2 LENGTE 2:2 - PATHIAN LEKHABU THIANGTHO (BSI)

² Elijah chun Elisha kiang in, “Zia tak hin a la um in; Lalpa chun Bethel lam ah chia dingin ei sawl ahi,” a tia. Himaleh Elisha chun, “Lalpa a hin zing ziakin leh, nang ngei le la hin zing ziakin, hun nusia lo hial ding ka hi,” a tia. Tichun, Bethel ah a chia suk tau a.

2 LENGTE 2:2 ပူးပေါင်းရင်းမြစ်များ

THILSIAM THU 28:19

Chuleh, zia mun min chu Bethel a sak ah, a lim in zia khawmin chu Luz ahi.

1 LENGTE 12:28

Tichun, lengpa chun, midangte lemguatpina dungzui in, sana bawngno lim pani a siam a. Mipite kiang ah chun, “Jerusalem ah la chiatonau kha a sawt tho tai. Aw Israel, la Pathianteu, Aigupta gam ah kipat hun puidokte chu ziate hi a hiu,” a tia.

1 LENGTE 12:29

Pakhat Bethel in a tungah, khatzaw chu Dan ah a koi tai.

1 LENGTE 12:33

Ama ma chun a guat kawm, tha giatna ni sawm leh nga ni chun Bethel ah a mâichâm siam ah chun a vachia to ah; Israel mite â dingin kût pakhat a guat piak ah; tichun, mâichâm ah chun gimtui lân dingin a chia to tai.

2 LENGTE 2:23

Zia kipat chun Bethel ah a chia to ah; chun lampi ah a chia to zing lai in, khawpi ah kipat pawsal naupang khenkhatte a hung ua, a hun daî ua, “Chia mang in, lukolpa! Chia mang in, lukolpa!” a tiu a.

2 LENGTE 2:4

Elijah in a kiang in, “Elisha, zia hin a la um ta’n; Lalpa‘n Jeriko ah ei sawl ahi,” a tia. Himaleh, ama chun, “Lalpa a hin zing ziak in leh, nang ngeile la hin zing ziakin, hun nusia lo hial ding ka hi,” a tia. Tichun, Jeriko a hung tung tau hi.

2 LENGTE 2:6

Ziaphatchun, Elijah in a kiang in, “Zia hin a la um in; Lalpa‘n Jordan ah ei sawl ahi,” a tia. Himaleh, ama chun, “Lalpa a hin zing ziakin leh, nang ngei le la hin zing ziakin, hun nusia lo hial ding ka hi,” a tia. Tichun, a paniu in a chia pek tau hi.

2 LENGTE 4:30

Ziaphatchun, naupang nu chun, “Lalpa a hin ziakin leh, nangma ngei la hin zing ziakin; nang in lei zui lo leh chia lo hial ding ka hi,” a tia. Tichun a kipan ah, amanu chu a zui tai.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

1 SAMUEL 1:26

Chuleh, a nu chun, “Aw he pu! Ka Lalpa hinna sâl in ka ti ahi; kei hi Aw Lalpa, zia tak ah la kiang ah hung ding ah Lalpa kiang ah pauchap kha ka hi.

1 SAMUEL 17:55

Philistin mipa do ding ah David a kuandaw lai chu Saul in a la mu in, sepai zosia chung ah hotupa Abner kiang ah chun, “Abner, zia tangval hi kua chapa ahi em?” ti’n a dong a. Abner in, “Aw lengpa, la hinna sâl in ka gen ahi, ka he him him puai,” ti’n a dawnhu a.

1 SAMUEL 25:26

Tu’hin, ka lalpa, Lalpa hinna leh nangma hinna sâl in ka gen ahi; thisan sua lo ding leh nangma ngei in phuba la lo dingin Lalpa‘n a hun tûktân ziakin; tu’hin vang, la mêlmate leh ka lalpa chung ah thil phalo bawl gaw tapo chu Nabal tawh bang in um mai tau hen.