2 PETER 2:10 - PATHIAN LEKHABU THIANGTHO (BSI)

¹⁰ Taksa nopna buak zui leh vaihawmna simmawte chu koidan a he diak hi. Ngolhân leh chapo a hiu a, vansawlchâkte a gensiat unle a kithing puau hi.

2 PETER 2:10 ပူးပေါင်းရင်းမြစ်များ

THILSIAM THU 49:6

A vaihawmnau ah chun ka thagau le vapang ngai pua’n tin; a kipawl khawmna lak unle vapang pua’ng ka, a lung uh a nat in mihing a that un, kihelna’n bawngchal zagui a sâttan un.

2 SAMUEL 20:1

Zia lai chun, Benjamin phung ah mi Bikhri chapa, mi dukdak lo Sheba kiti hi a um in. Ama chun pengkul a mut ah, zia gual hin tâng a sam ta’n: “David ah hin bangma chan I nei puau hi, Jesse chapa ah hin chanvo I nei puau hi! Aw Israelte haw, la puan In lam chiat un chia tau in!” ti’n tâng a sam tai.

1 LENGTE 12:16

Israelte zosia chun lengpa’n amau a ngaisak puai ti a het phat un, mipite chun lengpa kiang in, “David ah pat bang chan I nei ua a hem? Jesse chapa ah gochan bangma I nei puau hi. Aw Israelte haw, la puanbûk lam un chia kit tau in! Aw David, la Inkuan ki-etphat mai in,” ti’n a dawnhu tau a. Tichun, Israelte chu a puanbûk lam chiat un a kihemdok zo tau hi.

SAM 12:4

“Ka kam un gual zo ing ka tiu in, I mukteu hi eimau â ngei ahi, kua a hem I chung ua thunei um?” a ti sek ui.

PAWTDAWNA THU 22:28

Pathian gensia kin la, la mipite lak ah puitute le hosia kin.

THUGENTU 10:20

Leng chu la lungthim ziang inle hânsia law kin; la lupna pindan sung inle mi hausa chu hânsia law kin; la thugen chu chunglêng vacha khat to inle, vatutsawn thei intin; tha nei ganhing dang khat inle, valawt tua thei ahi ngal a.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

KISIMNA LEKHABU 15:30

Ahi’n la, a tup mawng ah thil bawl khial taphot chu, a gam sung mi hi hen la, gam dang mi a chêngdente lak ah kua hiziang taleh, Lalpa chung ah gilo ahi tâk ziak un, a chipite lak ah kipat paithâk ngâl ding ahi.

LUKA 11:25

a hung kit leh, phiat thiansa leh siamtupsa’n a mu ta’n.

LUKA 19:14

Himaleh, a gam mite chun ama chu a mu nuam puau ah, a chia nung ah chun palai a sawl zui un, ‘Zia pa hi ka chung ua vaihawm dingin ka doi puau hi,’ a tiu a.

NASEPTE 23:5

Paul chun, “Suapite haw, thiampu lianpen ahi lam ka he pua ahi; ‘La chipite hotu chung ah thu phalo gen kin,’ ti zik ahi ngal a,” a tia.

ROMTE 8:1

Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

1 KORINTH 6:9

Aleh, midiklote chun Pathian gam lua pua’n au, ti la hepuau ah a hem? Thep zaw in um kiu in! Mi thanghuaite, milim ho-te, ângkawmte, mihukte,

2 KORINTH 10:3

Taksa ah um himaleu hin, taksa galdo gual in I do puau hi.

EPHESA 4:19

Amau chun kihiatdaw theina nei talo in, hûkna chun a kipumpiak tau ah, buakna chitin chu du-âm tak in a bawl tau hi.

EPHESA 5:5

Mi hûkte, mi buakte, mi du-âm leh milim ho-te haw hin, Khrista leh Pathian gam ah chun chan him him a nei puau hi, ti he tau in.

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)

1 THESSALONITE 4:7

A buak dingin Pathian in ei ko pua’n, thiangtho dingin ei ko zaw ahi.

2 TIMOTHI 3:2

Mite chu, ama bep kihepite, dangka ngainate, kiphatsakte, lochalte, mi hosiat chîngte, nu leh pa thumanglote, kipakna châng helote, thiangtholote,

TITA 1:7

kochuam hotu chu Pathian sum enkoltu ahiziak in, dem kâi lo ahi ding a hia; ama thu bep dawi hilo, lungna vak lo, zu dawn chîng lo, khut tha pai ziang lo, diklo tak ah lawkna hawl lo;

HEBRAITE 13:4

Mi zosia’n kichenna hi jau hen la, jalkhun le sukbuak hi ki’hen; tasualte leh ângkawmte chu Pathian in vaihawm piak ding ahi.

2 PETER 3:3

Zia hi he masau in: Ninunung lam leh mi simmaw hâtte chu amau nopna dungzui in simmaw ah ho kawm in hung intiu in:

JUDA 1:10

Ahi’n la, zia mite hin chu a het lo taphot uh a gensiau ah, ngaituana nei lo ganchate gual ah hetna pianpi a neiteu chun a susia sek uh ahi.

JUDA 1:16

Ziate hi mi phunchiak leh lungawi theilote a hiu ah; a hûkna gual un a um un; thu lopi takte gen in, a lawkna ding un mite a pakcha sek uh ahi.

JUDA 1:18

“Hun nunung ah chun Pathian ngaisak lo lam ah a nopna gual gual ua um ziang, nuisan hatte hung um in au,” ti’n la kiang un a gen tangal un.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

1 SAMUEL 10:27

Himaleh, michavai khenkhatte chun, “Zia mi phiangsan hin bang ei ti humbit ding a hem?” a tiu a. Ama chu a musit bêk ziak un thilpiak bangmale a pia puau a. Himaleh, ama chun a limsak puai. Zia lai ah chun Nahash, Ammonte lengpa chun Gadte leh Reubente chu a la sugenthei ma ma ah. A changlam mitteu a kheldaw piak ah, Israelte hukdaw ah a um ding uh a phal puai. Jordan luigâl ah Israel mi, Ammon lengpa Nahash in a mit uh a kheldaw piak lo pakhatle a um ta puau a. Himaleh, Ammonte khut ah kipat suakcha, pawsal sang sagi zet chu Jabesh-gilead a hung tung tau hi.