2 LENGTE 7:2 - PATHIAN LEKHABU THIANGTHO (BSI)

² Sepai hotu, lengpa’n a khutmatchâk pen ah a neipa chun, Pathian mi kiang ah chun, “Lalpa‘n van laizawl ah khin tukvante siam ziang leh le, zia tawhbang thil chu tung thei ding a hem?” a tia. Himaleh ama chun, “Zia chu la mit ngei in mu’n la tin, himaleh zia haw chun ne lo ding la hi,” a tia.

2 LENGTE 7:2 ပူးပေါင်းရင်းမြစ်များ

THILSIAM THU 7:11

Noah kum za guk a tin kum, a tha ni’na, a ni sawm leh sagi’ni, zia ni ngei ah chun tuithuk lian takte nâk zosia chu a hung kêkjak ta’n; van tukvante le a hung kihong tai.

2 LENGTE 5:18

Himaleh, Lalpa‘n la suak hi thil pakhat chung thu’n ei ngaithiam hen: Ka pu chu Rimmon In ah pathian ho ding ah a lut ah a khut a jak ah, Rimmon In ah ka kûn suk phat leh, Lalpa‘n la suak hi zia thil pakhat thu ah hin ei ngaithiam hen,” a tia.

2 KHANGTHU 20:20

A jing ah chun ma tak ah tho in Tekoa gamthip lam in a chiauah; a kipatdaw ding phat un Jehoshaphat chu hung dingdok in, zia gual hin a hun gen a: “Aw Judah mipite leh Jerusalem khua chêngte haw, ka thugen hi ngai tiam un! Lalpa la Pathian uh chu ging un; chutileh, phudet in um bep ding la hiu; a jawlneite hile gingcha tau in,” ti’n a gen a.

SAM 78:41

Pathian chu a vêl vêl ah a la patep in, Israel Mithiangtho a la cho lungna sek ui.

ISAI 7:9

Ephraim luchang chu Samaria ahi’n, chuleh, Samaria luchang chu Remaliah chapa ahi kit hi. La taksan zaw lo chun, pang zo him him pua’n la, ti’n gen in, a ti’n.

JEREMIAH 29:32

Lalpa‘n zia gual hin a gen hi: Nehelam ah Shemaiah in Lalpa kãl ah thu a la gen ziakin, a suante chu gawt ding ka hi; ka mipite chung ah thilpha ka hun bawl phat leh, mipite lak ah pang ding suan leh pâk khat ziang le nei ta pua’n a, Lalpa‘n a tii, ti in.

MALAKI 3:10

Ka In ah nêk ding a umtheina dingin sawm ah khat dik tak in bu In ah hun koikhawm un; tichun, ka van tukvante hong in, a koina’n a dawl lo ding khop maljawlna’n ka hun vuk paw na ve em, ti ei patep ma tiam un, sepai honte Lalpa chun a ti ahi.

KISIMNA LEKHABU 11:13

Mipi zia jat jat piak ding hi keima’n sa khoitak ah la ding ka hem? Kap pum in ka kiang ah, ‘Ka nêk ding uh sa ei pia’n,’ ti’n a hung ngâl un.

KISIMNA LEKHABU 23:19

Pathian chu mihing gual ah lepchia a hipua’n; eihaw thitheite gual ah a ngaidan theng ngai lo ahi. A mualsua lo dingin a kitiam ngai em?

ROMTE 3:3

Khenkhat ginum lo leu bang phachuam ding a hem? Chuleh, a ginlonau chun Pathian ginumna chu bangmalo suaksak ziang ding a hem?

DAN LEKHABU 3:27

Pisgah tângvûm ah kal to inla, tumlam, mallam, simlam leh sualam en vêl in. Pha tak in thîl vêl in; zia Jordan luigâl hi kailo ding la hingâl a.

2 TIMOTHI 2:13

Gin umlo maleu hin, ama a gin um zing hi. Ama leh ama a kiphatsan thei pawngal a”.