2 PETER 2:4 - PATHIAN LEKHABU THIANGTHO (BSI)

⁴ Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.

2 PETER 2:4 ပူးပေါင်းရင်းမြစ်များ

JOB LEKHABU 21:30

Mi nunsiate chu siatna ni khoikhâk lo ah um in, lungnatna ni’ hukdaw ahi ngai awm?

JOB LEKHABU 4:18

A suakte natiangle a muang zo pua’n, a vansawlchâkte diklona nasan a mu sek in;

SAM 78:50

A lungnatna â dingin lampi a bawl piak ah; a hinnau chu thi’na lak ah kipat in a humbit pua’n; a hinnau chu hipi kiang in a pia zaw tai.

ISAI 14:12

Aw jingsol, phalvak chapa, bangtidan ah van ah kipat hung ketha ziang la hem! Nang, namtin kiakniamsakpa, bangtidan ah lei tual chan ah, phûk pâi ah hung um ziang la hi tam!

EZEKIEL 5:11

Ziaziakchun, Lalpa Pathian in, ama kiminlaw in, “Ki’dak la umnau zosia leh, la polchenau zosia ah ka mun thiangtho la sukbuak zaw tâk ziak un, hun dangdâk ding ka hi; ka mit inle hun en pua’ng ka tin, daidawp talo ding ka hi.

EZEKIEL 7:4

Ka mit in hun hawi pua’n tin, khawtuana hun nei lo ding ka hi. La umdan dungzui in hun gawt ding ka hi’n, la ki’dak umna zosiau la lak un a umzing ngal a. Ziaphat chuleh, kei hi Lalpa ka hi ti hun he ta’n lau.

EZEKIEL 7:9

Ka mit in hun hawi pua’n tin, hun daidawp pua’ng ka. La umdan dungzui un hun gawt ding ka hi’n, la ki’dak umnau la chung un a umzing ngal a. Ziaphat chuleh, a hun bawl genthei chu, keima Lalpa ka hi ti hun he ta’n lau.

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

MATTHAI 8:29

Amau chun, “Pathian Chapa, kei uh bang ei law gua hung la hem? Huntiam tunma’ ei soisak gua la hem?” ti’n a kiko tau a.

MARKA 5:7

“Tichun, aw ngai tak in a hung kiko a; Jesu, Chungnung pen Pathian Chapa, bang ei law ding ah hung la hem? Ei sawisa lo ham ham dingin Pathian min in ka don la hi,” a tia.

LUKA 10:18

Himaleh, ama’n a kiang un, “Setan van ah kipat kawlphe gual ah hung ketha ka mui.

LUKA 8:31

Amau chun kawkhûk mong bei ah sawl lut lo dingin a don tau a.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

ROMTE 11:21

Pathian chun a bâk takte bawn a hoi lo chun, la kivên phat lo leh nang le hun hawi diak pua’n a.

ROMTE 8:32

Ama Chapa hial bawn hawi lo ah, I leng ua thasâng ah hun pepa chun, thildang zosia le a thawn in ei pelo ding a hem?

DAN LEKHABU 29:20

Lalpa‘n mawk ngaidam ziang nuam pua’n tin, zia gual ah ngaituate chung ah chun Lalpa lungnatna puangjak kha’n a. Zia lekhabu ah sapsiatna kigen zosia hi a chung un tung intin; a min uh Lalpa‘n van nuai ah thaimang mai ding ahi.

2 PETER 2:11

Vansawlchâk, hatna leh thilhitheina nei zaw te’n bawn, Lalpa ma’n ziate chu a gensia ngai puau hi.

2 PETER 2:5

Chuleh, ama ngaisaklote umna khawvel ah khan tui a lêtsak ah, malai khawvel chu a hawi pua’n; ahi’n la, dikna thugenpa Noah kha midang pasagi tawh a hukhing hi.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

JUDA 1:13

tuisuagiat kinawk phuan gual ah amau mualphona kilang leh, kumtuang ah thim nuai ah um ding ah kikhêk aksi sawmlêngte gual a hiu hi.

JUDA 1:6

Chuleh, vansawlchâkte, amau hi’na zui lo ah, a umna mun uh nusiate chu, ni lopi ah vaihawmna â dingin thim nuai ah kumtuang kolbul in hensa’n a koihe tai.

THUPUAN 20:10

Amau thêm zotu Diabol chu, sahâng leh jawlnei lêm a pailutnau mei leh kât ah kang meidil ah chun a pai lut tau a: Zia tak ah chun kumtuang in gim thuak in um ta’n au.