2 PETER 1:16 - PATHIAN LEKHABU THIANGTHO (BSI)

¹⁶ I Lalpau Jesu Khrista thilhitheina leh a hungna thu ka hun hil lai un, tuanthu pil tak ah ngaitua dawte mai zui ka hi puau ah, a lopina mutute ka hi zawu hi.

2 PETER 1:16 ပူးပေါင်းရင်းမြစ်များ

MALAKI 3:2

Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;

MALAKI 4:5

Ngai un, Lalpa ni lopi leh tizat um tak chu a hung tun masang in, jawlnei Elijah hun sawl ding ka hi.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

MATTHAI 16:28

Titakzet in ka hil la hiu, zia tak ah dingte lak ah hin, Mihing Chapa a Lal gam ah hung a mu masiau thina teplo ding a um ui, a tia.

MATTHAI 17:1

Ni guk zaw in, Peter, Jakob leh a suapi Johan chu, Jesu’n a chuam in tângsâng tak khat in a pui to a.

MATTHAI 24:27

Sualam ah kawl a hung phêt ah tumlam chan ah a kilat gual hin, Mihing Chapa hung kit ni chule zia gual chu hi ding ahi.

MATTHAI 24:3

Oliv tâng vum ah a kichut lai in, a nungzuite chu a gûk in a hung ua, zia la gen zosia hi bangtik leh a hung um diam; chuleh, la hung kitna ding leh khawveltawpna ding tepte’na chu bang ahi diam ei hil in, a hung tiu a.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

MARKA 13:26

Ziaphat chuleh Mihing Chapa hi a lopina tawh, thilhitheina thupi tak tawh, sûm chung ah khin hung suk in a.

MARKA 14:62

Jesu chun: “Ka hi. Dan tak leh Mihing Chapa hi, thil hitheipa khut changlam ah kichu, van sûmpi ah hung suk, hun mu ding la hiu,” a tia.

LUKA 1:2

a lim ah kipat amau mit ngei ah a la mute leh, zia thu nasem ah a la pangte ngei chunle ahi dan gual tak in a la zik tau a.

LUKA 9:43

Mi zosia chun Pathian thilhitheina lopi tak chu lamdang a sa ma ma tau hi. Jesu thilbawl taphot chu maksa tak ah a um lai un, ama’n a nungzuite kiang ah chun:

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

ROMTE 1:4

chuleh, thianthona thagau ahi’na dungzui leh, thina ah kipat a thawkitna thilhitheina ah chun, Pathian chapa ahi’na chu taklat in a um ta’n.

1 KORINTH 1:17

Khrista chun baptis dingin ei sawl pua’n, Chanchinpha gen dingin ei sawl zaw ahi; pilna thu mang ah gen lo in: Achutiloleh, Khrista kros thilhitheina chu bangmalo chansak hi kha’n a.

1 KORINTH 1:23

Kei un vang Khrista khetden ah um thu chu ka gen ui; zia chu Judate â dingin kilikna ahi’n, Jentelte â dingin ngolna ahi.

1 KORINTH 1:7

I Lalpa Jesu Khrista kilâkna ngak zing kawm in, thilpiak him him ah la tasam puau hi.

1 KORINTH 2:1

Suapite haw, la kiang ua ka hung lai ah khan, Pathian thugûk taklang in, thugen lopi tak a hem pilna sâng tak a hem tawh ka hung puai.

1 KORINTH 2:4

Ka thugente kha le mihing pilna leh jawlthiamna panglo in, Thagau leh a thilhitheina mang in ka gen zaw ahi kha;

1 KORINTH 5:4

Lalpa Jesu min ziak ah la kikhop khawm phat ua leh, I Lalpau Jesu thilhitheina chun thagau in ka hung pang sek hi.

2 KORINTH 2:17

Mi tam tak in, Pathian thu chu mite thêm ah sumdawnna a mat gual un, kei un vang ka mang puau a; titak zet in, Pathian sawl ah Pathian mitmu in, Khrista ah chun ka gen zawu ahi.

2 KORINTH 4:2

Thil jachâk um kisêlte chu ka nusiau ah, dawha phalo chu ka mang puau in, Pathian thu chu mi thepna’n ka mang puau in, thutak chu hiatsak in Pathian mit mu in mi tin sia leh pha hetna mit ka tunsak zawu ahi.

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

PHILIPPI 3:21

Ama chun bangkim a thunuai ah a umsak thei ziakin, I taksau musit um tak hile ama taksa lopi gual hiding in hun siam danglam in a.

1 THESSALONITE 2:19

I Lalpau Jesu hung phat leh ka kineppiu a hem, ka kipaknau a hem, ka lallukhuk suan uh a hem chu bang a hem? Nangmau hi hilo la hiu em?

2 THESSALONITE 2:9

Zia dan susepa hungna chu Setan sep dan dungzui in, thilhitheina zosia, tepte’na zosia, juau thilmakte tawh,

1 TIMOTHI 1:4

Pathian lam ah phatchuamna, ginna ah um pen hilo ah, tuanthu lui leh khangthu suidaw sênlote kinialna suaksak sekte chu buaipi lo ding ah la hiltheina ding in.

1 TIMOTHI 4:7

Thu kiphuak kawm polche leh tuanthu manlote ah chun kihi’ nât kin. Pathian ngaisakna lam in kisawizoi in.

TITA 1:14

Thudik ah kipat kaihei thei mihing thupiakte leh, Judate tuanthu mai mai a ngaisak lona ding un.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

1 JOHAN 4:14

Pa chun Chapa chu khawvel Hukdampa hiding in a hun sawl hi, ti ka muu ah, ka hiatsak uh ahi.

JUDA 1:14

Adam ah kipat suan sagina Enok chun, ziate chungchâng chu a la genlawk a: “En un, Lalpa chu a mithiangtho a sâng têl tawh a hung hi;

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.