2 SAMUEL 12:16 - PATHIAN LEKHABU THIANGTHO (BSI)

¹⁶ Ziaziakchun, David in Lalpa kiang in nausen â dingin a dot piak ah; David in anngawl in a lût ah, jankhua’n tuanglai in a lum tai.

2 SAMUEL 12:16 ပူးပေါင်းရင်းမြစ်များ

2 SAMUEL 12:15

Ziazaw chun, Nathan chu a In lam in a chia kit tai. Uriah ji tawh David cha nausen chu Lalpa‘n nasa tak in a hun natsak tai.

2 SAMUEL 12:22

Ama chun, “Nausen kha a dam lai in anngawl ah pauchap him ka hi; Lalpa‘n ei hepi ah, nausen hi a hun damsak kit ziang thei khâk leh ka ti ahi.

2 SAMUEL 13:31

Lengpa chu a dingdok ah, a puan a botthêk ah, lei tual ah chun a kizam ta’n; chuleh, a kiang ah ding a suakte zosia chunle a puan uh a botthêk chiat tau hi.

1 LENGTE 21:27

Ahab in zia thute chu a het phat in, a puante chu a botthêk ah, saidip puan a sil ah; an a ngawl ah, saidip puan chung in a lum ah, dâ mêl pu tak kawm in a vâk vêl vêl tai.

NEHEMIAH 1:4

Zia thute chu ka het phat in, ka chu suk ah, ka kap ta’n; chuleh, ni bang jat a hem sung ka sûn ah, van Pathian kiang ah anngawl in ka pauchap tai.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 69:10

Anngawl hial ah ka hinna ka kiniamsak inle, ei gensiatnau bep a hung hi tai.

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

ISAI 26:16

Aw Lalpa, lungdonni’n a hun hawl un, la thununna a chung ua a tun phat leh, la kiang ah pauchapna a sungtha sek ui.

DANIAL 6:18

Tichun, lengpa a Inpi’n a chia ah, zia jan chu an a ngawl tai; a an nêk ding a choi piak puau ah, a i-mu thei him him ta puai.

DANIAL 9:3

Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

JONAH 3:9

I manthailo’na ding un; Pathian chun a lung khiam in, a lungnatna huaisia tak ah kipat chun kihei kit in ah ti kua a hem hethei ding?” a tia.

NASEPTE 9:9

Ni thum sung chu khuale mu lo, bang male ne lo leh dawn lo in a um tai.

JOSHUA 7:6

Ziaphatchun, Joshua chun, Israel upate tawh a puanteu botthêk in, Lalpa thuthung thingkuang mai ah bokkhup in a mâi ua lei tual si hial in a luchung ua leivui kibuak khum in, nitâk lam tiang in a bokkhup tau a.