2 PETER 3:13 - PATHIAN LEKHABU THIANGTHO (BSI)

¹³ Himaleh, a thutiam gual in van thak leh lei thak, a sung ah dikna um chu I ngâk zing ui.

2 PETER 3:13 ပူးပေါင်းရင်းမြစ်များ

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 65:17

Ngaitia, van thak leh lei thakte chu ka siam in, thil masate chu het zing hita pua’n tin, ngaituana’nle lut ta pua’n a.

ISAI 65:25

Ngei leh belamno in an ne’khawm ta’n tin, sakeibaknei inle bawngchal gual in bupawl ne ta’n tin; leivui chu gûl an hung hita’n a. Ka tâng thiangtho ah chun kuama kisuknat leh, kisuksiat tuana um ta pua’n a, Lalpa‘n a ti ahi.

ISAI 66:22

Tichun, lei thak leh van thak, ka siam dingte chu ka ma-âng ah, umzing ta ding a hiziak un; zia gual ma chun, la suan leh pâkte leh, la min chule umden ta’n a, Lalpa‘n a tii.

ROMTE 8:21

thilsiam zosia le siatna suak ah kipat suachâtsak in um in tiu in, Pathian chate zalenna lopi tak chu chang ding ahi ngal un.

2 PETER 1:4

Ziate ziak ah chun a thutiam lûl leh lopi takte chu ei pia’n; chutichun, nopna ziak ah khawvel ah siatna hung um hi taisan in, zia thutep lûl leh lopi takte ziak ah chun, Pathian nunchan kikoppi thei in lau.

THUPUAN 21:1

Van thak leh lei thak ka mu’n; van masa leh lei masa kha a bei tau a; tuisuagiat le a um ta puai.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.