2 PETER 1:3 - PATHIAN LEKHABU THIANGTHO (BSI)

³ Ama lopina leh phatna ah ei kopa, a chanchin het ziakin Pathian thilhitheina’n hinna leh Pathian ngaisakna lam thu ah thil zosia ei pia ta ahi.

2 PETER 1:3 ပူးပေါင်းရင်းမြစ်များ

SAM 110:3

La tâng thiangtho ah la sepaite ma la hun pui phat leh, la mipite chu nang â ding ah, thanuam tak in hung kipia’n tiu in; jingkal matak ah daichîm gual in, la khanglaite chu la kiang in hung in au.

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

THUPILTE 12:4

Numei umchanpha chu a pawsal lallukhuk ahi’n; a pawsal himualphotu chu vang a gu muatsak gual ahi.

THUPILTE 31:10

Ji pha chu kua a hem mu zo ding? Suang mantam san chi sâng inle a lûl zawi.

THUPILTE 31:29

“Numei khawsak danthiam tam tak a um ui, himaleh, nang hi la pha chung chuang pen hi,” a tia.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

ROMTE 8:32

Ama Chapa hial bawn hawi lo ah, I leng ua thasâng ah hun pepa chun, thildang zosia le a thawn in ei pelo ding a hem?

ROMTE 9:24

Judate lak ah kipat bep hilo in, Jentelte ah kipat leh kodawsa eihaw â ding inle a la bawl hitaleh, bangti ding a hem?

1 KORINTH 1:9

A chapa Jesu Khrista I Lalpau tawh kivopna ah hun kolutpa Pathian chu a muan um hi.

2 KORINTH 12:9

himaleh, ama’n ka kiang in, “Ka hepina nang â di’n a hun hi, ka thilhitheina hi hâtlona sukbukim ah um sek ahi,” a ti’n. Ziaziakchun, Khrista thilhitheina chu ka chung ah a um theina dingin, kipak tak in ka hatlonate hi suang zaw ta’ng ka.

EPHESA 4:1

Chutichun, keima, Lalpa ah suangkul ngâk hin, a kona tawh kiphutawk ah um ding leh,

EPHESA 4:4

Ko la hi’nau, kinepna pakhat ah ko la hi gual un, taksa pakhat leh Thagau pakhat,

PHILIPPI 3:8

Ahi takzet hi, ka Lalpa Khrista Jesu hetna lopi diak ziak ah chun, zia thilte zosia chu ki’dak buaksia gual in chânna in ka guat ta, Khrista ka mutheina dingin.

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

KOLOSSA 1:16

Ama ah chun thil bangkim, van ah umte, lei ah umte, mu theite, mu theilote, lalchutphate tawh, thuneinate le, bangkim ama â ding leh ama ziak ah siam ahi.

1 THESSALONITE 2:12

a lenggam leh lopina hun kolutpa Pathian â ding ah kilawm la hi’theina ding un, hun tilkhau leh thamuan in ka hun ni la hiu.

1 THESSALONITE 4:7

A buak dingin Pathian in ei ko pua’n, thiangtho dingin ei ko zaw ahi.

2 THESSALONITE 2:14

Zia gual ding ma ah chun, ama chun ka chanchinpha gen uh, I Lalpa Jesu Khrista lopina chu chang dingin a hun ko hi.

1 TIMOTHI 4:8

Taksa lam ah kisoizoina hin phatchuamna a nei tho hi; himaleh, Pathian ngaisakna chu bang lam lam inle a phachuam hi; tu’ ah hinna leh hinna hung tung ding tiang ah thutep nei ahi.

2 TIMOTHI 1:9

Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

1 PETER 1:15

a hun kopa chu a thiantho gual in, nang uh le la tawidan zosiau in thiangtho tau in.

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

1 PETER 2:21

Khrista’n a hun thok piak ziakin, zia gual hiding ah chun ko la hiu; a kengnung la zui ding ua a hun nutsia piak la hiu hi.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

1 PETER 3:9

Thil phalo chu thil phalo in leh, hosiatna chu hosiatna’n thuk kiu in, zia sâng ah chun, maljawl zawu in; zia gual ah chu maljawlna chang ding ah ko la hingal un.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

2 PETER 1:10

Ziaziakchun, suapite haw, a hun kona leh a têlna chu hi’det dingin taimat sua zaw diak tau in; zia chu la hiu chun bangmatik in kilîk pua’n lau.

2 PETER 1:2

Pathian leh I Lalpau Jesu Khrista hetna ah chun, la chung un hepina leh chamna hi’pun in um ta hen.

2 PETER 1:5

Ahi, ziaziak tak ah chun taimat suau in; la ginnau ah chun phatna belap unla, la phatnau ah chun hetna pansak unla;

2 PETER 1:6

la hetnau ah chun kisûmna pansak unla, la kisûmnau ah chun thok-hatna pansak unla, la thok-hatnau ah chun Pathian ngaisakna pansak unla,

2 PETER 1:8

Ziate chu nang uh â ahi ah, la lak ua a khan zing chun, I Lalpa Jesu Khrista hetna lam in phachuam lo leh ga bei in hun koi lo ding ahi.

2 PETER 2:20

Lalpa leh Hukdampa Jesu Khrista a het ziak ua khawvel buaknate a taisan nung un, zia ma chun a kihên awk kit ua, thatzaw ah um kit in, a umdan nunung uh chu a masa sâng in a sia zaw tai:

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

RUTH 3:11

Ka chanu, tu’hin lau kin, ka khuau ah mipi zosia hin nangma numei pha tak la hi ti a het uh la hiziak in, la poimaw zosia hun bawl piak ing ka.