2 PETER 1:11 - PATHIAN LEKHABU THIANGTHO (BSI)

¹¹ Tichun, Jesu Khrista I Lalpa leh Hukdampau kumtuang gam ah lûtna chu musak in au.

2 PETER 1:11 ပူးပေါင်းရင်းမြစ်များ

SAM 145:13

La lenggam chu kumtuang lenggam ahi’n, la thuneina chun suan zosia tiang dai in ah. Lalpa chu a thugen zosia’n a ginum in, a thilbawl zosia ah lainatna nei ahi.

SAM 36:8

La In sung hausakna a nopchên un, la kipakna lui ah chun a dawn ding uh la pia’n.

SOLOMON LÂ 5:1

Ka huan ah ka hung hi, ka suapinu, ka lawmnu; ka murra tawh gimtuite tawh ka lakhawm ah, ka khuaiphâng ah khuaizute ka ne ta’n, ka uain tawh bawngnawi ka dawn tai. Gualte, hepina la kham hial masia ne’n la, dawn in!

ISAI 35:2

thupi tak in hung lûn kit intin, kipak tak ah La sa’n lim ta’n a. Lebanon lopina chu, Karmel leh Sharon lalna chu tawh, a kiang ah piak hita’n ah. Lalpa lopina, I Pathian uh lalna chu mu ta’n au.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

JOHAN 10:10

Gucha chu gu ding leh, that ding leh susia ding longal in a hung ngai pua’n; kei ka hileh chu mi tam tak in hinna a nei ua, tam tak a nei theina ding ua hung ka hi.

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

1 KORINTH 15:24

Vaihawmna zosia leh lalna leh thuneina zosia a suksiat zaw phat leh lenggam chu, Pa Pathian kiang ah pedok ta’n tin, ziaphat chuleh, tawpna chu tung ta’n a.

2 KORINTH 5:1

I umnau lei ah In hi suksiat himaleh, van ah In, khut ah sak lo kumtuang ah um ding Pathian sak chu I nei ui ti I he ngal un.

EPHESA 3:20

Tu’hin, eimau ah sêm sek thilhitheina gual in, I dot leh I ngaituana zosiau khêl ah lopi zaw ah hitheipa kiang ah chun,

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

2 TIMOTHI 4:18

Lalpa chun thil phalo ei dote zosia lak ah ei hukdok intin, a van-gam chu bit tak in ei tun in a. Ama kiang ah chun lopina kumtuang in um ta hen. Amen.

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

HEBRAITE 6:17

Tichun, Pathian in kitiam hial ah a lemguatna a sukdet chu, danglam lo ding ahi dan, a thutiam changte kiang ah hin a hiatsak nop ziakin a kitiam zaw ahi.

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

2 PETER 1:5

Ahi, ziaziak tak ah chun taimat suau in; la ginnau ah chun phatna belap unla, la phatnau ah chun hetna pansak unla;

2 PETER 2:20

Lalpa leh Hukdampa Jesu Khrista a het ziak ua khawvel buaknate a taisan nung un, zia ma chun a kihên awk kit ua, thatzaw ah um kit in, a umdan nunung uh chu a masa sâng in a sia zaw tai:

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

THUPUAN 5:10

Pathian lam ah lal leh thiampu’n la siam a; lei chung ah vaihawm dingte a hitau hi,” ti in.