngâl un.