2 PETER 3:15 - PATHIAN LEKHABU THIANGTHO (BSI)

¹⁵ Lalpa dawtheina chu hukdamna’n guat un. I suapiu doitak Paul in le, pilna piak ahi dungzui in la kiang un a hun zik tai.

2 PETER 3:15 ပူးပေါင်းရင်းမြစ်များ

1 LENGTE 3:12

la gen gual in ka bawl tai. Ahi, hetkhen theina lunggil leh pilna ka hun pia la hi; la masang in nang gual kuama a la um pua’n, la nung in le kuama nangma gual hung um diak ta pua’n a.

1 LENGTE 3:28

Israel zosia chun lengpa thutan dan chu a la hiau ah, lengpa chu a ja zaw diak tau hi; thu dik tak ah tantheina ding ah Pathian pilna chu ama ah a um hi ti a mu tau hi.

1 LENGTE 4:29

Pathian in Solomon chu pilna lopi tak, hetkhen theinale tuipi pang ah piaunêl gual ah tam leh lian hetna a pia’n,

EZRA 7:25

Chun, nang Ezra in, Pathian in pilna a hun piak dungzui in, vaihawmtu dingte leh thutan dingte, zia Luipi Gâl lam ah mipi, la Pathian dante he mite chung ah thu tan dingin teldok inla; chuleh, dan thu helote chule hil in.

PAWTDAWNA THU 31:3

Ama chu Pathian thagau in pilna, themthiamna, hetna leh khutthiamna chitin in ka thuam tai;

PAWTDAWNA THU 31:6

Zia lo ah chunle, ama sepkhawmpi dingin Dan nam ah mi, Ahisamak chapa, Oholiab ka guat ta ahi. Thu ka hun piak zosia dungzui ah bawldok thei dingin pilna lungthim leh khut thiamna chitin ka pia,

PAWTDAWNA THU 35:31

zia mipa chu lemhiatnate, hetthiamnate, hetnate, bangkim bawldan thiamnate;

PAWTDAWNA THU 35:35

Ama chu nasep tincheng sêm ding ah khut thiamna, pat a dum, a sandup leh a sandângte siam dan leh puan malngat jem bawl leh ga dan leh, thilbawl ding dan zosia guanggal thiamnate nei dingin lungthim pilna’n a thuam tai.

THUGENTU 2:26

Pathian in ama kipak sakte kiang ah chun, pilna, hetthiamna leh kipakna a pe ngal ah; ahi’n, migilo kiang ah chun Pathian kipaksak mite kiang ah piaksawn dingte chu lakhawm ah, khol khawm ding bep chu a piai. Zia hile bangmalo mai mai leh a thawn mai ahi.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

NASEPTE 15:25

I ngainat uh Barnaba tawh Paul hun kitonpi ah la kiang ua hun sawl ding in, kithutuak tak in mi ka hun têldok un;

NASEPTE 7:10

a haksatna zosia lak ah kipat in a hukdok ah, Aigupta ah Lengpa Pharaoh mit tung thei ding in doisakna leh pilna a pia; ama chun Aigupta leh a Insung zosia chung ah lal in a hun pansak tai.

NASEPTE 9:17

Ziaphatchun, Ananiah le a chia ta’n, In ah chun a lut a; a chung in a khut a nga ngal ah, “Unaupa Saul, Lalpa Jesu ngei la hungna lampi la kiang ah hung kilâkpa khan, khua la mutheina ding leh Thagau Thiangtho ah la hung dim theina dingin ei sawl ka hi,” a ti’n.

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

1 KORINTH 12:8

Mi pakhat kiang in Thagau in pilna thu a pia’n, zia Thagau ma chun midang kiang in hetna thu a pia’n;

1 KORINTH 2:13

Mihing pilna dan ah zilsakna thu hilo in, Thagau Thiangtho zilsakna dan zawk in, thagau thilte chu Thagau mite kiang in I gen zawu ahi.

1 KORINTH 3:10

Pathian hepina ka kiang ah piak ahi dungzui in, Insa lamkai khutthiam tak gual in keima’n suangphûm ka lem in, midang in a chung ah In a sau hi. Mitin in a chung ah a sak dan uh chun chingthei chiat tau hen.

EPHESA 3:3

chuleh, thugûk chu ka kiang ah hiatsak ah a um dan, tu’ma chomcha ka zik gual khan;

1 TIMOTHI 1:16

Himaleh, ziaziak tak ah chun ahi jangaina chu ka mu; chutia, a gilo pen keima ah Jesu Khrista dawtheina kim latsak ah um chu, tu’nung ah ama hun gingte chun, kumtuang hinna a mu ding uh chu etsakna hiding in.

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

1 PETER 3:20

amau chun malai ah Noah dam lai ah Long tuk sungsia, Pathian dawtheina a ngak lai khan thu a mang puau ah, zia Long ah chun mi tawmcha, mi pagiat, tui ah kipat hukhin in a um uh ahi.

2 PETER 3:2

Jawlnei thiangthote thugen lawk leh, la sawlchâkteu kam ah Lalpa leh Hukdampa thupiak chu la het zingna ding un.

2 PETER 3:9

Mi khenkhat in chanchûm ah a ngai gual un, Lalpa chu a thutiam lam in a chanchûm puai; kuama manthai ding doilo in, mitin in lunghei leu ti a dawi ziakin la lam un a dawthei zaw ahi.