2 SAMUEL 12:13 - PATHIAN LEKHABU THIANGTHO (BSI)

¹³ David in Nathan kiang ah chun, “Lalpa chung in ka la gilo ta a hi,” a tia. Nathan chun David kiang in, “Tu’hin la gitlona chu Lalpa‘n a lamang tai; thi lo ding la hi.

2 SAMUEL 12:13 ပူးပေါင်းရင်းမြစ်များ

THILSIAM THU 39:9

Zia In ah hin kei sâng ah lian zaw kuama a um pua’n; a ji la hiziak in nangma bep lo ngal chu kei â ding ah phal lo a nei puai. Bang ziakin em zia tawhbang gitlona huaisia chu ka bawl ah, Pathian chung ah thil ka hi’khial mai ding?” ti’n a dawnhu a.

2 SAMUEL 24:10

Himaleh, mipi a sim ziakin a vainung in David lungthim chu a na ta ma ma ziang a. David in Lalpa kiang in, “Ka la thilbawl ziak hin nasa tak in gilo ka hi tai. Himaleh, tu’hin, aw Lalpa, la suak gitlona hi ei lakmang piak dingin ka hun don hi; ngolhuai tak in thil ka la bawl ta’ngâl in,” a tia.

2 SAMUEL 24:17

Mipite thattu vansawlchâk chu David in a mu phât in, Lalpa kiang in, “Keima bep ka hi a gilo chu; zia belamte hin bang a bawl ua a hem? La khut chu keima leh ka pa Inkuante chung ah tunsak zaw dingin ka ni la hi,” a tia.

1 LENGTE 13:4

Bethel ah mâichâm dem ah Pathian mi kiko chu a het phat in, Jeroboam in mâichâm ah kipat chun a khut a vak lâm ah, “Man un!” a tia. Himaleh, a khutbân chu a keugawp den ta mai ah, juk kit in a kâi kit thei ta puai.

1 LENGTE 21:20

Ahab in Elijah kiang in, “Lei mudok tai maw, aw ka mêlmapa?” a tia. Ama chun a dawnhu a, “Ka hun mudok tai! Lalpa mit mu ah thil phalo bawl ding ah la kizokdaw tâk ziakin,

1 LENGTE 22:8

Israelte lengpa chun Jehoshaphat kiang in, “Lalpa kiang ah I dotsak thei ding un a dang pakhat a um nalai hi, Imlah chapa Mikaiah chu; himaleh, kei â dingin a pha lam hikha’ lo in, siatna bepcha a gen sek ziakin, ama chu ka hua ahi,” ti’n a dawnhu ah. Jehoshaphat chun, “Lengpa’n zia gual chun gen dâ in,” a tia.

2 LENGTE 1:9

Ziaphatchun, lengpa’n mi sawmnga chung ah hotu pakhat chu a mi sawmngate tawh a kiangah a sawl a. Tâng pakhat chung ah kichu Elijah kiang ah chun a vachia to ah, a kiang in, “Aw Pathian mi, lengpa chun, ‘Hung suk in,’ a tii,” a tia.

1 KHANGTHU 21:8

David in Pathian kiang in, “Zia thil ka la bawl ah hin la chungah ka sukhial nasa ma ma tai. Himaleh, tu’hin, ngolhuai tak ah thil ka la bawl tak ziakin, la suakpa sukkhialna hi ngaidam piak dingin ka hun don la hi,” ti’n a gen a;

2 KHANGTHU 16:10

Ziaphatchun, Asa chu thiamgau chung in a lungna ma ma ta’n, kol busak in suangkul in a khum tai; a thugen ziak ah a lungnat man ah zia gual ah chu a bawl ahi. Zia hun ah chun Asa in mi dang dangte le a sugenthei ma ma hi.

2 KHANGTHU 25:16

Himaleh, zia thu a gen zing lai ah chun lengpa’n zia gual hin a hun dawnhu a: “Nang phiangsan hi lengpa lemguat piak ding ah kuan a hun guat ua a hem? Thip hiat hiat mai in! Bang ding ah hun that mai ding ka hi em?” a ti’n. Ziaphatchun, jawlnei chule a thip ah; chomkhat zaw in, “Zia gual ah ka hun thuhilna la ngaisak lo ah, zia tawhbang la bawl ziak hin, Pathian in hun susia ding ahi ti ka hia’i,” ti’n a hun gen a.

JOB LEKHABU 33:27

Zia mipa chun midangte kiang in, “Ka la bawl khial ta’n, a dik chu ka la pêt mangsan ta’n; ahi’n la, thuk in ka um puai.

SAM 103:12

sualam ah kipat tumlam a gamlat gual in, I hi’khelnateu gamla tak in a koimang tai.

SAM 51:16

Kithoina chung ah kipakna la nei paw’ngal a; hâlmang thillat hun pelengle pom lo ding la hi’ngal a.

SAM 51:4

La chung ah, nangma chung ngei in, thil ka la hi’khial ta’n; la mit mu ah thil diklo ka la bawl tai; tichun, la thugen ah thiam chang ah, vaihawmna le demna bei la hi’theina dingin.

SAM 51:6

Sunggil lam ah takna la dawi hi; tichun, ka lunggil sung ah hin pilna ei zilsak ta’n.

PAWTDAWNA THU 9:27

Ziaphatchun, Pharaoh in Mosi tawh Aron a ko ah a kiang un, “Tu’chung ah hin thil ka bawl khial tai; Lalpa chu a dik ah, keima leh ka mipite hi ka dik puau hi.

THUPILTE 25:12

Thumang thei nakhang ah hilgaina thu pha kigen chu, bil ah sana bilba leh ngawng ah sana khi tawhbang ahi.

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

ISAI 38:17

Zia gual ah haksatna ka tuak chu, kei â dingin thil pha ahi ngei hi. Ka gitlona zosia la nung lam ah la pai mang tâk ziakin, siatna khûk ah lut lo dingin, ka hinna la nungkai kit tai.

ISAI 43:24

Kêlzu thum tak lei chawk piak kha pua’n, kithoina gancha thau inle, ka lungkimna ding la bawl kha puai. Himaleh, la gitlonau puakgik lei guan un; la khawlonau ziakin lei hi’tha chawl ui.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

KÂ LATE 3:32

Hi’lungngai maleh, a ja’ngaina nasa tak dungzui in, lainatna hun nei ding ahi ngal a;

THIAMPUTE LEKHABU 20:10

Kuale, a Invêngpa ji tawh ângkawm chu, a ângkawmnu leh a ângkawmpa chu thalup gêl ding a hiu.

THIAMPUTE LEKHABU 24:17

Mihing that him him chu tha ngei ngei ding ahi.

ZEKARIAH 3:4

Vansawlchak chun a âng ah dingte kiang in, “A kithuamna puan nîn tak chu lîpthâk piak un,” a ti’n. Chuleh, a kiang in, “Ngaitia, la mawnate ka lâk mang piak ta hen, kithuamna ding puan thak hun pia ding ka hi,” a ti tai.

MATTHAI 14:10

Suangkul ah Johan um chu a lu vatan dingin mi a sawl tai.

LUKA 15:21

Chun, a chapa chun a kiang in, “He pa, van ah mi chung leh nangma mit mu in thil ka hi’khial tai, la chapa tâkle ka hita puai,” a tia.

LUKA 18:13

Sedawlpa chu vang gamla tak in a ding ah, van lam le dak ngam lo ah a awm chûm kawm kawm in, ‘Pathian, kei migilo ka hi, ka chung ah jangai in’ a tia.

NASEPTE 2:37

Zia thute chu a het phat un, a lung uh chu a kisun gual a hung hi ta’n; Peter leh sawlchâk dangte kiang ah chun, “Suapite haw, bangti ding ka hitau em?” a hun tiu a.

HEBRAITE 9:26

Chuti hiloleh, khawvel kisiam tîl ah kipat tam veipi thuak ta ding ahi’n; himaleh, hun tawp lam ah hin gitlo sukmanna dingin ama ngei chu khatvei thu’n a hung kipe ta ahi.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

1 SAMUEL 15:20

Saul in Samuel kiang ah chun, “Lalpa thu ka mang ah, Lalpa‘n ka bawl ding ah ei sawlna’n ka chia ah, Amalekte lengpa Agag le ka hun hing mat ah; chuleh, Amalekte chu ka that gam sik sek chu lam.

1 SAMUEL 15:30

Ziaphatchun, Saul in, “Ka la gilo tai; himaleh, ka mipite leh upate ma-âng ah hin ja’ngai inla, Lalpa la Pathian ka biak theina dingin ei chiapi kit in,” ti’n a gen a.