2 PETER 2:9 - PATHIAN LEKHABU THIANGTHO (BSI)

⁹ Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

2 PETER 2:9 ပူးပေါင်းရင်းမြစ်များ

JOB LEKHABU 21:30

Mi nunsiate chu siatna ni khoikhâk lo ah um in, lungnatna ni’ hukdaw ahi ngai awm?

JOB LEKHABU 5:19

Buaina paguk lak ah kipat in hun hukdok intin; pasagi lak inle bangma’n hun sukha pua’n a.

SAM 12:1

Aw Lalpa, ei panpi in, Pathian ngaisak mi la a um ta paw’ngal in; mihing chate lak ah mi ginum a um ta puai.

SAM 32:6

Ziaziakchun, mi ginum zosia chu, la kiang in pauchap tau hen; lungkhamna ni a hung tun ah, tuisângte chu a hung lêt tak leh, chup pha ta pua’n a.

SAM 37:33

Lalpa‘n a khut in nusia pua’n tin, vai a hawm tak leh le thiamlo chansak phal pua’n a.

SAM 4:3

Himaleh, Lalpa‘n mi ginum chu ama â dingin, a koichuam sek hi ti he tau in; Lalpa‘n ka ko phat leh ei ngaitha sek hi.

THUPILTE 12:13

Thil phalo bawlte chu a kigen awk sek un; midik vang chu buaina lak ah kipat in a kigendok sek hi.

THUPILTE 16:4

Lalpa‘n thil zosia hi panna nei chiat dingin a la siam ah; migilo natiangle ni phalo hun â dingin a la siam ahi.

MATTHAI 10:15

Titakzet in ka hil la hiu, vaihawm ni ah chun, zia khawte sâng ah chun Sodom leh Gomorrah thok ding chu nêp zaw’n a.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

1 KORINTH 10:13

Mitin chung ah patepna vântâng tilo la chung un patepna a tung kha puai. Pathian chu a ginum in, la zaw khêl uh chetna la chung un tunsak pua’n a; la thokzawna ding un chetna tawh kigual in taidawna lampi hun bawl piak in a.

2 TIMOTHI 3:12

Ahi, kuale Khrista Jesu ah Pathian ngaisak ah um gaw tapo chu, sukgenthei hiding a hiu.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.

JUDA 1:6

Chuleh, vansawlchâkte, amau hi’na zui lo ah, a umna mun uh nusiate chu, ni lopi ah vaihawmna â dingin thim nuai ah kumtuang kolbul in hensa’n a koihe tai.

THUPUAN 3:10

Ka thu, thok gunchuna chu la vop zing ziakin, khawvel ah mi zosia patepna hung tung ding ah hin, patep ah la um phât leh keima’nle hun humbit ding ka hi.

1 SAMUEL 29:10

Tu’hin, jingkal ma tak in tho unla, nang tawh la kitonpi la lalpa suakte cheng hi, la umna ding ua ka hun guat piakna mun lam in a la chia kit ziang tau in. Thu phalo kigen haw hi bangma’n ngai kin, ka mit mu in dik tak ah um la hi’ngâl a. Jingkal matak in kipandok unla, khawvak la muthei phat ua leh kipandok ziang un,” a tia.