2 PETER 2:14 - PATHIAN LEKHABU THIANGTHO (BSI)

¹⁴ A mit uh ângkawmna dim, gitlona haisan theilote a hiu a; mi detlote a thêm pûk ua; ênna lungthim a puu ah; hânsia law chate a hiu hi.

2 PETER 2:14 ပူးပေါင်းရင်းမြစ်များ

JOB LEKHABU 31:7

Lampi nusia ah pêt mang hin, ka mit in a mu taphot ah lunggel mai a la hi’n, ka khut nasep ah demkâi a la hita leng,

JOB LEKHABU 31:9

Ka lunggil hi numei in a hipmang ah, ka Invengte kotkhak bul ah, mi châng ah a la pang kha, ka hi chun vâng,

THUPILTE 5:6

Hinna lampi a mansua in, a lampite chu a zuikhial ta’n; maleh, ama’n zia chu a hepuai.

THUPILTE 6:25

La lung in a mêl hoina chu tha lâ kin la, a mittêt hawina’n hun hîp in, hun man ki’hen;

ISAI 1:16

Kisil unla, kisil thiang un; ka mit mu ah kipat la thil phalo bawl uh lamang un; thil phalo bawl hâi unla,

ISAI 34:5

Ka chemjam in van ah thil umte, a dawn kham tâk ziakin, ngai un, Edom tawh siatna tuak khawm ding ah tiam ah um, mipite chung ah vaihawm dingin, hung kuan suk ding ahi.

ISAI 65:20

A sung ah chun nausen a ni ah sim bep dam um ta pua’n tin; chuleh, teksia a dam kum ding ting lo le um diak pua’n a; kum za khat dam chu nausen lamjul ah thi gual hi’ntin, kum za khat ting lo ah thi chu, migilo ka hânsialaw ziak ah thi hi’n a.

JEREMIAH 13:23

Ethiopia mi chun a vun uh theng in, gialbem inle a ziau a theng thei awm? Chuti ahileh, nanghaw thil phalo bawl zongsakte hinle, thil pha bawl thei tho ding la hiu chulam.

EZEKIEL 13:18

a kiang un, Lalpa Pathian in zia gual hin a gen hi: Mihingte a thuzaw’na ding uh matchâk, khutngawng ah bû ding leh, luchang ah khuk ding bawl piak numeite chung a gik hi! Ka mipite hinna la hisiat nung un, nuam tak ah um dingin la kigingchau ah a hem?

MATTHAI 12:34

Nanghaw migilo gûl suante haw, bangti’n thu pha genthei ding la hiu em? Lungthim ah dimlêt chu kam in a gen sek ngal a.

MATTHAI 23:14

Nanghaw, lekhazikte leh Pharisai miphalêmte haw, la chung uh a gik hi! Meithâite la ne gam un, mi thepna’n sawt tak tak la pauchap sek ui; ziaziakchun, demna nasa zaw diak la chung un tung in a.

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

MATTHAI 5:28

Kei vang in, kuale numei tatsiatpi ding et ah en tapo chun, a lungthim in a ângkawm zo ahi tai ti ka hil la hiu.

MARKA 13:22

Messiah lêmte leh jawlnei lêmte chu hung um intiu in, tepte’na leh thilmak lamdang tak tak hun mu sak intiu in, thei vang leh teldawte natiangle thep zaw gaw ding a hiu.

JOHAN 5:44

Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

ROMTE 16:18

Zia gual mite chun I Lalpau Khrista na chu a sêm puau in, amau gilpi na bep a sêm zawu hi; a kamthiam uh leh pâkchâkna thuteu chun, mi mawlte chu a thêm sek ui.

1 KORINTH 11:19

La lak ua a tak takte a kilat theina dingin, kikhenna le a um ding him ahi.

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

KOLOSSA 2:18

Kuama’n amau doilam thu bep ah kingainiam leh, vansawlchâkte biakna’n la kipakman uh hun lâkpiak kiu hen, a thil mu teu chu pansan in a taksa lam lungthim ua kisathei in,

JAKOB 1:8

ama chu lungthim thua nei, a thil hi zosia ah det lo ahi ngal a.

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

2 PETER 3:16

A lekhathot zosia’n zia thute hi a gen hi. Ziate ah chun thu het haksate a um ah, ziate chu mi mawl leh detlote’n, Pathian Lekhathu dang a heikawi gual un a heikawi ua, a kisuksiat khawlaw sek ui.

1 JOHAN 2:16

Khawvel ah thil um zosia, taksa nopnate, mit ah mu nopnate leh hausakna ki-uanpinate hi Pa ah kipat a hipua’n, khawvel ah kipat ahi zaw ngal a.

JUDA 1:11

A chung uh a gik hi! Kaina lampi a zui un, lawkna del ah Balaam dik lona chun ha’tai in a tai un; Korah helna chun a mangthai khawm tau hi.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.