2 PETER 2:3 - PATHIAN LEKHABU THIANGTHO (BSI)

³ Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

2 PETER 2:3 ပူးပေါင်းရင်းမြစ်များ

JOB LEKHABU 6:27

Nauchagate chung ah âi la sân un, la gualteu lak nasan ah lawkna la hawl ui.

SAM 18:44

Ei het phat uh leh ka thu a ngai un; gamdang mite chu ka kiang ah kitulut dingin a hung tau hi.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

SAM 81:15

Lalpa hawte chu amau lau in kûn in au; a siatnau chun vang kumtuang dai ding ahi tai.

ISAI 5:19

“Hung kinaw hen la, a bawl ding chu hun bawl kin hen la, vak kimu ngal leh aw! Israel Mithiangtho chu I hettheina ding un, a thil guanggal chu hun bawl zo kin leh,” tite haw, la chung uh a gik hi!

ISAI 56:11

Uicha chu a gawlsan un, vâ chintawk a nei puau hi. Belampute’nle hiatthiamna a nei puau in; a leng un amau lawkna ding bep ngaitua in, amau lampi chiat a zui zo tau hi.

ISAI 60:22

A lak ua tawm pen chule, phungting hung suak intiu in, a neupente chule, nam hat tak hung suak ta’n au; Keima hi Lalpa chu ka hi; a hun chet chet in hun bawl ding ka hi’ngal a.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

EZEKIEL 13:19

Ka mipite lak ah barli bu khutdim khat leh an kam khat ah ei zuak thanghuai ah, zuau ah ka mipite la them zo un, a hing dingte that ah, a thidingte la hawi ui.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

HABAKKUK 3:3

Teman gam ah pat in Pathian a hung in, Paran tâng ah kipat in Mithiangtho chu a hung hi. (Selah) A lopina’n vante khi a tuam in, a pâkna aw’n lei chung a dim hi.

MALAKI 1:10

Nanghaw lak ah mi pakhat bêk ka mâichâm ah a thawn mai ah mei sêm ahilo’na ding ah, ka tempul kotkhak vakhâk ding um maileu chin aw! La chung ua kipakna him ka nei pua’n, la khut ua kipat thillat chu pom him him pua’ng ka, sepai honte Lalpa chun a ti ahi.

MATTHAI 23:14

Nanghaw, lekhazikte leh Pharisai miphalêmte haw, la chung uh a gik hi! Meithâite la ne gam un, mi thepna’n sawt tak tak la pauchap sek ui; ziaziakchun, demna nasa zaw diak la chung un tung in a.

LUKA 18:8

Ka hil la hiu, a kin thei pen in phuba chu lâkpiak in a. Banghileh le, Mihing Chapa a hung kit phat leh lei ah hin mi ginum a hun mu’na diam?” a tia.

LUKA 20:20

Tichun, ama chu gam-ukpa vaihawmna thu leh, thuneina hêk ah a um theina dingin, a chânggu zing tau ah; a hêk theina thu he dingin mi pha gual ah kisiam mi a sawl tau hi.

LUKA 22:47

Zia thute chu a la gen zing lai in, Juda kiti, sawm leh nite lak ah pakhat khan mipi a hun pui a. Ama chun Jesu chu chawp ding gua’n a hun nai a.

JOHAN 2:16

Vapâl zuakte kiang ah chun, “Zia thilte haw hi ladok sik sek un; ka pa In sumkawlveina’n mang kiu in,” a tia.

ROMTE 16:18

Zia gual mite chun I Lalpau Khrista na chu a sêm puau in, amau gilpi na bep a sêm zawu hi; a kamthiam uh leh pâkchâkna thuteu chun, mi mawlte chu a thêm sek ui.

2 KORINTH 2:17

Mi tam tak in, Pathian thu chu mite thêm ah sumdawnna a mat gual un, kei un vang ka mang puau a; titak zet in, Pathian sawl ah Pathian mitmu in, Khrista ah chun ka gen zawu ahi.

DAN LEKHABU 24:17

Gamdang mite leh nauchagate chung thu diklo tak ah vai la hawm piak lo ding uh ahi; meithâi sil leh chên le banda la lâkpiak lo ding uh ahi.

DAN LEKHABU 32:35

A kalsuan uh a tawnâl phat uh leh, phuba lâkna leh dit kitna chu kei â ahi; a buaina ni ding uh a nai ta’n, a chung ua siatna kin tak in tung ding ahi.

1 THESSALONITE 2:5

Bangtik lai inle kimaichang phatna thu a hem, huaihapna dawha a hem ka mang ngai puau hi ti la hiau a, Pathian chu ei hiatpipa ahi.

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.

1 TIMOTHI 3:3

zudawn mi hilo, khutthâk chîng lo ah mi nunnem hizaw, kinak chîng lo leh dangka ngaina lo ahi ding ahi.

1 TIMOTHI 3:8

Zia gual ma chun kochuam ah hotu dingte chu mi titak ahi diu ahi; mi kam tam, zudu, dangka huaihap hi kiu hen.

1 TIMOTHI 6:5

ngaituana gilo leh thutak neilo mite lak ah chun kinialnate a um sek ah, amau chun Pathian ngaisak hi lawkna ding bep in a ngaituau hi.

TITA 1:11

Zia gual mite chun lawkna dik lo ngaitua in, thu hilo lo gen in mi a Inkuan kuan in a susia sek ua, ziate chu a kam uh huk piak ding a hiu.

TITA 1:7

kochuam hotu chu Pathian sum enkoltu ahiziak in, dem kâi lo ahi ding a hia; ama thu bep dawi hilo, lungna vak lo, zu dawn chîng lo, khut tha pai ziang lo, diklo tak ah lawkna hawl lo;

1 PETER 2:8

Chuleh, “Zia suang chu a kipalnau leh, a kipûknau suangpi a hung suak tai”. Thu chu a matlo ziak un, a kipalpâi tau hi; zia gual ding mawng ah chu guat a la hi tangal a.

1 PETER 5:2

La khut ua vopsak ah um, Pathian belam hon chu chingtup un; hi’ ding a hiziak bep hilo in, Pathian thu gual ah thanuam tak zaw’n, lawkna hawl ziak le hilo in, lungthim ah dawi tak zaw’n,

2 PETER 1:16

I Lalpau Jesu Khrista thilhitheina leh a hungna thu ka hun hil lai un, tuanthu pil tak ah ngaitua dawte mai zui ka hi puau ah, a lopina mutute ka hi zawu hi.

2 PETER 2:1

Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

JUDA 1:11

A chung uh a gik hi! Kaina lampi a zui un, lawkna del ah Balaam dik lona chun ha’tai in a tai un; Korah helna chun a mangthai khawm tau hi.

JUDA 1:15

mi zosia chung ah vaihawm intin, mi zosia’n Pathian ngaisak lo tak ah, Pathian ngaisak lona thil a bawl zosiau leh, migilo, Pathian ngaisaklote’n a chung ah khau tak ah a gen zosiau mawchansak in a,” ti in.

JUDA 1:16

Ziate hi mi phunchiak leh lungawi theilote a hiu ah; a hûkna gual un a um un; thu lopi takte gen in, a lawkna ding un mite a pakcha sek uh ahi.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

JUDA 1:7

Zia gual ma chun, Sodom leh Gomorrah leh a kîmvêl ah khuate tawh, buakna ah kipumpiak ah, hûkna vâl talua a del tâk ziak un, kumtuang mei ah phuba lâk ah um in, khang kihilna a umdan uh kha hezing un.