2 SAMUEL 11:8 - PATHIAN LEKHABU THIANGTHO (BSI)

⁸ Ziazaw chun, David in Uriah kiang in, “La In ah chia suk in la, la keng haw le vasil thiang ta’n,” ti’n a sawl ah. Lengpa In ah kipat Uriah a pawt daw phatin, lengpa’n kipakna thilpiak a thot zui ngâl hi.

2 SAMUEL 11:8 ပူးပေါင်းရင်းမြစ်များ

THILSIAM THU 18:4

tui neukhat hun lau hen la, la keng uh sil unla, zia thingbul lîm ah hin chawldam tadiu in;

THILSIAM THU 19:2

Chuleh, a kiang un, “Ka Lalpa te, lungsiat tak in la suak In ah hin hung lût ta diu inla tu’jan giak un, la keng uh sil ta diu in; jing leh ma tak ah tho in, la chiana ding lam un chia na’n lau,” a ti’n. Himaleh, amau chun, “Himaijenlo e, khawlai ah giak zaw’ng kau,” a tiu a.

THILSIAM THU 43:24

Amau chu Joseph In ah chun a pui lût ah, a keng silna ding uh tui le a pia’n; a sabiltungteu chu an a piak sung ah chun,

THILSIAM THU 43:34

Joseph dawkân ah kipat chun an nêk dingte chu a hawm jak un; Benjamin chanvo chu a dang cheng â sâng in ale’ nga’n a tam zawi. Tichun, uain a dawn ua, ama tawh lim tak in a kipawl khawm tau hi.

SAM 12:2

Mitin in mi maiphatna leh lungthim thua ngen pu’n, zuau thu ngen a gen tau hi.

SAM 44:21

Pathian in zia chu ei mudok lo ding a hem? Ama’n lungthim gûk zosia a hesuak ngal a.

SAM 55:21

A kam chu bawngnawi khal sâng in a zol zaw’n; a lunggil un vang do lung a pu zing ui; sathau sâng ah zol zaw’n thu a gen un, ahi’n, chemjam jukdoksa a hiu.

ISAI 29:15

Nang haw lemhiatna Lalpa ah kipat, thûk tak ah sêlgûk ding ngaitua leh, a gûk ah thilbawlte, “Kua’n ei mu em? Kua’n ei he em?” tite haw!

LUKA 12:2

Puandaw lo ding ah îmgûk bangma a um pua’n, suklat lo ding ah sêlgûkle bangma a um diak puai.

LUKA 7:44

Chuleh, numei lam chu a nga, “Zia numei hi la mu em? La In ah ka hung lut in keng silna ding tui lei pepua’n; himaleh, ama hin a mitthi tui in ka keng a sil ah, a sam in a thiak hi.

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.