2 PETER 2:1 - PATHIAN LEKHABU THIANGTHO (BSI)

¹ Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a.

2 PETER 2:1 ပူးပေါင်းရင်းမြစ်များ

1 LENGTE 22:6

Ziaphatchun, Israelte lengpa chun jawlneite zosia a ko khawm ah, za li vel a hiu ah; a kiang un, “Ramoth-gilead ah galdo dingin kuan to ding ka hem, ahiloleh, kuan da mai ding ka hem?” ti’n a gen a. Amau chun, “Kuan to in; zia chu Lalpa‘n lengpa khut ah hun pia ding ahi,” a tiu a.

PAWTDAWNA THU 15:16

Aw Lalpa, la mipite a gâlkâi ma siau, la chawk dawsa la mipite zosia chu a gâlkâi ma siau in, launa leh tizatna a chung un a chu ta’n, la bân thahâtna ziakin, amau chu suangtum gual in a thip tau hi.

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

JEREMIAH 29:21

Sepai honte Lalpa, Israelte Pathian in, Kolaiah chapa Ahab tawh, Maaseiah chapa Zedekiah, ka min ah zuau thu la kiang ua hung gen teni chungchâng kha zia gual hin a gen hi: Amau teni hi Babulon Lengpa Nebukadnezar khut ah pedok ing ka tin, la mit mu ngei un that ding ahi.

JEREMIAH 37:19

Babulon lengpa chu nang do ding leh, zia gam hi do dingin hung talojen in a, ti sek, la jawlneite chu khoi ah um zo a hitau em?

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

KÂ LATE 2:14

La jawlneiteu in la chung ua, thil tung ding a diklo leh, kithepnate bep a mulawk un; khawnung ah tundin kit, la hitheina ding un, la mantheilonau mulo in, nanghaw puimang thei thu diklo bep, a mu zawu tau a.

HOSEA 9:8

Jawlnei chu ka Pathian â dingin, Ephraim chung ah gâlvengpa ahi; tichun, a lampi zosia ah chun, thângkamte thâng a um in, a Pathian In ah chun kihuatna a um hi.

MIKAH 2:11

Mumal lo leh diklo tak ah: “Uain thu leh khamthei thu la kiang ah hun hil ding ka hi,” ti ah min zuau a hun gen ua leh, ziate chu zia mite â ding bep ah chun, a thugentuu hiding ahi.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

MIKAH 3:5

A kam ua nêk ding a um lai sia, “Muanna,” ti ah kiko ah, a kam ua nêk ding hun koilote chu, do ding ah kisa ziang sek, ka mipite pui kawi bep jawlneite kiang ah chun, Lalpazia gual hin thu a gen hi.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MATTHAI 10:33

himaleh, kuale mite ma ah ei kilepsan tapo chu, ka Pa van ah um ma ah ke’n le kilepsan ing ka.

MATTHAI 24:11

Jawlnei lêm tam tak hung pawt in, mi tam tak hun thêm zo in au.

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

MATTHAI 24:5

Ka min in mi tam tak in, Khrista chu ka hi, ti’n mi tam tak hun pui mang intin uh.

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

MARKA 13:22

Messiah lêmte leh jawlnei lêmte chu hung um intiu in, tepte’na leh thilmak lamdang tak tak hun mu sak intiu in, thei vang leh teldawte natiangle thep zaw gaw ding a hiu.

LUKA 12:9

Himaleh, mite ma ah ei kilepsan chu, Pathian vansawlchâkte ma ah kilepsan ah um ding a hiu.

LUKA 21:8

Ama chun, “Thepzaw ah la um lona ding un chingthei un. Mi tam tak ka min in hung intiu in, ‘Ama chu ka hi,’ a hun ti ding hun uh a nai tai. Zia gual mite chu zui kiu in.

LUKA 6:26

Min a hun gen phat tak ua leh la chung uh a gik hi! Zia gual ah chun la pi leh puteu inle jawlnei lêmte kha a la bawl uh ahi kha, a tia.

ROMTE 16:18

Zia gual mite chun I Lalpau Khrista na chu a sêm puau in, amau gilpi na bep a sêm zawu hi; a kamthiam uh leh pâkchâkna thuteu chun, mi mawlte chu a thêm sek ui.

1 KORINTH 11:19

La lak ua a tak takte a kilat theina dingin, kikhenna le a um ding him ahi.

1 KORINTH 6:20

Man piak ah chawksa la hitau hi; ziaziakchun, la taksau ah chun Pathian chawihoi tau in.

1 KORINTH 7:23

Man piak ah chawksa la hitau hi; mihing suak in lut kit ta kiu in.

GALATIA 2:4

Zia chu unau tak lo, a gûk ah pui lût ah umte suak ah ei lutsak theina ding ua, Khrista Jesu ah thawvenna I nei uh entha ding ah hung lutte ziakin ahi.

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

GALATIA 4:17

A pha lam hilo in, phatchuamngai tak in a hun hawldok sek ua; nang un amau la hawl theina ding un nang uh chu pawlam ah khak khum ding a guat uh ahi.

GALATIA 5:20

milim biakna, dawi mang ah nasepna, huatna, kinakna, thangsiatna, lungnatna, kilanna, umchuamna, gindan chuamna;

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

KOLOSSA 2:18

Kuama’n amau doilam thu bep ah kingainiam leh, vansawlchâkte biakna’n la kipakman uh hun lâkpiak kiu hen, a thil mu teu chu pansan in a taksa lam lungthim ua kisathei in,

KOLOSSA 2:8

Chingthei tau in, chutilochun, kua’nle Khrista thu lo gual in, mihingte thugosia leh khawvel thubulte gual in, a thupilteu leh thepna mai mai un gâllâk in hun la kha’n au.

1 TIMOTHI 5:8

Chuleh, kua’nle a chanaute leh a diak ah ama Insung mite nêk ding a ngaitua piak lo chun, ginna chu a phatsan ta’n, ginglo mi sâng ah gilo zaw ahi.

2 TIMOTHI 4:3

Mite’n thuhilna dik a ngaithâk peilo hun uh hung tung ding ahi ngal a; a nakhangteu a zat ziakin amau nopna tawh kituakte gen dingin, thuhil dingte kichom khawm ding a hiu;

TITA 1:11

Zia gual mite chun lawkna dik lo ngaitua in, thu hilo lo gen in mi a Inkuan kuan in a susia sek ua, ziate chu a kam uh huk piak ding a hiu.

TITA 3:10

Gindan diklo mi chu khatvei nivei la hil nung in limsak ta kin.

HEBRAITE 10:29

Pathian Chapa tawden ah, ama sukthianna thuthung thisan chu bangmalo ah ngai ah, hepina Thagau sunuakte chu, bang gual tak ah gawtna nasa zaw thuak tâk in la ngai awm?

1 PETER 1:8

Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

1 JOHAN 2:26

Nangmau hun pui mang gawte umdan chu la kiang un ka hun zik a hi.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

JUDA 1:18

“Hun nunung ah chun Pathian ngaisak lo lam ah a nopna gual gual ua um ziang, nuisan hatte hung um in au,” ti’n la kiang un a gen tangal un.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

THUPUAN 13:14

Sahâng mit mu ah thilmak hi’theina ama piak ahi dungzui in, lei ah umte chu a thêm zo a; lei ah umte kiang in chemjam ah sat liam, dam kit ta, sahâng lim chu siam dingin thu a pia’n.

THUPUAN 2:13

La thil hi zosia leh la chênna munte, chuleh, Setan chutpha umna natiang ka hia’i; ka min chu det tak in la vop zing a, Antipas hun lai ah ka palai ginum, Setan chênna la lak ua a tha lai khan le, keima lei ginna chu la haisan diak puai.

THUPUAN 2:9

La thil hi dante, la genthei dante leh la vaichâk dante (ahi’n la, la hausa nai) ka hun hia’i; Juda mi hilo ah ka hi hung kitite, Setan kikhopna In hizaw te hun gensiatna chule ka hia’i.

THUPUAN 3:8

La thil hi dante kha ka hia’i; en tiam in, la âng in kuama khâk theilo ding kot honsa’n ka koi hi; hâtna neukhat bep la nei ah, ka thu le la zawm ah, ka min le la kilepsan kha puai.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;

THUPUAN 6:10

Amau chun aw ngai tak in, “Aw Lalpa, thiangtho leh dik tak, lei ah umte chung ah ka thisan phubau chu la lo leh vaihawm lo a bang chan um nalai ding la hem?” ti’n a kiko ua.