2 SAMUEL 1:8 - PATHIAN LEKHABU THIANGTHO (BSI)

⁸ Ama’n ka kiang in, ‘Kua la hi em?’ ei ti’n. Keima’n, ‘Amalek mi ka hi,’ ti’n ka dawnhu a.

2 SAMUEL 1:8 ပူးပေါင်းရင်းမြစ်များ

THILSIAM THU 14:7

A kile’kit lam un En-mishpat (zia chu Kadesh ahi) a tung un; Amalekte gam zosia leh Hazazon-tamar khua chêng Amor mite zosia le a that malam pek un.

2 SAMUEL 1:13

David in thu hung tut tangval kiang ah chun, “Khoilam ah hung kipan la hem?” ti’n a dong a. Ama chun, “Amalek mi la lak ua chêng chapa ka hi,” ti’n a dawnhu a.

2 SAMUEL 1:7

A hung kihei leh ei hun mu’n, ei ko ah, ke’nle, ‘Zia hin ka um hi, he pu,’ ti’n ka dawnhu a.

2 SAMUEL 1:9

Ama’n ka kiang in, ‘Hung inla, ka kiang ah hung inla, ei that in; ka thisan a pawt tam ta law ta’n, ahi’n la, ka hinna hi a um liai liai nalai hi,’ ei ti’n.

KISIMNA LEKHABU 24:20

Chuleh, Amalekte lam a vak nga’n, a chungthuu zia gual hin a hun gendok a: “Amalekte hi nam zosia lak ah hatpen a hiu; himaleh, a tawp lam leh hisiat dim dem hi’n a,” ti in.

1 SAMUEL 15:3

Tu’hin kipan inla, Amalekte chu vado inla, a nei zosiau vasusia sik sek in; a numei a pawsal, naupang leh nausen hitaleh, a bawngchalteu, a belamteu, a sangawngsauteu leh a sabiltungteu natiang uh hawi neilo in that gam in, a ti ahi,” ti’n a gen a.

1 SAMUEL 27:8

David leh a lawite chu a kuan to un, Geshur, Girzi leh Amalekte chu a vado un; ziate hi Telam ah kipat Shur lampi leh Aigupta gam lam tiang ah a la chêngte chu a hiu a.

1 SAMUEL 30:1

Ziazaw a ni thum ni chun, Amalekte’n, Negeb leh Ziglak a la zaw’na nung un; David leh a lawite chu Ziglak a hung tung ua, Amalekte’n a la hâl tum zawu ahi tai.

1 SAMUEL 30:13

Ziaphatchun, David in a kiang in, “Kua lam ah pang la hi em? Khoilam ah kipat hung la hi em?” ti’n a dong a. Ama chun, “Aigupta gam ah tangval, Amalekte suak ah um ka hi’n; ni thum a hita’n, ka damlo ziakin ka pu’n ei nutsia mai ka hi.

1 SAMUEL 30:17

David in khawthim jul ah kipat jan khawvak leh a jing nitâk lam tiang in a do ta mai ah. A lak ua tangval za li, sangawngsau ah chuang ah taimangte tilo taphot chu a leng un a that gam zo tai.