2 PETER 3:10 - PATHIAN LEKHABU THIANGTHO (BSI)

¹⁰ Himaleh, Lalpa ni chu gucha gual in hung in a; ziaphat chuleh, vante chu git ngai tak ah mangthai in, thilbulte le mei ah haltui hita’n a; lei leh a sung ah thil kibawlte zosia chu kâng tum ta’n a.

2 PETER 3:10 ပူးပေါင်းရင်းမြစ်များ

SAM 102:26

Ziate chu hung mang intin, nang vang um zing inla; ziate chu pua’n gual in hung chul ta’n a. Puanlui gual in theng in la tin, mangthai ta’n au;

SAM 46:6

Namtin a lungnau ah, lenggamte le a kilîng ah; a aw a sua leh leilung a tuitha zo tai.

SAM 97:5

Tângte chu Lalpa ma ah chun, khuainat gual in a tuitha zo tau in, khawvel zosia Lalpa ma ah chun.

ISAI 2:12

Sepai honte Lalpa chun mi chapote, kingaisângte leh mite chung ah, kichawisâng zosia chung ah, vaihawmna ding ni a tiam ta’ngâl a;

ISAI 24:19

Lei hi suksiat dim dem a hita’n, lei hi puaitel zaw a hita’n, lei hi nasa tak ah lawlîng ahi tai.

ISAI 34:4

Van ah aksite zosia mangthai ta’n tin, van chule lekhabu zialthaw gual ah zial daw in um ta’n a. Van lam ah thil um zosia chu, grep dua kâu a gui ah kipat a pul ah, theichang ga hût a kung ah a pulthâk gual in, pultha zo ta’n au.

ISAI 51:6

Khawdak in vante en to unla, nuai lam ah lei hile en suk un; vante chu meikhu gual in mangthai intin, lei hile puan gual in hung chul ta’n tin, a chung ah chêngte chule thovai gual in, hung thi zo ding ahi ngâl un; maleh, ka hukdamna chu kumtuang in um zing intin, ka tatdawna chun tawp ni nei pua’n a.

JOEL 1:15

Zia ni chu a chung a gik na e! Lalpa ni chu a nai ta’ngal a; Hat Chungnung Pa ah kipat in, manthaina hung tung ding ahi.

JOEL 2:1

Zion ah pengkul mût un; ka tâng thiangtho ah chun patau aw sua un! Gam ah chêngte zosia lau in kithing tau hen. Lalpa ni hung tung ding ahi ta’ngal a; zia hi a nai tai;

JOEL 2:31

Lalpa ni lopi tak leh tizat um tak a hung tun masang in; nisa thim intin, thapi le thisan suak in a.

JOEL 3:14

Thutanna phâijawl chu mipi’n a dim hi! Thutanna phâijawl ah chun, Lalpa ni chu a nai ta’ngal a.

AMOS 9:13

Lalpa chun, lei letpa’n bu âtpa a delphâk ah, grep chilpa’n, a chithe’pa a phâk ah, tângsâng tin in uain thum tak a vatsak ah, mual zosia ah uain thum tak a luanna ding hun chu, hung tung ding ahi tai, Lalpa‘n a tii.

AMOS 9:5

Lalpa, sepai honte Pathian chun, lei a suk khâk leh a tuitha zo in, a sung ah chêng zosia’n a sûn un, Nail luipi gual in a khansak a, Aigupta ah Nail luipi gual in a kiamsak hi;

MIKAH 1:4

Mei lak ah khuailu gual leh, kênliang ah tui kisungbua gual in, tângte chu a nuai ah tuitha zo in, phâiguamte chule puakkek ta’n a.

NAHUM 1:5

A ma-âng in tângte a kithing un, mualte a tuitha zo tau hi; a âng in leilung leh a sung ah um zosia a kithing setau hi.

MALAKI 4:5

Ngai un, Lalpa ni lopi leh tizat um tak chu a hung tun masang in, jawlnei Elijah hun sawl ding ka hi.

MATTHAI 24:35

Lei leh van mangthai intin, ka thu ahileh vang mangthai pua’n a.

MARKA 13:31

Lei leh van mangthai intin, ka thu ahileh vang mangthai pua’n a.

LUKA 12:39

Zia hi hiau in, Inneipa chun gucha hung ding hun chu a la he masa leh, a la kiging intin, a In chu suksiat sak lo ding ahi.

ROMTE 8:20

thilsiam zosiate chu thil thulim lo thu thu’n umsak in a um tau ah; a nop thuu ah um hilo in, kinepna umsakpa ziak ahi zawi;

1 KORINTH 1:8

Ama chun I Lalpau Jesu Khrista ni phat leh demna bei ah a hun koitheina dingin, a tawp chan in hun hi’det ding ahi.

1 KORINTH 5:5

Zia gual mi chu, a thagau Lalpa Jesu ni ah hukhin a hitheina dingin, a taksa chu himangthai dingin Setan kiang in pedok un.

2 KORINTH 1:14

Hiatthiamna tiang la nei tâk dungzui un, I Lalpau Jesu ni phat leh, ka hun kisuanpi gual un nang unle kei uh ei kisuanpi in lau.

1 THESSALONITE 5:2

Lalpa ni chu jan ah gucha gual in hung tung ding ahi ti, chian tak in la he ngal ua.

1 THESSALONITE 5:4

Himaleh, suapite haw, nang uh vang zia ni chun gucha gual ah a hun huam dingin thim ah um la hi puau a.

2 PETER 3:11

Zia thilte zosia chu zia gual ah chun mangthai suak ding a hiu leh, umdan thiangtho leh Pathian ngaisakna lam ah bang gual mi la hiu em?

2 PETER 3:12

Pathian ni hung tun ding chu kinêm tak ah ngâk zing in, ziate ziak ah chun vante chu kâng in mangthai intin, thilbulte le mei ah hâl tui hita’n a!

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.

JUDA 1:6

Chuleh, vansawlchâkte, amau hi’na zui lo ah, a umna mun uh nusiate chu, ni lopi ah vaihawmna â dingin thim nuai ah kumtuang kolbul in hensa’n a koihe tai.

THUPUAN 16:15

(Ngai un, gucha gual in ka hung hi. Kuale kiging zing ah umte leh puanchêng zingte chu mi hampha a hiu. A la kiginglote chu ngawnchang in um intiu in, mualpho in au.)

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

THUPUAN 21:1

Van thak leh lei thak ka mu’n; van masa leh lei masa kha a bei tau a; tuisuagiat le a um ta puai.

THUPUAN 3:3

La thil mu dan leh het dante kha hezing in vop pha’n la, la lung hun hei ta’n. La kivên lo chun gucha gual in hung ing ka tin, bangtik hun ah ka hun phawn ding helo la hi.

THUPUAN 6:14

Van chu lekhabu zial gual in a hung kizial mang a; tâng leh tuikual khum gam zosia le a umnau ah kipat chawn mang in a um zo tau a.