2 PETER 2:6 - PATHIAN LEKHABU THIANGTHO (BSI)

⁶ Sodom leh Gomorrah te chu ama ngaisak lo hung um kit dingte etsakna dingin thiamlo a chansak ah, vaivut suaksak in a hi’mangthai tai.

2 PETER 2:6 ပူးပေါင်းရင်းမြစ်များ

THILSIAM THU 19:28

Sodom leh Gomorrah lam leh phâicham gam zosia chu a vak thîl ah; chuleh, zia gam ah meikhu chu hâltuina meikhu gual in a kitung to vung vung ziang tai.

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 13:19

Chuleh, Babulon, lenggamte lopina leh, Kaldaite kisuanpi lopina chu, Pathian in Sodom leh Gomorrah, a paithâk gual ah khan hung um ta’n a.

JEREMIAH 50:40

Pathian in Sodom leh Gomorrah leh a kîmvêl ah khuate a suksiat gual ah khan, zia khua chun kuama chêng ta pua’n tiu in, kuama’n chênna’n siam kit ta pua’n au, Lalpa‘n a tii.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.

ZEPHANIAH 2:9

Ziaziakchun, Israelte Pathian, sepai honte Lalpa chun: Moab chu Sodom gual in, Ammon chu Gomorrah gual in bawl ing ka tin, ham lingnei ke’na leh chi khûk, kumtuang ah mat tâk lo gam suak ta’n a. Ka mipite lak ah a umsun te’n suam intiu in, ka mi a um nalaite chun lua ta’n au.

KISIMNA LEKHABU 16:38

Zia gimtui hâlna kuangchate hi amau hinna tawh kitheng ta ahiziak in a thiangtho ta’ngâl a. Lalpa âng ah a la lat thiantho uh ahi tâk ziakin, mâichâm chungkhû dingin sêk in; tichun, Israelte â ding ah tepte’na hizing ta’n a, a tia.

KISIMNA LEKHABU 26:10

lei in a kam a kâ, Korah tawh a lawite zosia a val khawm ah, van ah kipat ah meikuang hung ketha’n amau lawi mi za ni leh sawmnga a katlumpite ma ma kha a hiu a; tichun, amau chu midang kihilna’n a pang tau a.

MATTHAI 10:15

Titakzet in ka hil la hiu, vaihawm ni ah chun, zia khawte sâng ah chun Sodom leh Gomorrah thok ding chu nêp zaw’n a.

MATTHAI 11:23

Aleh, nang Kapernaum, van chan ah choisa’n ding ah kingai la hem? Mithi khua tiang ah nawthâk ah um zaw ding la hi. La sung ah thilmak kibawlte kha Sodom khua a la kibawl hita leh, tuni tiang hinle ala um nalai kha ding uh hiven!

ROMTE 9:29

Chuleh, Isai ma ma chun, “Sepaite Lalpa chun ei suan ding ei la khêk piak lo leh chu, Sodom khua gual in um tai tiu in, Gomorrah gual ah bawl in um tai tiu,” ti ah a la genlawk gual khan.

1 KORINTH 10:11

Zia thilte chu etsakna ding ah a chung ua tung ahi; eihaw hun nunung ah umte ei hilna ding ah kizik ahi.

DAN LEKHABU 29:23

Lalpa‘n a lungnat lai tak ah Sodom leh Gomorrah, Admah leh Zeboim te, a gam pumpi ah mei leh kât ah a hâltum ah, chisuang, meisuang leh suanggial ah dim, bangma ke’daw theilona mun ah a hisiat dante a mu phât uh leh,

HEBRAITE 4:11

Ziaziakchun, zia cholna chu lut dingin phatchuamngai tak in sêmgim hitiu; chutilochun, a ginlo ziak ua pûkte gual ah khan, kua a hem a la pûk kha’n lau.

JUDA 1:15

mi zosia chung ah vaihawm intin, mi zosia’n Pathian ngaisak lo tak ah, Pathian ngaisak lona thil a bawl zosiau leh, migilo, Pathian ngaisaklote’n a chung ah khau tak ah a gen zosiau mawchansak in a,” ti in.

JUDA 1:7

Zia gual ma chun, Sodom leh Gomorrah leh a kîmvêl ah khuate tawh, buakna ah kipumpiak ah, hûkna vâl talua a del tâk ziak un, kumtuang mei ah phuba lâk ah um in, khang kihilna a umdan uh kha hezing un.