2 SAMUEL 11:27 - PATHIAN LEKHABU THIANGTHO (BSI)

²⁷ A pawsal sûnna hun chu a bei phatin, David in a pui dingin mi a sawl ah, a In ah a vapui lûtsak ah, a kichenpi tai; tichun, cha pakhat a hing tai. Himaleh, David thilbawl dan chun Lalpa a lungdam ta puai.

2 SAMUEL 11:27 ပူးပေါင်းရင်းမြစ်များ

THILSIAM THU 38:10

A thil hi’dan chu Lalpa mit mu ah huat um tak ahiziak in, ama chule a that tai.

2 SAMUEL 12:9

Bang ziak ah, a mit mu ah thil phalo tak chu bawl ah, Lalpa thupiak chu musit mai la hi ta’m? Hit mi Uriah chu chemjam in la that ah, a ji chu la kichenpi ah, ama chu Ammonte chemjam in la that hi.

2 SAMUEL 15:26

Himaleh, ama’n, ‘Ka hun doisak ta puai,’ a ti leh vang, pha a ti gual gual in ka chung ah bawl mai hen, a khawk puai,” a tia.

1 LENGTE 21:16

Ahab in Naboth a thi tai ti a het phat in, a kipan ah, Jezreel mi Naboth grep huan vakichan dingin a chia suk tai.

1 LENGTE 21:20

Ahab in Elijah kiang in, “Lei mudok tai maw, aw ka mêlmapa?” a tia. Ama chun a dawnhu a, “Ka hun mudok tai! Lalpa mit mu ah thil phalo bawl ding ah la kizokdaw tâk ziakin,

1 KHANGTHU 21:7

Zia thu ah hin Pathian a lung a awi ta pua’n, Israelte chu a gawt khawlaw tai.

SAM 5:6

Zuau gen mite chu hi’mangthai in; Lalpa‘n thisan sua mang mi leh, mi thephatte chu a ki’dak hi.

THUPILTE 6:29

Zia gual chun, kuale a Invêngpa ji tawh lum khawm ah, khoikha tapo chu, gawt lo in suakcha pua’n a;

ISAI 29:15

Nang haw lemhiatna Lalpa ah kipat, thûk tak ah sêlgûk ding ngaitua leh, a gûk ah thilbawlte, “Kua’n ei mu em? Kua’n ei he em?” tite haw!

KÂ LATE 3:36

a dikte maw chansak a hiu chu, Lalpa‘n mulo ding a hem?

MATTHAI 1:6

Jesse chu lengpa David pa ahi’n; chun, David chu Uria ji tawh a chau Solomon pa ahi.

DAN LEKHABU 22:29

a luppipa chun dangka shekel sawmnga liau intin, zia chu nungak pa chu pia’n tin, zia nungak chu a ji hita’n ah. A ma’n zia nungak chu a sukminsiat ziakin, a dam sung sia a nol phal a hita puai.

HEBRAITE 13:4

Mi zosia’n kichenna hi jau hen la, jalkhun le sukbuak hi ki’hen; tasualte leh ângkawmte chu Pathian in vaihawm piak ding ahi.