2 LENGTE 24:3 - PATHIAN LEKHABU THIANGTHO (BSI)

³ Zia chu Manasseh gitlo ziak ah, Lalpa chun Judah mipite a etthâk zingna kipat chawn mang dingah thu a la piaksa chu a hung guitung ta ngei ahi;

2 LENGTE 24:3 ပူးပေါင်းရင်းမြစ်များ

THILSIAM THU 50:20

Nang un ka chung ah lungthim phalo pu’n ei la bawlsia maleu chinle, Pathian in tu’ni gual ah hin mi tam tak hukhinna dingin, lungthim pha a la nei zaw ahi.

2 LENGTE 17:18

Ziaziakchun, Lalpa chu Israel chung ah chun a lung a hung na ma ma ta’n, ama mit mu ngei ah chun amau chu a hun koimang ta’n; Judah namte tilo ngal chu pakhat chale khek a nei ta puai.

2 LENGTE 17:20

Ziaziakchun, Lalpa chun Israel nam zosia chu a pumnol ta’n, amau haw chu sukgenthei ah um dingin, ama mit mu ah kipat a kithial daw suak masiau, amau sugentheite khut ah chun a pedok tai.

2 LENGTE 17:23

A suak jawlneite mang ah a la gen taksa gual in, Israel chu Lalpa‘n ama mit mu ah a chawn mang ah. Zia ziak tak ah chun Israel chu a gam ua kipat in Assuria lam ah pui mang in, tu’ni tiang hin a um zing tau ahi.

2 LENGTE 18:25

Zia mun hung susia ding ah hin Lalpa panglo ah hung kuan to dingah lei ngaitua a hem? Lalpa‘n ka kiang in thu a gen ah, zia gam do dingah hin hang kuan to inla, hung hise sik sek in ei ti ahi,” a tia.

2 LENGTE 21:16

Zia lo chunle, Manasseh hin mi bangma suse lote thisan a sua tam ma ma ziang ah, Jerusalem langkhat lam ah kipat a langkhat lam tiang ah a sukdim masia a bawl ah, Judah a gitlosak le tongkhop lo in, Lalpa mit mu ngei ngei inle thil gilo chu a bawl pek nalai ngal ah, a tia.

2 LENGTE 24:20

Ziaziakchun, Lalpa lungnatna chu Jerusalem chung ah leh Judah chung ah chun a hung tung ah, a etthâkna kipat a nawdaw masia chu a tawp thei ta pua; tichun, zia Zedekiah chule Babulon Lengpa chung ah chun a hung kiphin pai ngal tai.

2 KHANGTHU 24:24

Aram sepaite chu tawmcha hi maleu, Lalpa‘n a pu leh pateu Pathian, Lalpa chu a kiheimangsan ziak un, a khut un sepai tam takte chu a pedok ta ahi. Tichun, Joash chu a gawt tai.

2 KHANGTHU 25:16

Himaleh, zia thu a gen zing lai ah chun lengpa’n zia gual hin a hun dawnhu a: “Nang phiangsan hi lengpa lemguat piak ding ah kuan a hun guat ua a hem? Thip hiat hiat mai in! Bang ding ah hun that mai ding ka hi em?” a ti’n. Ziaphatchun, jawlnei chule a thip ah; chomkhat zaw in, “Zia gual ah ka hun thuhilna la ngaisak lo ah, zia tawhbang la bawl ziak hin, Pathian in hun susia ding ahi ti ka hia’i,” ti’n a hun gen a.

PAWTDAWNA THU 20:5

Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

ISAI 45:7

Vâk ka la siam ah, chuleh, thimna le ka siam ah; maljawlna leh chunggikna le ka siam ahi; keima Lalpa hin zia zosia chu ka la bawl ahi.

JEREMIAH 32:31

Zia khawpi hi a kisak lim ah kipat tu’ni tiang hin, ka lungnatna leh thangtawmna a la choktho zing ahi;

JEREMIAH 52:28

Nebukadrezar in sal ah a pui mang jat chu: A lal kum sagi’na chun Judai gam ah kipat in mi sang thum leh sawmni leh thum a pui mang a;

EZEKIEL 22:3

A kiang un: Lalpa Pathian in zia gual hin a gen hi ti’n: Aw khawpi! La sung ah thisan sua ah, la milimte kisiam ah, nang leh nang kisubuak chung ah gawtna ding hun a tung tai.

EZEKIEL 24:6

Ziaziakchun, Lalpa Pathian in zia gual hin a gen hi: Thisan sua hat khawpi chung a gik hi, sabel sung kângkhik, a bêlkhik hi’thian theilo ahi! A them them in thûkdok unla, têlchuam ding a um puai.

AMOS 3:6

Khawpi sung ah launa umlo in kuan, pengkul a mût ngai ah a hem? Lalpa sawl hilo in siatna’n khawpi a tun khum ngai em?

MIKAH 2:10

Kipan inla, chia in; zia tak hi kichawlna ding mun a hipaw ngal a, buakna a dim tâk ziak un, siatna huaisia tak in, nang uh le hun susia ding a hiu.

DAN LEKHABU 28:63

Chuleh, nangmau phatna ding bawl leh hipunna ding bawl thanuam ma ma Lalpa chu, nanghaw hun hi’mangthaina ding leh bang malo ah hun siam ding chu a lung lam tak hung hita’n tin; chuleh, la luana ding ua la lutnau gam ah kipat ma ma hin, nang uh jukdok in um ta’n lau.

DAN LEKHABU 29:28

Lalpa‘n lungna tak leh hachang thak leh thangtawm ma ma in a gam ua kipat botdok in, gam dang in a naw lut in, tu’ni a um gual uh hi a tuak tau ahi,” a la ti’n au.

JOSHUA 23:15

Lalpa la Pathian un, thilpha la chung ua tung ding ah a la tiamsa gual ah, a guitunsak zaw tâk ziak hin, zia gam pha, Lalpa la Pathian un a hun piakna mun ah kipat hin la manthai suak masiau, Lalpa‘n la chung un thil phalo zosia hun tunsak ding ahi.