2 SAMUEL 1:16 - PATHIAN LEKHABU THIANGTHO (BSI)

¹⁶ David chun, “Nangma kam ngei ngei in, ‘Lalpa sathaunu’, chu ka that hi,’ la ti tâk ziakin la thisan maw la kipuak ding ahi,” a ti tai.

2 SAMUEL 1:16 ပူးပေါင်းရင်းမြစ်များ

2 SAMUEL 1:10

A kiang in ka ding ah, a dam zo lo tho tho ding ahi ti ka hetchian ziakin ka thalup mai ahi. A lallukhuk khuk lai leh a khut ah a khutngawng bû lai ka hun la’, zia tak ah ka lalpa kiang ah hin ka hun paw tung hi,” ti’n a gen tai.

2 SAMUEL 16:8

A lalna la suandaw, Saul Inkuante zosia thisan phuba chu Lalpa‘n la chung ah a hun lak a hita hi; chuleh, Lalpa‘n la lenggam chu la chapa Absalom khut ah a piak a hita hilam. En in, la chung ah siatna tung ahi tai; nang hi thisan sua hat mi la hi’ngal in,” ti’n hânsia law khum in a kiko malam pek hi.

1 LENGTE 2:37

Zia gual hi hi’n tin: La pawt daw ah, Kidron Lui la khêl ni ni’n, matheilo ah thiding la hi ti kihiat in; la thisan la luchung ngei ah chu ding ahi,” a tia.

JOB LEKHABU 15:6

Keima hilo in nangma kamsuak in thiamlo la kichan ah, la muk ah thupawt in nangma a hun heksia ta chu lam.

THUPILTE 6:2

la kamsuak in a hun mat la hi tai.

EZEKIEL 18:13

sumpung doina ziakin mi thunglâksak hen la hileh, zia gual mi chu a dam diam? Hing pua’n a. Zia gual thil ki’dak um zosia bawlpa chu, a thi tei ding ahi; a thisan maw ama’n kipuak in a.

EZEKIEL 33:5

Pengkul git he ngâl ah, kigâl ginglo a hiu chun; a thisan mawu chu a kipuak diu ahi. A la kigâlging hileu vang, a hinnau kihukhing kha mai thei a hiu.

THIAMPUTE LEKHABU 20:16

Numei in gancha a luppi chun, a numei tawh gancha chu la tha gêl ding uh ahi. A thisan mawu kipuak ta’n au.

THIAMPUTE LEKHABU 20:27

Phunsân leh dawi thu mang numei hi hen la pawsal hileh, tha ngei ngei ding a hiu; suang ah se’lup ding a hiu: A thisan mawu kipuak ta’n au, ti’n a gen a.

THIAMPUTE LEKHABU 20:9

Kuale, a nu a hem, a pa a hem, hânsia lawkhum taphot chu tha ngei ngei ding ahi; a nu leh a pa a sapsiat ziakin a thisan maw kipuak in a.

MATTHAI 27:25

Ziaphatchun, mipi zosia chun a hun dawnhuu a, “A thisan chu keimau leh ka chateu chung in um ta hen,” a tiu a.

LUKA 19:22

Ziaphatchun, ama chun a kiang in, ‘La kamsuak ngei ah kipat in la chung thu ka tan ahi; nang suak gilopa, mi genhak tak ka hi ah, ka koi lo na’le ka lâk sek ah, ka tu’ lo na’le ka ât sek hi ti la het leh;

NASEPTE 18:6

Amau hawn dodâl ah, a gensiat phat un, Paul in a puan ah kipat leivui thingtha’n, a kiang un, “La thisan uh chu la chung un um hen! Kei ka hileh ka thiang hi. Tu’ ah kipat hin Jentelte kiang in chia ta’ng ka,” a tia.

NASEPTE 20:26

Ziaziakchun, tu’hin mi zosia thisan in ka hul ahi, ti tu’ni hin ka hun hiatsak la hiu;

ROMTE 3:19

Kam zosia a thip ah, khawvel zosia hi Pathian ma ah gilo a hung hitheina ding un, dan kigente zosia hi dan nuai ah umte kiang ah gen a hisek hi ti, I hiau hi.

DAN LEKHABU 19:10

Lalpa la Pathian un la lua ding ua a hun piakna gam sung ah chun, thiamlo chansak ah la um lona ding ua, mawna neilote thisan chu sua a hilona dingin.

JOSHUA 2:19

la Insung ah a la um lo ah khawpi kotzing ah a la pawtdok khâk uh chun, amau thi’na chung in amau in a maw kipuak intiu in, kei uh ei ngaw thei pua’n lau; ahi’n la, la In sung ah la umkhawmpite lak ah khat chung ziang ah le khut tha a um chun, zia mi thi’na ziak ah chun a maw paw’ngâl ing kau.

VAIHAWMTE 9:24

Shekhem ah hotute chun, a suapite a tha theina ding ah Abimelekh a la panpi ziak ua, Jerubbaal chapa sawmsagite chung ah a khut a la thâkna ziak ah, a thisan phuba’u chu a chung ah lâk a hitheina ding ah a chung ah zia gual chu hung tung ahi.

1 SAMUEL 25:39

David in Nabal a thi tai ti a het phat in, “Nabal in ei hosiatna thu ei ngaitua piak ah, a suak hi thil phalo bawl lo ding ah ei la tutâng Lalpa chu choihoi in um ta hen. Lalpa‘n Nabal chu a thil phalo bawl man a dit ta ahi,” a tia. Ziaphat ah chun, David in mi a sawl ah, Abigail chu a ji dingin a va hêlsak tai.

1 SAMUEL 26:9

Himaleh, David in Abishai kiang ah chun, “That him him kin; Lalpa sathaunu’ chung ah khut tha chu thiammaw chang lo ah kua suakcha ding a hem?” ti’n a dawnhu a.