2 SAMUEL 10:12 - PATHIAN LEKHABU THIANGTHO (BSI)

¹² I mipiteu leh I Pathian uh khawpi hûkna dingin hangsan tak leh tawmngai tak in pang hitiu; Lalpa‘n pha asak dan dan in hun bawl ta’n ah,” ti’n a gen a.

2 SAMUEL 10:12 ပူးပေါင်းရင်းမြစ်များ

2 SAMUEL 10:11

A kiang un, “Aramte chu a hung hat zawk ua leh ei hung panpiu in la, Ammonte chu a hat zawk ua leh, hung ing ka tiu in, hung panpi ing ka tin.

2 SAMUEL 15:26

Himaleh, ama’n, ‘Ka hun doisak ta puai,’ a ti leh vang, pha a ti gual gual in ka chung ah bawl mai hen, a khawk puai,” a tia.

1 KHANGTHU 19:13

Hangsan tak in pang unla, I mipiteu leh, I Pathian uh khawpite humbitna dingin theitawp sua in pang hitiu; Lalpa‘n a chung un a nop dan dan in bawl mai ta hen,” ti’n a gen tai.

2 KHANGTHU 32:7

“Hat tak leh hangsan tak in pang un. Assuriate lengpa leh a kiang ah a sepaite haw chu lau kiu inla, huphul him him kiu in; amau kiang ah umte sâng ah hatzaw ei panpi a um ngâl a.

NEHEMIAH 4:14

Thil umdante chu ka etchian nung in, ka dingdok ah, miliante, vaihawm mite leh mipi zosia kiang ah chun, “Amau lawi chu lau him him kiu in. Lalpa a lopi dan leh a lau um dante chu hezing un; la chanauteu, la chapateu, la chanuteu, la jiteu leh la Inteu hûk dingin gâl chu do un,” ti’n ka gen a.

NEHEMIAH 4:8

tichun, a leng ua pang khawm ah Jerusalem hung do ah, sukbuai ding dan ngen chu a ngaitua tau a.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

JOB LEKHABU 1:21

“Ka nu sul ah kipat ngawnchang in ka hung pawtdok in, ngawnchang ma ma’n kile’kit ding ka hi; Lalpa‘n ei pia’n, Lalpa‘n a la kit tai; Lalpa min chu pâk in um ta hen,” ti in.

KISIMNA LEKHABU 13:20

chuleh, a gam chu lei pha a hem sia, ti leh, thing kek a hem kek lo tite vaentha unla; hangsan tak in pang unla, a gam ah theiga bang jat a hem le la hun puak ding uh ahi,” ti’n a hil ah. Zia hun chu grep theiga masate min hun ahi.

1 KORINTH 16:13

Kivêng unla, ginna’n ding det in, hangsan tak leh hat tak in um un.

DAN LEKHABU 31:6

Hat tak leh hangsan tak in um un; amau chu lau kiu inla, lunglel him him kiu in; Lalpa la Pathian un a hun umpi zing ngâl a; ama’n hun lawsap sak ngai pua’n tin, hun nusia diak pua’n ah,” a tia.

DAN LEKHABU 31:7

Ziaphatchun, Mosi’n Israel mipite zosia mu in Joshua a kodok ah, a kiang in, “Hat tak leh hangsan tak in um in; zia mipite hin a pu leh pateu kiang ah Lalpa‘n piak ding ah a la tiamna gam chu nang in pui lût in, luasak ding la hi’n.

HEBRAITE 11:33

ziate chun ginna ziakin gamte a lau ah, dik tak in vai a hawm un, Pathian thutiamte a la chang un, sakeibaknei kam te a suchîp un;

HEBRAITE 13:6

Ziaziakchun, ei un hangsan tak in, “Lalpa chu ei panpipa ahi, mihing in bangma ei law ding lau pua’ng ka,” I tithei ui.

JOSHUA 1:18

Kuale la thupiak nial ah, la thupiak zosia zawm nuam lo taphot chu thalup mai ding hiu hen. Hat tak leh hangsan tak in um phot mai in,” ti’n a dawnhu tau a.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

VAIHAWMTE 10:15

Chun, Israelte’n Lalpa kiang in, “Ahi puai, thil ka bawlkhial ma mau hi; pha lasak dan dan in ka chung un bawl mai inla; ahi’n, tu’ni hin ei hukdok in!” a ti tau a.

1 SAMUEL 14:12

Sepaite chun Jonathan tawh a gâlvan chawipa chu a hun ko un, “Ka kiang un hungto tiam un, bang a hem khat hun etsak ing kau,” ti’n a gâl ko tau a. Jonathan in a gâlvan chawipa kiang in, “Hung inla ei zui in; Lalpa‘n amau chu Israelte khut in ei pia ta ahi,” a tia.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.

1 SAMUEL 17:32

David in Saul kiang ah chun, “Zia mipa ziak hin kuama lungkham kiu in; la suakpa hi chia ing ka tin, zia Philistin mipa hi vado ding ka hi,” ti’n a gen a.

1 SAMUEL 3:18

Tichun, Samuel inle bangma îmlo in a leng in a gendok tai. Ziaphatchun, Eli in, “Lalpa ahi chu lam, pha a sak dan dan in bawl mai ta hen,” a ti tai.

1 SAMUEL 4:9

Aw Philistinte haw, hangsan tak ah pang in, kipawsalsak unla, Hebraite I suak ua a um gual un amau nuai ah I umlona ding un kipawsalsak unla, do un,” a tiu a.