2 PETER 3:2 - PATHIAN LEKHABU THIANGTHO (BSI)

² Jawlnei thiangthote thugen lawk leh, la sawlchâkteu kam ah Lalpa leh Hukdampa thupiak chu la het zingna ding un.

2 PETER 3:2 ပူးပေါင်းရင်းမြစ်များ

LUKA 1:70

masang lai pek ah kipat khan, zia thute hi a jawlnei thiangthote chu mang in, a la genlawk ta’n,

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

NASEPTE 10:43

Jawlneite zosia’n a chung thu a la gen uh, ‘Kuale a ging tapo chun a min in gitlo ngaidamna chang ding a hiu,’ ti thu kha,” a tia.

NASEPTE 28:23

Ni a tiam tau ah, zia ni chun a tunna In ah mi tam tak a hungkhawm tau ah. Jingkal ah kipat nitâk tiang in zia thu chu a hilchian ah, Pathian gam thu chu gen in, Mosi Dan leh Jawlneite lekhabu thu ah kipat in, Jesu chungchâng ah thuzaw a gua’n.

NASEPTE 3:18

Himaleh, Khrista chun zia thilte chu thuak ngei ding ahi, ti Pathian chun a jawlneite zosia mang in a la hillawk ah, zia gual tak ah chun a guitung ta ahi.

NASEPTE 3:21

Khawvel siamtil ah kipat Pathian in a jawlneite kam ah a la gensa gual khan, bangkim siamthak hun a hung tun masia, ama chu van ah um tadi ding ahi.

GALATIA 6:2

La puakgikteu chu kidawn tua chiat un; tichun, Khrista dan chu la zui uh hi’n a.

EPHESA 2:20

Khrista Jesu ngei chu a kil ah suang poimaw pen ahi’n, sawlchâkte leh jawlneite suangphûm chung ah sak la hiu hi.

EPHESA 3:5

Zia chu tu’lai ah sawlchâk thiangthote leh jawlnei thiangthote kiang ah, Thagau hiatsak ah a um gual ah hin, tu’ma lam ah khan mihing chate kiang ah hiatsak ahi ngai pua’n; zia thu chu zia hi ahi:

1 TIMOTHI 6:14

I Lalpau Jesu Khrista suklat ahi masia, thupiak chu buak lo leh dem bei in vop zing in.

2 PETER 2:21

Dikna lampi a het nung un thupiak thiangtho a kiang ua vopsak ah um chu nungngatsan kit sâng in, dikna lampi chu helo hizaw maileu amau â dingin phazaw ding hive’n!

2 PETER 3:15

Lalpa dawtheina chu hukdamna’n guat un. I suapiu doitak Paul in le, pilna piak ahi dungzui in la kiang un a hun zik tai.

2 PETER 3:16

A lekhathot zosia’n zia thute hi a gen hi. Ziate ah chun thu het haksate a um ah, ziate chu mi mawl leh detlote’n, Pathian Lekhathu dang a heikawi gual un a heikawi ua, a kisuksiat khawlaw sek ui.

1 JOHAN 4:6

Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

JUDA 1:17

Himaleh, doitakte haw, nang un vang I Lalpa Jesu Khrista apostolte thu genlawkte kha hezing un.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.