2 PETER 1:6 - PATHIAN LEKHABU THIANGTHO (BSI)

⁶ la hetnau ah chun kisûmna pansak unla, la kisûmnau ah chun thok-hatna pansak unla, la thok-hatnau ah chun Pathian ngaisakna pansak unla,

2 PETER 1:6 ပူးပေါင်းရင်းမြစ်များ

THILSIAM THU 5:24

Enok chu Pathian tawh a kivop zing nalai un; chun, ama chu Pathian in a lâkmang tâk ziakin, a um ta puai.

SAM 37:7

Lalpa âng ah thipbek in um inla, ama ngâk ham ham in; thil phalo a matchâk ziak ah, vangphatna changte ziakin, nang leh nang kisulungngai kin.

ISAI 57:1

Midik chu a mangthai in, ahi’n, kuama’n a ngaisak puau in; mi kipumpiakte chu pui mang in a um un, kuama’n a hethiam puau hi. Midik chu siatna hung tung ding ah kipat in, lâk mang in a um un; zia chu kuama’n a hethiam puau in;

LUKA 21:19

La thok-hatna ziak un la hinnau humbit in lau.

LUKA 8:15

Lei phatna kethate chu ziate hi a hiu: Lungthim kitup tak leh pha tak in thu a hiau ah, a vop zing un, thuak hat tak in ga a hun sua sek ui, a tia.

NASEPTE 24:25

Paul in dikna thute, kisûmna thute, vaihawmna hung tung ding thute pha tak ah a gen phatin, Felik chu a kithing hial a, “Chia kit phot in; hun lemchâng ka nei phat leh hun ko kit ing ka,” a tia.

ROMTE 15:4

Pathian Lekha thu, ngilneina leh kitilkhona chung ah kinepna I nei thei zawkna ding un, malai ah thu a la kizikte kha, eimau kihilna ding ah zik a la hingal a.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

ROMTE 8:25

I mu nailo I kineppiu chun, zia chu gunchu tak in I ngak ham ham sek ui.

1 KORINTH 9:25

Gualsiak kidemna ah pang mi chu bangkim in a kithunun sek un; amau chun lallukhuk sethei mu dingin a bawl un, eihaw’n vang a setheilo mu dingin I pang uh ahi.

2 KORINTH 6:4

Pathian nasemte gual in bangkim ah mi mit tung in ka um zawu a, nasa tak ah kukãlna, haksatna, tâksapna leh lunggimna ah te,

GALATIA 5:23

thunuaigolna leh kisumtheina ahi; ziate tawh kikãl hi dan a um puai.

KOLOSSA 1:11

Kipak tak ah bangkim thuak-hat tak ah la umtheina ding un, a thilhitheina nasa tak ah kipat hung pawtdok chun, bangkim in hun suhat hen la,

1 THESSALONITE 1:3

I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

2 THESSALONITE 1:4

Tichun nangmau a hun sukgentheinateu ah la kukãl dan uh leh la gindan uh zosia ziak ah, Pathian kochuam pawlte lak ah chun ka hun suang sek uh la hiu.

2 THESSALONITE 3:5

Chun, Lalpa‘n la lungthim uh chu Pathian hepina leh Khrista detna ah chun hun pui lût ta hen.

1 TIMOTHI 2:10

nasep phate’n kivan zawu hen; zia chu numei Pathian ngaisak kitite â ding ah kilawm him ahi.

1 TIMOTHI 2:2

lengte leh thuneina sâng tak neite â dingin tawh: Tichun, Pathian ngaisak leh za tak ah, thamuang tak leh kicham dial ah vai a hawm theina ding un.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

1 TIMOTHI 6:11

Ahi’n, nang Pathian mi, zia thilte chu jamsan inla, dikna, Pathian ngaisakna, ginna, hepina, thoktheina leh nunnemna chu del zaw ta’n.

1 TIMOTHI 6:3

Kua’nle thuhilna chuam a hun hil ah, thu dik, I Lalpa Jesu Khrista thute leh, Pathian ngaisakna tawh kituak ah thuhilnate pom lo ahi chun,

1 TIMOTHI 6:6

Lungawina tawh kithua ah Pathian ngaisakna hi lawkna thupi tak chu vang ahi him hi;

2 TIMOTHI 3:5

pawlam bep ah Pathian ngaisak, himaleh a thilhitheina taksanglote hi ding a hiu. Zia gual mite chu kiheisan in!

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

TITA 1:8

mi lopdan thiam, a phalam dawi, ama kithuzaw mi, midik, mithiangtho leh mi kisûmthei;

TITA 2:2

Upate chu kisûm ding, ja’um, a hun tiang he, ginna dik tak nei, hepina leh thok-hatna nei ding in;

HEBRAITE 10:36

Pathian doigual ah la bawl phat ua leh le, thutep chu la chantheina ding un la thok-hat uh a ngai zing ngal a.

HEBRAITE 12:1

Chutichun, hiatpitu sûmpi nasa tak ah ûm kîmvêl I hiu ti kihia’n, ei sunokphak leh I chung ua bek gitlonate paitha’i tiu in, I mau ah kitaisiakna lampi ah hin thuak-hat tak in tai hitiu.

HEBRAITE 6:12

Thada kiu inla, ginna leh thok-hatna ah thutiam changte kha zui zaw tau in.

HEBRAITE 6:15

Abraham chun gunchu tak ah a thok nung in zia thutiam chu a la chang tai.

2 PETER 1:3

Ama lopina leh phatna ah ei kopa, a chanchin het ziakin Pathian thilhitheina’n hinna leh Pathian ngaisakna lam thu ah thil zosia ei pia ta ahi.

2 PETER 3:11

Zia thilte zosia chu zia gual ah chun mangthai suak ding a hiu leh, umdan thiangtho leh Pathian ngaisakna lam ah bang gual mi la hiu em?

THUPUAN 1:9

Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.

THUPUAN 13:10

Kuale sal ah puite chu sal ah pui in um intiu in; chemjam ah mithatte chu chemjam ma’n thi’n au. Zia hi mithiangthote thok-hatna leh, ginna nei ding ah chialna ahi.

THUPUAN 14:12

Zia hin mithiangtho, Pathian thupiakte zui leh Jesu â ding ah ginum zingte, gunchuna nei ding ah chialna a um hi.

THUPUAN 2:2

La nasep dante, la sepgim dante, la thok gunchu dante, migilo haw la la ngai theilo dante kha ka hia’i. Sawlchâk hilo pi ah ka hi kitite la la patep ah, juauthei a hiu ti la he tai.