2 PETER 2:20 - PATHIAN LEKHABU THIANGTHO (BSI)

²⁰ Lalpa leh Hukdampa Jesu Khrista a het ziak ua khawvel buaknate a taisan nung un, zia ma chun a kihên awk kit ua, thatzaw ah um kit in, a umdan nunung uh chu a masa sâng in a sia zaw tai:

2 PETER 2:20 ပူးပေါင်းရင်းမြစ်များ

EZEKIEL 33:13

Chuleh, midikte kiang ah hing ngei ding la hi ka ti ah, amau dikna kisuanpi ziakin diklo tak in bawl kit taleu, a thil bawl phat zosiau kha, khat chale hetzing in um ta pua’n ah; ahi’n, a thil bawlkhialnau ziak chun a thi diu ahi.

THIAMPUTE LEKHABU 13:20

Thiampu’n a la endik intin, a natna chu a sung lut ah, a mul le vâm ding kisa a kilat chun, thiampu’n a thianglo ahi ti a puan ding ahi; zia chu phâk chi khat uilut ah hung kisiam ahi.

THIAMPUTE LEKHABU 13:55

A puan sawpsa chu thiampu’n endik intin, hivei kilat dan chu a kithen lo ah, a hik chu kichawn lo maleh a thianglo ahi’n, mei ah hâl ding ahi: a sunglam hin a pawlam hiziang leh le, phâk hik sunglut ahi.

THIAMPUTE LEKHABU 14:43

Suang chu lâkdaw ahi ah, In chu jutbit kit ahi’nung ah le hî chu a hung kilat kit tei tei chun,

KISIMNA LEKHABU 24:20

Chuleh, Amalekte lam a vak nga’n, a chungthuu zia gual hin a hun gendok a: “Amalekte hi nam zosia lak ah hatpen a hiu; himaleh, a tawp lam leh hisiat dim dem hi’n a,” ti in.

DAN LEKHABU 32:29

Pilna nei hileu vang, zia hi hechian ta’n au; bang gual ah hung tawp ding a hem, ti ngaitua ta’n au.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

2 TIMOTHI 2:4

Sepai kuama’n dam sung khawsaknate ah hin a kisubuai ngai puai; sepai ding ah têl hotupa kipaksak ding bep chu a tup sek hi.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.

2 PETER 1:2

Pathian leh I Lalpau Jesu Khrista hetna ah chun, la chung un hepina leh chamna hi’pun in um ta hen.

2 PETER 1:3

Ama lopina leh phatna ah ei kopa, a chanchin het ziakin Pathian thilhitheina’n hinna leh Pathian ngaisakna lam thu ah thil zosia ei pia ta ahi.

2 PETER 1:4

Ziate ziak ah chun a thutiam lûl leh lopi takte chu ei pia’n; chutichun, nopna ziak ah khawvel ah siatna hung um hi taisan in, zia thutep lûl leh lopi takte ziak ah chun, Pathian nunchan kikoppi thei in lau.

2 PETER 1:8

Ziate chu nang uh â ahi ah, la lak ua a khan zing chun, I Lalpa Jesu Khrista hetna lam in phachuam lo leh ga bei in hun koi lo ding ahi.

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.