2 SAMUEL 12:7 - PATHIAN LEKHABU THIANGTHO (BSI)

⁷ Nathan in David kiang ah chun, “Zia mipa chu nang la hi! Lalpa, Israelte Pathian in zia gual hin a gen hi: Israelte chung ah leng hiding in sathau ka hunnu’ in, Saul khut ah kipat inle ka hun hukdok in;

2 SAMUEL 12:7 ပူးပေါင်းရင်းမြစ်များ

2 SAMUEL 14:13

Numei chun, “Bang ding ah nang in Pathian mite chung ah zia gual ah chu bawl gua la hi em? Lengpa’n a mi nawmangsa a In ah a hung kitsak nop lo leh zia thu la gendaw chun thiamlo a hun chan tai.

2 SAMUEL 22:1

Lalpa‘n a mêlmate zosia leh Saul ah kipat a hukdaw phatin, David in zia La hi Lalpa kiang in a sa tai:

2 SAMUEL 22:49

ka mêlmate lak ah ei hukdokpa; nang in ka gâlte zosia chung ah lei dom sâng ah, thagum sua chîng mite lak ah kipat lei hukdok tai.

2 SAMUEL 7:8

Ziaziakchun, tu’hin, sepai honte Lalpa chun, ka suak David kiang in zia gual hin la gen ding ahi: Gancha chinna mun, belam hon la chinna mun ngei ah kipat hin, ka mipi Israelte chung ah Leng hiding in ka hun teldaw la hi’n,

1 LENGTE 14:7

Chia inla, Jeroboam kiang in, ‘Lalpa, Israelte Pathian in zia gual hin a gen hi: Zia gual khop hin mipi lak ah kipat in ka hun chawilian ah, ka mi Israelte chung ah leng hiding in ka hun bawl a.

1 LENGTE 18:18

Elijah chun a dawnhu ah, “Keima’n Israelte ka sulungngai puai. La Inkuanpite tawh, Lalpa thupiakte nusia in Baalte nung la zui tâk ziak in, nang la hi.

1 LENGTE 20:40

La suak hi a la buai kâl in, ama chu a la mang tai, a tia. Israelte lengpa chun a kiang in, “Zia gual chun la chung thu ah thu tan hiding ahi; nangma ma’n la kisukpuk tai,” a tia.

1 LENGTE 20:42

Tichun, a kiang in, “Lalpa‘n zia gual hin a gen hi: ‘Sukmangthai ding ah la latdawsa mipa chu la chia mang sak tâk ziakin, ama hinna thasâng ah la hinna hi’ntin, ama mipite thasâng ah la mipite hiding a hiu,’ a tii,” ti’n a gen tai.

SAM 18:1

Aw, ka hâtna Lalpa, ka hun ngai hi.

JEREMIAH 34:6

Ziaphatchun, jawlnei Jeremiah chun, Jerusalem ah Judai gam ah Lengpa Zedekiah kiang in zia thu zosia chu a vagen ta’n;

DANIAL 4:22

aw lengpa, zia thing chu nangma la hi! La hung khanglian ah, la hat ma ma tai. La lopina sukpun ah um in van a supha hial ta’n, la lalna’nle kawlkîmvêl tiang a huap tai.

MATTHAI 14:14

Lui pang ah Jesu a hung pawt daw phatin, mipi tam tak zia tak ah chun a mu’n, a lungsiat ma ma ah, a natnateu chu a sukdam piak tai.

1 SAMUEL 13:13

Samuel in Saul kiang ah chun, “Ngolhuai tak ah thil a la bawl la hita hilam; Lalpa la Pathian thupiak chu la zui ta puai. Chuti hilo leh vang, Lalpa‘n Israelte chung ah leng la hi’na hi kumkhua’n hun hi’det piak ding ahi’n;

1 SAMUEL 15:17

Tichun, Samuel in, nangma kingai dan ah neucha’n kikoi male chin, Israel nam pumpi luchang hilo la hem? Lalpa‘n Israelte chung ah leng hi ding ah sathau a hunnu’ la hi.

1 SAMUEL 16:13

Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.

1 SAMUEL 18:11

a lungthim in, “David hi bâng tawh khawden ing ka,” ti ah a ngaitua dungzui in a cheicha chun a khaw ta mai a. Zia gual ah chun nivei hial a bawl ta’n; himaleh, David chu a suakcha jel hi.

1 SAMUEL 18:21

Saul in, “Philistinte khut ah a pûk theina ding ah thâng ahitheina dingin, ka chanu chu pe ngut ing ka,” ti’n a ngaitua a. Ziaziakchun, a niveina dingin, Saul in David kiang in, “Tu’hin ka mâkpa’ la pan ding ahi tai,” ti’n a gen a.

1 SAMUEL 23:14

David chu Ziph Gamthip tânggam ah kawlhawm ah chun a um den ah, nisi’n leh Saul in a hawl zel ah; himaleh, Lalpa ‘n ama chu Saul khut in a pedok puai.

1 SAMUEL 23:7

David chu Keilah khua’n a chia hi ti Saul a hil un. Chuleh, Saul in, “Khawpi kulpi leh thik dâi ah ki-ûm sung ah hung tai lut ahileh, David chu Pathian in ka khut ah ei pia a hita chu,” a ti’n.