2 SAMUEL 10:18 - PATHIAN LEKHABU THIANGTHO (BSI)

¹⁸ Israelte chun Aramte chu a del jak tau a; David in Aramte sakol kângtalai sepai hon za sagi tawh, sakol sepai sîng li a that ah; chuleh, a sepai hotu pen uh Shobakh chule a liam ah, zia mun chun a thi den tai.

2 SAMUEL 10:18 ပူးပေါင်းရင်းမြစ်များ

2 SAMUEL 10:17

Zia thu chu David a hil phat un, Israel sepaite zosia a ko khawm ah, Jordan lui gâl kâi in, Helam khua tiang in a chiau a. Aramte chu David do ding ah a la kiguanggal in, a kido tau hi.

2 SAMUEL 8:4

David in a sakol sepai sang khat leh za sagi tawh, keng sepai sîng ni a lâkpiak ah. David in a kângtalai kai sakol zosia lak ah kipat in kângtalai za khat kai ding a hawi ah, a dang cheng chu a zapigui uh a sât tan piak tai.

1 LENGTE 11:24

David in mi a la tha’khawm zaw ah khan, ama’n a nungzui dingte kaikhawm in, tualthat pawl ah hotu’n a pang ta’n; amau chu Damaska ah a chia ua, zia chun a chêng ua, ama Damaska lengpa’n a siam tau a.

1 KHANGTHU 19:18

Aramte chu Israelte lau in a jamsia tau a; David in Aramte sakol kângtalai sepaite chu sang sagi leh keng sepai sîng li a that ah, sepai hotu lianpen Shophakh chule a that tai.

SAM 18:38

Thodok kit talo dingin ka vawpai ta ngal in, ka keng nuai in a pûkden tau hi.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 68:2

Meikhu mût mang ah a um gual in, amau chu mût mang in, khuailu mei in a haitui gual in, mi nunsiate chu Pathian ma’n mangthai tau hen.

VAIHAWMTE 4:2

Tichun, Lalpa‘n amau chu Hazor ah vaihawmpa, Kanaante lengpa Jabin khut in a pia tai; a sepai hotu lianpen chu Harosheth-ha-goiim ah chêng Sisera ahi.

VAIHAWMTE 4:22

Ziaphatchun, Sisera del ah hung Barak chu tuak dingin Jael a hung pawtdok ah, a kiang in, “Hung in, la mi hawlpa chu hun kawkmu ing ka,” a tia. Tichun, amanu puanbûk sung ah chun a lût ah; zia tak ah chun Sisera puanbûk hênna thikzum ah lei tual tawh a ngeibiang kikilden ah a thisa’ kizam chu a va mu tai.

VAIHAWMTE 5:26

A khut langkhat ah puanbûk hênna thikzum chawi in, a changlam khut in sektum a chawi ah; Sisera chu a khên ah, a luchang a vaw kêk ah, a ngeibiang chu lei tual tawh a kildên tai