2 SAMUEL 1:2 - PATHIAN LEKHABU THIANGTHO (BSI)

² A nithum ni’ chun, Saul leh a lawite giabuk ah kipat pawsal pakhat, puanâk tel neng nung leh a luchang ah buanthuak bek net nut in a hung a. David kiang a hung tun phatin leitual ah bokkhup in jâna a hun pia.

2 SAMUEL 1:2 ပူးပေါင်းရင်းမြစ်များ

THILSIAM THU 22:4

A ni thumni chun Abraham chu a vak dakdok ah, a mun chu a vak gâl mu tai.

THILSIAM THU 37:29

Reuben in kawkhûk lam a va etkit phat ah chun, Joseph a la um ta pua’n; tichun, a puanâk a bot thêk tai.

THILSIAM THU 37:34

Tichun, Jakob in a puan a bot thêk ah, saidip puan sil in, ni sawt tak a chapa chu a sûn tai.

THILSIAM THU 43:28

Amau chun, “Ka pau, la suak chu hing leh dam in a um nai,” a tiu a. Chun, a luu kûn in chibai a bûk kit ua.

2 SAMUEL 1:3

David in a kiang in, “Khoi lam ah kipat hung la hi em?” ti’n a dong a. Ama chun, “Israelte giabuk ah kipat hung suakcha ka hi,” ti’n a dawnhu a.

2 SAMUEL 13:19

Himaleh, Tamar chun a puanâk chual chu a botthêk ah, leivui kibuak khum in, a lujang ah a khut kiltua in a chia mang ta’n, a chia kawm in ngai tak in a kap jak tai.

2 SAMUEL 14:4

Tekoa numei chu lengpa kiang a hung tun phatin, a maichang ah leitual sihial ah jâna pia’n chibai a bûk ah; lengpa kiang ah chun, “Aw lengpa, ei panpi in!” a tia.

2 SAMUEL 15:32

David chu tângvûm ah Pathian a ho sek nau mun chu a tun phatin, Arkha mi Hushai chu a puanâk kêk net nut leh a lujang ah leibuan net nut in a hung a.

2 SAMUEL 24:20

Araunah in a vak et suk leh, lengpa leh a suakte ama kiang lam ah hung chu a vak mu’n; tichun, Araunah chu a chia ah, lengpa âng ah khupbok in a mai lei tual in a sidên tai.

2 SAMUEL 4:10

thupha hun tut ah kingai in, mi pakhat in, ‘Saul a thi tai,’ ti’n ei hung hil ah; Ziklag ah khan ama chu ka man ah, ka la that ta’n, zia chu a thutut kipakman ah ka piak a la hi.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

ESTHER 5:1

Ni thum a ti’n ni chun, Esther chu a lengnu sil leh chên ah kithuam in, lal In sungnung ah lengpa pindan mai jawn tak ah chun a vading ah. Lengpa chu lal In sung ah lalchutpha a kichut lai tak ahi’n.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

EZEKIEL 27:30

nangma sûn in thasia tak in a kap ui. A luchung ua leivui kibuak khum in, leivui lak in a kitel puang tau in;

HOSEA 6:2

Ni ni zaw leh ama’n ei hi’hal ding ahi; a ma-âng ah I hintheina ding un, ni thum ni leh ei kai tho kit ding ahi.

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

MATTHAI 12:40

Jonah chu ngapi gilpi sung ah ni thum leh jan thum a um gual khan, Mihing Chapa le lei nuai in ni thum leh jan thum um in a.

MATTHAI 16:21

Zia hun ah kipat chun, Jesu’n a nungzuite kiang in Jerusalem ah a chia ding dan, upate, thiampu liante leh, lekhazikte khut ah haksatna tam tak a thok ding dante, tha ah a um ding dante, a ni thum ni’ kaithaw ah a um kit ding dante chu a hilpan tai.

JOSHUA 7:6

Ziaphatchun, Joshua chun, Israel upate tawh a puanteu botthêk in, Lalpa thuthung thingkuang mai ah bokkhup in a mâi ua lei tual si hial in a luchung ua leivui kibuak khum in, nitâk lam tiang in a bokkhup tau a.

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.

1 SAMUEL 20:41

Tanglakpa chia mang zaw zaw ah chun, David chu suang kisia khawm pang ah kipat chu hung pawtdok in, a mai ah leitual si’n a bok khup a. Thumvei hial a bok khup ah, a kichawptuau ah, a kikâ khum ta mai un; David chu a thasia zaw diak hi.

1 SAMUEL 25:23

Abigail in David a mu phât in, sabiltung chung ah kipat hung kum in, David ma-âng ah chun lei tual si’n a bokkhup ta mai a.

1 SAMUEL 4:12

Zia ni ma ma’ chun, Benjamin phung ah mi pakhat, a puante tel net nut leh a luchung leivui nât nem num in, kido’na kipat in Shiloh a hung tai tung a.

1 SAMUEL 4:16

Mi pa chun Eli kiang in, “Kido’na mun ah kipat hung tai dok ka hi; tu’ni’n kidona mun ka hun nusia mai ahi tai,” a tia. Eli chun, “Ka chapa, bang a ti’na em le?” ti’n a dong a.