2 PETER 1:17 - PATHIAN LEKHABU THIANGTHO (BSI)

¹⁷ Ama chu, Pa Pathian ah kipat in choihoina leh lopina nasa tak a mu lai in, zia gual aw hi a kiang in a hung tung a, “Zia hi ka Chapa doitak, ka kipakna pen chu ahi,” ti in.

2 PETER 1:17 ပူးပေါင်းရင်းမြစ်များ

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

MATTHAI 12:18

“En tiam un, ka nasemtu ka têlchuam, ka lungsiat leh a chung ah ka kipakna ma ma: ama chung ah chun ka Thagau koi ing ka tin, ama chun Jentelte kiang in ka vaihawmna thu chu puang in a.

MATTHAI 17:3

Thakhat in Mosi leh Elijah a hung kilâk un, ama tawh a kiho tau a.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

MARKA 1:11

Van ah kipat chun aw a hung pawt a, “Nangma hi ka Chapa dawi tak, ka kipakna ma ma chu la hi,” a hun tia.

MARKA 9:7

Ziaphatchun, amau haw lia in sûm a hung jing a, sûm lak ah aw gi chun: “Zia hi ka Chapa dawi tak ahi, ama thu ngai un,” a tia.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

LUKA 3:22

Thagau Thiangtho chu vakhu gual in a chung in a hung chû. Van ah kipat aw hung pawt chun, “Nangma, ka Chapa dawi tak la hi, la chung ah ka kipak ma ma hi,” a hun tia.

JOHAN 10:15

Pa chun keima ei het ziakin, ken le Pa chu ka hia’i; chuleh, belamte â dingin ka hinna ka pia’i.

JOHAN 10:36

Pa’n a se’chuam, khawvel ah ei sawl, ‘Pathian Chapa ka hi,’ ka ti ziakin bangatia Pathian la gensiai, ei ti’thei ding la hiu em?

JOHAN 14:11

Keima Pa ah um ka hi’dan leh, Pa keima ah um a hi’dan hi hun taksang un; ahiloleh le, a nasepte ziak bêk ah hin ei taksang tau in la.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 17:21

amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

JOHAN 3:35

Pa chun Chapa chu a hepi hen, a khut in bangkim a pia tai.

JOHAN 5:20

Pa chun Chapa hi a hepi hen, ama’n a hi’ding zosia chu ama a hiatsak sek hi; ziaziakchun, zia haw sâng ah thil nasa zaw hile hun mu’n la tiu in, mak hun sa’n lau.

JOHAN 5:26

Pa chun ama ah chun hinna a nei hi; zia gual ma chun Chapa’nle hinna nei dingin a pia’i;

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 6:39

Zia hi ka Pa ei sawlpa doigual chu ahi, ama’n ei piak zosia chu, bangma matsua neilo in, nitawp ni leh kaitho zaw leng.

ROMTE 15:6

I Lalpa Jesu Khrista Pa ngei Pathian chu lungthim munkhat leh kithu gual ah la hun suklopi theina ding un.

2 KORINTH 1:3

I Lalpau Jesu Khrista Pa, hepina Pa leh thamuanna zosia Pathian chu pâk in um ta hen.

2 KORINTH 11:31

Lalpa Jesu Pathian leh Pa, (kumtuang in ama chu pâk in um zing hen!,) ama ah chun zuau ka gen puai.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

2 JOHAN 1:3

Pa Pathian leh Lalpa Jesu Khrista, Pa Chapa ah kipat in, hepina leh jangaina leh chamna chu thutak leh hepina jal in I kiang un um zing ta hen.

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,