2 LENGTE 4:2 - PATHIAN LEKHABU THIANGTHO (BSI)

² Elisha chun amanu kiang in, “Bang hun bawl piak leng la nuam em? Ei hil in, In sung ah bang la nei em?” a tia. Amanu chun, “La suak hin In sung ah sathau buk khat tilo ngal bangmacha a nei puai,” a tia.

2 LENGTE 4:2 ပူးပေါင်းရင်းမြစ်များ

1 LENGTE 17:12

Himaleh, amanu chun, “Lalpa la Pathian min suang in ka gen hi: a kikang min bangmacha ka nei puai; bêl ah an khutdim khat tawh, thawl ah sathau neucha bep ka nei hi; tu’hin thingkang khat leh ni chom ing ka tin, In ah kei tawh ka chapa â ding ah vabawl ah, zia chu nêk ah, a bân chu thi mai ding ka hiu,” a tia.

2 LENGTE 2:9

A gâlkâi phat un, Elijah in Elisha kiang in, “La kiang ah kipat lakmang ah ka um masang in, bang hun bawl piak leng la nuam em ei gen in,” a tia. Elisha chun, “Lungsiat tak in la thagau chan a le’ni ei gosia in,” a tia.

2 LENGTE 4:3

Ama chun, “Pawlam ah chia inla, la Invêngte zosia kiang in ûm leh bêl awng vakhêl khawm in.

PAWTDAWNA THU 4:2

Lalpa’n a kiang in, “La khut ah um kha bang a hem?” ti’n a dong a. Ama’nle, “Mol ahi,” ti’n a dawnhu a.

MATTHAI 15:34

Jesu’n a kiang un, vaithum bang jat la nei awm? a tia. Amau chun vaithum pasagi leh sanga neu tawmcha a um hi, a tiu a.

NASEPTE 3:6

Himaleh, Peter chun a kiang in, “Dangka leh sana ka nei puai; ahi’n la, ka neisun hun pia’ng ka: Nazareth Jesu Khrista min in dingdok in la, lam zawt ta’n,” a ti’n.

2 KORINTH 6:10

lungngai gual in, himaleh kipak zingin; genthei gual in, himaleh mi tam tak hihausa ngal in; bangma neilo gual in, himaleh bangkim nei bukim ngal in ka um zawu hi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?